Surat : પરવત ગામમાં 2 સંતાનની માતાના આપઘાત કેસમાં આરોપી પતિની ધરપકડ

સુરતના લીંબાયત વિસ્તાર ની ઘટના ચોંકાવનારી ઘટના સામે આવી જેમાં હાથ પર હિન્દી ભાષામાં ‘પતિ મુઝે હેરાન-પરેશાન કરતા હૈ, મૈં તંગ આ ગઈ હું’ એમ લખી પરવત ગામની મહિલાએ મંગળવારે સાંજે ઘરમાં ફાંસો ખાઈ આપઘાત કરી લીધો હતો. મહિલાએ ભરેલા અણધાર્યા પગલાને લીધે તેણીના બે સંતાનોએ માતાની છત્રછાયા ગુમાવવાનો વારો આવ્યો હતો. લીંબાયત પોલીસે ગુનો નોંધી આરોપીને ઝડપી પાડ્યો છે.

પતિના ત્રાસથી કંટાળી પત્નીનો આપઘાત

સુરતમાં પર્વત ગામની 2 સંતાનોની માતાએ પતિના ત્રાસથી કંટાળીને આપઘાત કરી લેતા પરિવારમાં શોકનો માહોલ ફેલાયો છે. મહિલાએ તેમના હાથ પર હિન્દી ભાષામાં સુસાઇડ નોટ લખી આપઘાત પાછળ તેના પતિને જવાબદાર ઠેરવ્યો છે. મહિલાએ તેના હાથ પર લખ્યું છે કે ‘પતિ મુજે હેરાન-પરેશાન કરતા હૈ, મેં તંગ આ ગઇ હું’. મામલાની જાણ થતાં જ લિંબાયત પોલીસે ઘટનાસ્થળે પહોંચી તપાસ હાથ ધરી હતી. સમગ્ર કેસમાં લીંબાયત પોલીસે ગુનો નોંધ્યો હતો. જે પછી આરોપીને ઝડપી લેવામાં આવ્યો છે.

ગળે ફાંસો ખાધેલી હાલતમાં મળ્યો હતો મૃતદેહ

સુરતના લીંબાયત વિસ્તારમાં રહેતા અને મૂળ ઝારખંડના વતની સીતા પ્રવીન ગોસ્વામી (ઉં.વ.27) પતિ અને બે સંતાનો સહિતના પરિવાર સાથે પરવત ગામ સ્થિત સીતાનગરમાં રહેતી હતી. તે દરમિયાન મંગળવારે સાંજે સીતાનો મૃતદેહ ઘરમાંથી ફાંસો ખાધેલી હાલતમાં મળી આવ્યો હતો. જેથી સીતાને હોસ્પિટલમાં લઈ જવા માટે પરિવારના સભ્યોએ 108-ને જાણ કરી હતી. પરંતુ 108 એમ્બ્યુલન્સ પહોંચે તે પહેલા સીતાનું મોત થઈ ચૂક્યું હતું.

Web Stories View more

હાર્દિક પંડ્યાના કારણે ટીમનું વાતાવરણ બગડી રહ્યું છે, મુંબઈ ઈન્ડિયન્સના કેપ્ટન પર મોટો હુમલો

કેનેડામાં વિદ્યાર્થીઓની વધી મુશ્કેલી, બદલાયો આ નિયમ

ઉનાળામાં કેરી ખાધા પછી શું ન ખાવું જોઈએ?

હવે આખું વર્ષ મોબાઈલ રિચાર્જની ઝંઝટ ખતમ, આ છે Jio અને Airtelના સૌથી સસ્તા વાર્ષિક પ્લાન

ઉનાળામાં મોઢાં પર બરફ ઘસવાના ફાયદા છે ચોંકાવનારા, જાણી લો

રિંકુ સિંહને કપિરાજે 6 વખત બચકા ભર્યા છે, જુઓ ફોટો

બનાવની જાણ થતા લિંબાયત પોલીસ ઘટનાસ્થળે દોડી ગઈ હતી. સમગ્ર મામલે પીએસઆઈ એચ. આર. મારૂએ તપાસ શરુ કરી હતી. જેમાં સીતાએ આપઘાત કરતા પહેલા હાથ પર હિન્દી ભાષામાં ‘પતિ મુઝે હેરાન-પરેશાન કરતા હૈ, મૈં તંગ આ ગઈ હું’ એમ લખ્યું હતું. જેના પરથી સીતાએ પતિના ત્રાસના કારણે કંટાળી જઈને અંતિમ પગલું ભરી લીધું હોવાનું પ્રાથમિક તપાસ દરમિયાન સામે આવ્યુ છે. ત્યારે સમગ્ર મામલે મૃતક સીતાના પતિ વિરુદ્ધ આત્મહત્યાની દુષ્પેરણાનો ગુનો નોંધાયો હતો. સાથે દહેજ માગવા સહિતની કલમો લગાવી ગુનો નોંધાયો હતો. જેના આધારે પોલીસે મૃતક સીતાના પતિની ધરપકડ કરી વધુ તપાસ હાથ ધરી છે.