Euthanasia In New Zealand: ન્યુઝીલેન્ડમાં આજથી ‘ઈચ્છા મૃત્યુ’નો કાયદો અમલમાં આવ્યો, લોકો પોતાની મરજીથી મરી શકશે !
ન્યુઝીલેન્ડમાં લોકોને પોતાની મરજીથી મરવાનો અધિકાર આપવામાં આવ્યો છે, જે આજથી અમલમાં આવી ગયો છે. હવે જો લોકો ઈચ્છે તો ઈચ્છામૃત્યુ લઈ શકે છે.
Euthanasia in New Zealand: ન્યુઝીલેન્ડમાં રવિવાર સવારથી ઈચ્છામૃત્યુનો કાયદો અમલમાં આવી ગયો છે. એટલે કે, હવે લોકો પોતાની મરજીથી મરી શકે છે. અગાઉ કોલંબિયા, કેનેડા, ઓસ્ટ્રેલિયા, લક્ઝમબર્ગ, સ્પેન, નેધરલેન્ડ અને સ્વિટ્ઝર્લેન્ડ (End of Life Choice Act) જેવા દેશોમાં ઈચ્છામૃત્યુને કાયદેસર કરવામાં આવી હતી. આ તમામ દેશોમાં મૃત્યુમાં સહકાર સંબંધિત અલગ અલગ નિયમો અને શરતો છે. ન્યૂઝીલેન્ડ (New Zealand)માં પણ આવી જ સ્થિતિ મૂકવામાં આવી છે. અહીં માત્ર એવા લોકોને જ મરવાની મંજૂરી આપવામાં આવશે જેઓ અસ્થાયી બીમારીથી પીડિત છે. એટલે કે, એક રોગ જે આગામી છ મહિનામાં જીવનનો અંત લાવે છે.
આ પ્રક્રિયા માટે ઓછામાં ઓછા બે ડોકટરોની સંમતિ ફરજિયાત છે. આ કાયદાને લાગુ કરવા માટે ન્યુઝીલેન્ડમાં લોકમત યોજાયો હતો, જેમાં 65 ટકાથી વધુ લોકોએ તેની તરફેણમાં મતદાન કર્યું હતું (New Zealand Euthanasia Referendum Results). ન્યુઝીલેન્ડમાં આ મુદ્દે લાંબા સમયથી ચર્ચા ચાલી રહી છે અને આખરે આજથી કાયદાનો અમલ પણ થઈ રહ્યો છે. અલબત્ત, સાંભળવામાં થોડું વિચિત્ર લાગે છે પરંતુ કેટલાક લોકો માટે રાહતના સમાચાર પણ છે. સ્ટુઅર્ટ આર્મસ્ટ્રોંગ, 61, પ્રોસ્ટેટ કેન્સરથી પીડિત છે, જે અસાધ્ય છે. આર્મસ્ટ્રોંગ કહે છે કે તે હવે કેવી રીતે મૃત્યુ પામશે તેની ચિંતા નથી. કારણ કે મૃત્યુની ઈચ્છા કરવામાં કોઈ દુઃખ નહીં હોય.
લોકો શેની વિરુદ્ધ ?
ન્યુઝીલેન્ડમાં પણ ઘણા લોકો તેનો વિરોધ કરી રહ્યા છે. તેઓ કહે છે કે ઈચ્છામૃત્યુ (euthanasia) માનવ જીવન અને મૂલ્યો પ્રત્યે સમાજનું સન્માન નબળું પાડશે. તેનાથી સંવેદનશીલ લોકોની સંભાળમાં ઘટાડો થશે, ખાસ કરીને વિકલાંગ લોકો અથવા જીવનના છેલ્લા દિવસોમાં જીવતા લોકો. જ્યારે આ કાયદાનું સમર્થન કરનારાઓ કહે છે કે, માણસને ક્યારે અને કેવી રીતે મરવું હોય તે મરવાનો અધિકાર છે. આવ સ્થિતિમાં ઈચ્છામૃત્યુ તેમને સન્માન સાથે મરવાનો અધિકાર આપે છે.
કેટલા લોકો અરજી કરી શકે છે?
વિદેશના આવા જ કેસોનું વિશ્લેષણ કર્યા પછી આરોગ્ય મંત્રાલયે કહ્યું છે કે, દર વર્ષે 950 લોકો આ માટે અરજી કરી શકશે. જેમાંથી 350 લોકોને મૃત્યુમાં મદદ કરવામાં આવશે. પરંતુ ખરેખર કેટલા લોકો અરજી કરે છે, તેના વિશે હજુ અનુમાન લગાવી શકાય તેમ નથી. આ કામ માટે તબીબોને યોગ્ય તાલીમ આપવામાં આવી છે. જો કે ઘણા ડોકટરો પણ તેની સામે આવ્યા છે (Why Euthanasia is Not Good). તેઓ માને છે કે જો યોગ્ય કાળજી લેવામાં આવે તો દર્દીને ઈચ્છામૃત્યુની જરૂર જ નથી પડતી. પરંતુ ઘણા મામલાઓમાં એવું પણ જોવા મળ્યું છે કે, કાળજી રાખવા છતાં ઘણા લોકો સ્વસ્થ નથી થયા.
આ પણ વાંચો : શિયાળાની ઠંડી વચ્ચે દેશનાં વિવિધ વિસ્તારોમાં વરસી શકે છે ભારે વરસાદ, મહારાષ્ટ્ર સહિતના વિસ્તારોમાં એલર્ટ
Latest News Updates
