Potato For Cleaning : માત્ર ખાવા માટે જ નહીં, પરંતુ સાફ-સફાઈ માટે પણ ઉપયોગી છે બટેકા, કારના કાચથી લઈને આ વસ્તુઓ માટે ઉપયોગી છે-જુઓ Video

How To Use Potato For Cleaning Purpose : બટાકાનું નામ સાંભળીને તમારા મોંમાં પાણી આવી જતું હશે. કારણ કે તમે તેની સાથે જોડાયેલી ઘણી વાનગીઓનો સ્વાદ ચાખ્યો હશે. બટાટાને કોઈ કારણસર શાકભાજીનો રાજા નથી કહેવામાં આવતું, તેને કોઈપણ શાકભાજી સાથે મિક્સ કરીને પણ બનાવી શકાય છે, પરંતુ શું તમે જાણો છો કે બટાકાનો ઉપયોગ સફાઈના કામમાં પણ થઈ શકે છે. ચાલો જાણીએ કે આ સામાન્ય શાકભાજીની મદદથી ઘરમાં કઈ કઈ વસ્તુઓ સાફ કરી શકાય છે.

આ પણ વાંચો : દુનિયાના સૌથી મોંઘા બટેટા, એક કિલોના 50 હજાર રૂપિયા સુધીની કિંમત! જાણો કેવી રીતે થાય છે તેની ખેતી

બટેકા સફાઈ માટે ઉપયોગી થઈ શકે છે

કારના ગ્લાસની સફાઈ

જો તમે કાર લઈને ક્યાંય જઈ રહ્યા છો તો તમારા સાઈડ ગ્લાસમાં વાઈપર હોતા નથી. સતત વરસાદ પડવાને કારણે સાઈડ મિરરમાં દેખાતું બંધ થઈ જાય છે ત્યારે એક નાનકડું બટેકું કાપીને તેના રસ વાળો ભાગ અંદરનો ભાગ મિરર પર ઘસો. આમ કરવાથી જેટલું પણ વરસાદી પાણી હશે તે મિરર પરથી ખરી જશે. અને તમને બહારનું દ્રશ્ય એકદમ ચોખ્ખું દેખાશે તેમજ એક્સિડન્ટનો ચાન્સ નહી રહે.

(Credit source : The Pankanj Sharma)

ચાંદીના આભૂષણો

ચાંદીના આભૂષણો લાંબા સમય સુધી સંગ્રહ કર્યા પછી તે ઝાંખા થઈ જાય છે, જેના કારણે તમે તેને લગ્ન સમારોહમાં પહેરી શકતા નથી. જો તમારે તેની ચમક પાછી લાવવી હોય તો બટાકાને બારીક કાપીને પાણીમાં ઉકાળો. હવે તેમાં ચાંદીના દાગીનાને લગભગ એક કલાક સુધી ડૂબાડી રાખો અને છેલ્લે તેને બ્રશની મદદથી સાફ કરો.

છરી

રસોડાની છરીને ઘણીવાર કાટ લાગે છે જેના કારણે તેની ધાર નબળી પડવા લાગે છે અને ચમક પણ ગાયબ થઈ જાય છે. આ માટે ચાકુ પર ડીશ વોશર લિક્વિડ અને બેકિંગ પાવડર લગાવો. છેલ્લે, કાટ લાગેલી જગ્યા પર કાપેલું બટેકું ઘસો અને તેને સ્વચ્છ પાણીથી ધોઈ લો.

ચશ્મા

ઘણી વખત જ્યારે તમે માસ્ક સાથે ચશ્મા પહેરો છો, ત્યારે અંદર બાજુ કાચમાં ધુમ્મસ જમા થાય છે, જેના કારણે તમને બરાબર દેખાતું નથી. જો તમે આ સમસ્યાથી બચવા ઈચ્છો છો તો કાપેલા બટાકાને અંદરના ગ્લાસમાં ઘસો. જેના કારણે ફૉગ નહીં રહે.

ચહેરાના ડાઘ

ચહેરા પર પિમ્પલ્સને કારણે ડાર્ક સ્પોટ્સ દેખાવા લાગે છે. આ સ્થિતિમાં બટાકાની છાલ ઉતારીને છીણી લો. હવે આ બટાકાના ટુકડાને ચહેરા પર ઘસો, જો તમે આ પ્રક્રિયાને લગભગ એક અઠવાડિયા સુધી રિપીટ કરશો તો ડાર્ક સ્પોટ્સના નામ જ ગાયબ થઈ જશે.

કાચના ટુકડા

ક્યારેક પાણીનો ગ્લાસ કે ગ્લાસ અજાણતામાં પડી જાય છે અને તૂટી જાય છે અને તેના ટુકડા જમીન પર વિખેરાઈ જાય છે, તો તેના સૂક્ષ્મ કણોને સાફ કરવામાં ઘણી મુશ્કેલીઓ આવે છે, જો એક ટુકડો પણ રહી જાય તો તે પગને ઈજા પહોંચાડે છે. આ સ્થિતિમાં બટાકાને વચ્ચેથી કાપી લો અને કાચના ટુકડાને જમીન પર ચોંટાડો.