Earthquake Breaking : તાઇવાનમાં જોરદાર ભૂકંપ, રિક્ટર સ્કેલ પર 6.3ની તીવ્રતા માપવામાં આવી

તાઈવાનના ઉત્તર-પૂર્વમાં ભૂકંપના જોરદાર આંચકા અનુભવાયા છે. ભૂકંપની તીવ્રતા રિક્ટર સ્કેલ પર 6.3 માપવામાં આવી છે. ભૂકંપના કારણે તાઈવાનમાં ઈમારતો હલી ગઈ છે. જર્મન રિસર્ચ સેન્ટર ફોર જીઓસાયન્સિસ (GFZ) એ જણાવ્યું કે ભૂકંપની ઊંડાઈ 171 કિમી (106.25 માઇલ) હતી. ભૂકંપના ડરથી લોકો ઘરની બહાર નીકળી ગયા હતા. હજુ સુધી કોઈ જાનહાની કે સંપત્તિના નુકસાન અંગે કોઈ માહિતી બહાર આવી નથી.

મળતી માહિતી મુજબ, તાઈવાનના ઉત્તર-પૂર્વમાં 6.3ની તીવ્રતાનો ભૂકંપનો આંચકો અનુભવાયો હતો. વેધર બ્યુરોના જણાવ્યા અનુસાર રાજધાની તાઈપેઈમાં ભૂકંપના જોરદાર આંચકા અનુભવાયા છે. વેધર બ્યુરોના જણાવ્યા અનુસાર, ભૂકંપના જોરદાર આંચકાના કારણે રાજધાની તાઈપેઈમાં થોડા સમય માટે ઈમારતો ધ્રૂજતી જોવા મળી હતી, જોકે હજુ સુધી કોઈ નુકસાનના અહેવાલ નથી.

આ પણ વાંચો : ફ્રાન્સની રાજધાની પેરિસમાં નવો પ્રયોગ, બંધ રેલવે લાઈનની આસપાસ બનાવવામાં આવી રહી છે ગ્રીન સ્પેસ 

અગાઉ મોરોક્કોમાં ભૂકંપ આવ્યો હતો જેમાં 3 હજાર લોકોના મોત થય હતા