ડાર્ક સર્કલ સાથે જોડાયેલા એ Myths જે લોકો આસાનીથી માની જાય છે.. નિષ્ણાતો પાસેથી જાણો સત્ય

આજના ભાગદોડભર્યા જીવનમાં થાકની અસર સૌથી પહેલા આંખોની આસપાસ દેખાય છે. સવારે ઉઠતાની સાથે જ અરીસામાં ડાર્ક સર્કલ જોવું ઘણાં લોકો માટે તણાવપૂર્ણ અનુભવ બની જાય છે. હવે ડાર્ક સર્કલ માત્ર વૃદ્ધોની સમસ્યા રહી નથી, યુવાનો, વિદ્યાર્થીઓ અને બાળકો પણ તેનો સામનો કરી રહ્યા છે. મોબાઇલ ફોન અને લેપટોપનો વધુ ઉપયોગ, મોડે સુધી જાગવાની આદત અને બદલાતી જીવનશૈલીને કારણે આ સમસ્યા વધતી જઈ રહી છે.

ડાર્ક સર્કલ વિશે અલગ-અલગ માન્યતાઓ છે. કેટલાક લોકો માને છે કે મોબાઇલ ફોનનો વધુ ઉપયોગ કરવાથી ડાર્ક સર્કલ થાય છે, જ્યારે કેટલાકનું માનવું છે કે પૂરતી ઊંઘ લેવાથી તે સંપૂર્ણપણે દૂર થઈ જાય છે. ઘણા લોકો ઘરેલું ઉપચાર પર આંધળો વિશ્વાસ રાખે છે, જ્યારે કેટલાક મોંઘી ક્રીમ અને સારવારને જ એકમાત્ર ઉકેલ માને છે. પરંતુ વાસ્તવિકતા શું છે? ચાલો નિષ્ણાતોના અભિપ્રાયથી જાણીએ.

માન્યતા 1: ઊંઘની કમીને કારણે જ ડાર્ક સર્કલ થાય

ત્વચારોગ વિજ્ઞાની ડૉ. ઇશિતા પંડિત જણાવે છે કે સૌથી મોટી માન્યતા એ છે કે ઊંઘની કમીને કારણે જ ડાર્ક સર્કલ થાય છે. પરંતુ આ હંમેશા સાચું નથી. ઘણા કેસમાં ડાર્ક સર્કલ આનુવંશિક પણ હોઈ શકે છે. આ ઉપરાંત, આંખોની નીચેની ત્વચા પાતળી હોવી, પિગમેન્ટેશન, સાયનોસિસ અથવા એનિમિયા જેવી સમસ્યાઓ પણ ડાર્ક સર્કલનું કારણ બની શકે છે.

માન્યતા 2: ક્રીમથી ડાર્ક સર્કલ સંપૂર્ણપણે દૂર થઈ જાય છે

નિષ્ણાતો કહે છે કે ફક્ત કોઈપણ ક્રીમ લગાવવાથી ડાર્ક સર્કલ દૂર થતા નથી. સૌથી પહેલા ડાર્ક સર્કલ થવાનું મૂળ કારણ સમજવું જરૂરી છે. કારણ જાણ્યા વિના કોઈ પણ ક્રીમનો ઉપયોગ કરવો અસરકારક સાબિત થતો નથી.

માન્યતા 3: ઘરેલું ઉપચાર અસરકારક છે

ઘણા લોકો બટાકાનો રસ, લીંબુનો રસ અથવા ટામેટાનો રસ લગાવવાથી ડાર્ક સર્કલ દૂર થઈ જશે એવું માને છે. પરંતુ હકીકતમાં, આ ઉપચાર ફક્ત ત્વચાને થોડી હદ સુધી હાઇડ્રેશન આપે છે. તે સમસ્યાનું મૂળ કારણ દૂર કરતા નથી. ઉલટું, આવા ઉપચારોથી ત્વચામાં એલર્જી અથવા જલન થવાની શક્યતા પણ રહે છે.

માન્યતા 4: ડાર્ક સર્કલ ફક્ત રંગદ્રવ્યને કારણે થાય છે

કેટલાક લોકો માને છે કે ડાર્ક સર્કલ ફક્ત પિગમેન્ટેશનના કારણે જ થાય છે. પરંતુ નિષ્ણાતો જણાવે છે કે આ સંપૂર્ણ સત્ય નથી. આંખોની નીચે ખાડા પડવા, વૃદ્ધત્વના કારણે વોલ્યુમમાં ઘટાડો થવો અથવા ત્વચાની બંધારણમાં ફેરફાર થવો પણ ડાર્ક સર્કલના મહત્વના કારણો હોઈ શકે છે.

માન્યતા 5: ડાર્ક સર્કલ માટેની સારવાર અસુરક્ષિત છે

ડૉ. ઇશિતા પંડિત અનુસાર, ઘણા લોકો માને છે કે ડાર્ક સર્કલ દૂર કરવાની પ્રક્રિયાઓ જોખમી હોય છે. પરંતુ જો આ સારવાર તાલીમ પામેલા અને અનુભવી ત્વચારોગ વિજ્ઞાની પાસેથી લેવાય, તો તે સંપૂર્ણપણે સલામત ગણાય છે. લેસર થેરાપી, PRP (પ્લેટલેટ-સમૃદ્ધ પ્લાઝ્મા), ફિલર્સ અને સ્કિન બૂસ્ટર્સ જેવી આધુનિક પદ્ધતિઓ સુરક્ષિત છે અને સારા પરિણામો પણ આપે છે.

શું બીયર પીવાથી ખરેખર કિડનીની પથરી દૂર થાય છે? જાણો હકીકત