Surat : ભેસ્તાનમાં BRTS ની બસે ત્રણને અડફેટે લીધા, એકની હાલત ગંભીર
Surat : સુરત ભેસ્તાનના સફારી કોમ્પ્લેક્ષ સામે BRTS ની બસે મહિલા સહિત ત્રણ લોકોને અડફેટે લીધા હોવાની ઘટના બની છે. બસની અડફેટે આવેલા ત્રણેય લોકોને ઈજાગ્રસ્ત હાલતમાં 108 એમ્બ્યુલન્સની મદદથી સારવાર માટે સુરત સિવિલ હોસ્પિટલ(Surat Civil Hospital) ખસેડવામાં આવ્યા છે.
Surat : સુરત ભેસ્તાનના સફારી કોમ્પ્લેક્ષ સામે BRTS ની બસે મહિલા સહિત ત્રણ લોકોને અડફેટે લીધા હોવાની ઘટના બની છે. બસની અડફેટે આવેલા ત્રણેય લોકોને ઈજાગ્રસ્ત હાલતમાં 108 એમ્બ્યુલન્સની મદદથી સારવાર માટે સુરત સિવિલ હોસ્પિટલ(Surat Civil Hospital) ખસેડવામાં આવ્યા છે. ઇજાગ્રસ્ત ત્રણ લોકો પૈકી વધુ ઈજાઓના કારણે એકની હાલત નાજુક હોવાનું જાણવા મળી રહ્યું છે.
ઓક્ટોબર મહિનામાં બસ દ્વારા રાહદારીઓને અડફેટમાં લેવાની આજે બીજી ઘટના બની છે. આજે BRTS ની બસે ત્રણ લોકોને અડફેટમાં લીધા હતા. ત્રણ ઘાયલો પૈકી બે સિવિલના કોન્ટ્રાકટ કર્મચારીઓ છે. આ કર્મચારીઓ નોકરી પર જઈ રહ્યા હતા તે સમયે બનાવ બન્યો હતો. ભેસ્તાન વિસ્તારના સફારી કોમ્પ્લેક્ષ સામે આ બનાવ બન્યો હતો.
આ અગાઉ 6 ઓક્ટોબરની રાતે પણ સીટી બસે અકસ્માત સર્જ્યો હતો.આ અગાઉ સુરતના શહેરમાં અકસ્માતની વધુ એક ઘટના સામે આવી હતી. ઉધના વિસ્તારમાં સીટી બસ(City Bus)દ્વારા અકસ્માતમાં એક યુવકને ગંભીર ઈજાઓ પહોંચી હતી. ઈજાગ્રસ્ત યુવાનનું મોત નીપજ્યું છે. યુવકના બસની અડફેટે કારનું મોતની ઘટનાને લઈને સ્થાનિકોમાં રોષ પણ જોવા મળ્યો હતો. ઉધના વિસ્તારમાં રાત્રીના સમયે રોડ ક્રોસ કરતા એક રાહદારી બસની અડફેટે આવી ગયો હોવાનું આ કિસ્સામાં જાણવા મળ્યું હતું હતો. અકસ્માતમાં યુવકને ગંભીર ઈજાઓ પહોચી હતી જેનું સારવાર મળે તે પહેલાજ દુઃખદ મૃત્યુ નીપજ્યું હતું.
સુરત શહેરમાં અકસ્માતની ઘટનાઓ વધી રહી છે.તાજેતરમાં ફ્લાયઓવર પર બાઈક સવારની લાપરવાહીના કારણે તેનો જીવ જોખમમાં મુકાયો હતો. બેફામ બાઈક હંકારતા યુવકે વાહન ઉપરથી કાબુ ગુમાવી દીધો હતો. આ ઘટનાનાં Live Video વાયરલ થયા હતા જેમાં યુવક બ્રિજ ઉપરથી નીચે પટકાતા સહેજ માટે બચી ગયો હતો. એક કર્ણ ડેશબોર્ડ કેમેરાએ આખી ઘટના કેદ કરી હતી.
