ડોનાલ્ડ ટ્રમ્પનો ભારતીય પર મોટો ઉપકાર! કૃષિ અને ઔદ્યોગિક સાધનો પર ટેરિફ ઘટાડીને 15 ટકા કરી
અમેરિકી રાષ્ટ્રપતિ ડોનાલ્ડ ટ્રમ્પે મિડલ ઈસ્ટના તણાવ વચ્ચે એક મોટો નિર્ણય લેતા ચોક્કસ કૃષિ પ્રોડક્ટ્સ અને ઔદ્યોગિક મશીનરી પર લાગતા ટેરિફમાં ભારે ઘટાડો કરવાની જાહેરાત કરી છે.
અમેરિકાના રાષ્ટ્રપતિ ડોનાલ્ડ ટ્રમ્પે વૈશ્વિક સ્તરે એક મોટો આર્થિક નિર્ણય લેતા ટેરિફમાં ધરખમ ઘટાડાની જાહેરાત કરી છે. ટ્રમ્પે ચોક્કસ એગ્રીકલ્ચર પ્રોડક્ટ્સ અને ઇન્ડસ્ટ્રિયલ સાધનો પર લાગતા યુએસ ટેરિફને 25 ટકાથી ઘટાડીને સીધો 15 ટકા કરી દીધો છે. અમેરિકી પ્રમુખ દ્વારા લેવાયેલો આ અસ્થાયી નિર્ણય આગામી વર્ષ ડિસેમ્બર 2027 સુધી લાગુ રહેશે.
વ્હાઇટ હાઉસના જણાવ્યા અનુસાર, આ નિર્ણય અમેરિકામાં રોકાણને પ્રોત્સાહન આપવા અને યુએસ ઇકોનોમીના મહત્વના ક્ષેત્રોને મજબૂત કરવા માટે લેવામાં આવ્યો છે. આનાથી સસ્તા આયાતની સાથે-સાથે અમેરિકી સ્ટીલ અને એલ્યુમિનિયમના વધુ ઉપયોગને પણ વેગ મળશે.
ટ્રમ્પે કેમ લીધો આ અચાનક નિર્ણય
આ ટેરિફ કટનો મુખ્ય ઉદ્દેશ્ય અમેરિકાના સ્થાનિક મેન્યુફેક્ચરિંગ અને કૃષિ ઉત્પાદનને મજબૂત કરવાનો છે, જેથી આ સેક્ટર સાથે જોડાયેલા વ્યવસાયોનો ખર્ચ ઘટાડી શકાય. આ નવો નિયમ કમ્બાઈન, હાર્વેસ્ટર અને અન્ય કૃષિ મશીનો સહિતના ઘણા સાધનો પર લાગુ થશે. આનાથી ખેડૂતો અને કૃષિ ઉત્પાદકોને ઓછી કિંમતે આધુનિક અને નવા સાધનો ખરીદવામાં મોટી મદદ મળશે. આ સાથે જ કંપનીઓને પ્રોડક્શન ક્ષમતા વધારવા અને નવા સાધનો ખરીદવા માટે પ્રોત્સાહન મળશે.
શું ભારતને થશે આનો કોઈ ફાયદો
અહેવાલો અનુસાર, અમેરિકા તરફથી ટેરિફ ઘટાડાની આ રાહત માત્ર એવા દેશોને જ આપવામાં આવી છે જેમના પ્રમુખ કરાર અમેરિકા સાથે થયેલા છે. એટલે કે જે દેશો સાથે અમેરિકાના વેપાર કરારો છે, ત્યાંથી આયાત કરવામાં આવતા બુલડોઝર, ફોર્કલિફ્ટ, ઔદ્યોગિક મશીનરી અને ફાર્મ ઇક્વિપમેન્ટ્સ પર હવે 25 ટકાના બદલે 15 ટકા ટેરિફ લાગશે. જો કે, ભારતને આનો સીધો ફાયદો મળતો દેખાઈ રહ્યો નથી, કારણ કે હજુ સુધી યુએસ-ઇન્ડિયા ટ્રેડ ડીલ ફાઇનલ થઈ શકી નથી.
ટ્રમ્પ પ્રશાસને શરૂ કરી વધુ એક ખાસ સ્કીમ
સ્થાનિક સ્તરે ઉત્પાદિત સ્ટીલ અને એલ્યુમિનિયમની માંગ વધારવા માટે ટ્રમ્પ પ્રશાસને એક વધારાની પ્રોત્સાહક યોજના પણ શરૂ કરી છે. આ સ્કીમ હેઠળ, વિદેશી ઉત્પાદકો 10 ટકાના વધુ નીચા ટેરિફ રેટનો લાભ ઉઠાવી શકશે. પરંતુ આ માટે શરત એ રહેશે કે તેમના દ્વારા આયાત કરવામાં આવેલા કેપિટલ ઇક્વિપમેન્ટમાં વજનના હિસાબે ઓછામાં ઓછું 85 ટકા સ્ટીલ અથવા એલ્યુમિનિયમ અમેરિકાનું વપરાયેલું હોવું જોઈએ.
મ્યુચ્યુઅલ ફંડમાં રેકોર્ડ રોકાણ વચ્ચે એલર્ટ, વર્ષ 2026માં SIP ઇન્વેસ્ટર્સની આ 5 મોટી ભૂલો કમાણી પર ફેરવી શકે છે પાણી
