વિજય રૂપાણી અને નીતીન પટેલના અણબનાવ તથા ખેડૂતોને કેન્દ્રની ભેટ, જાણો ગુજરાતથી જોડાયેલી ટોપ 5 ખબરો

વિજય રૂપાણી અને નીતીન પટેલના અણબનાવ તથા ખેડૂતોને કેન્દ્રની ભેટ, જાણો ગુજરાતથી જોડાયેલી ટોપ 5 ખબરો

ટોપ ન્યૂઝ 1: લોકસભા ચૂંટણી પહેલા મોદી સરકારે ખેડૂતોને મોટી રાહત આપી છે. મોદી સરકારે ખેડૂતો માટે 7214કરોડ રૂપિયાના રાહત પેકેજની મંજૂરી આપી છે. આ પેકેજનો લાભ ગુજરાત, મહારાષ્ટ્ર, કર્ણાટક અને આંધ્રપ્રદેશના ખેડૂતોને મળશે. ત્યારે પૂર્વ કૃષિપ્રધાન અને નાફેડના ચેરમેન દીલીપ સંઘાણીએ મોદી સરકારના નિર્ણયને આવકાર્યો હતો.

ટોપ ન્યૂઝ 2 : કેન્દ્ર સરકારે ખેડૂતો અંગે સહાયની જાહેરાત કરી છે. ત્યારે આ સહાયમાં ગુજરાતને હણહણતો અન્યાય થતો હોય તેવો કોંગ્રેસનો આક્ષેપ છે. કોંગ્રેસે સહાયને લોલીપોપ ગણાવતા કહ્યું કે 127 કરોડ રૂપિયામાંથી ખેડૂતોને કેટલા રૂપિયા મળશે. આચારસંહિતા પહેલા જનતાને સહાય મળી જશે કે કેમ તેવા સવાલો પણ કોંગ્રેસે ઉઠાવ્યા છે.

ટોપ ન્યૂઝ 3 : ગુજરાત કોંગ્રેસના પ્રભારી રાજીવ સાતવે કહ્યું કે મુખ્યપ્રધાન વિજય રૂપાણી અને નાયબ મુખ્યપ્રધાન નીતીન પટેલ વચ્ચેના અણબનાવનો લાભ થશે. બંન્ને વચ્ચેનો અણબનાવ વાયબ્રન્ટમાં દેખાયો છે. તેમણે વાયબ્રન્ટ સમિટને નિષ્ફળ ગણાવી તો કોંગ્રેસ નેતાની નારાજગીની વાતને પણ રાજીવ સાતવે ફગાવી દીધી હતી.

ટોપ ન્યૂઝ 4 : સ્થાનિક સ્વરાજય સંસ્થાઓની પેટાચૂંટણીમાં ભગવા લહેરાયો છે. ત્યારે આ જીતને મુખ્યપ્રધાન વિજય રૂપાણીએ લોકસભા ચૂંટણીનું ટ્રેલર ગણાવ્યું. રૂપાણીએ કહ્યું કે જસદણ વિધાનસભા તેમજ પેટાચૂંટણીઓના પરિણામ એ આગામી લોકસભા ચૂંટણીનું ટ્રેલર છે.

ટોપ ન્યૂઝ 5 : આણંદના સિનાઈ ક્રેડીટ સોસાયટીના ચેરમેનના આપઘાત કેસમાં ચોંકાવનારા ખુલાસા સામે આવ્યા છે. મૃતક પાસેથી મળી આવેલી સુસાઈડ નોટમાં NCPના પ્રદેશ પ્રમુખ જયંત બોસ્કીના નામનો ઉલ્લેખ કરાયો છે. જયંત બોસ્કીએ નાણાં પરત અપાવવા મધ્યસ્થીની ભૂમિકા ભજવી હોવાનું સામે આવ્યું છે. રૂપેશ સાત્વિકે આર્થિક કારણોસર મોતને વ્હાલુ કર્યું હોવાનું સામે આવ્યું છે.

 

[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]

Click on your DTH Provider to Add TV9 Gujarati