Rajkot : સ્ટેટ GSTના બે અને એક નિવૃત કર્મચારી લાંચ લેતા ઝડપાયા

Rajkot : જિલ્લાના સ્ટેટ GSTના બે અને એક નિવૃત કર્મચારી લાંચ લેતા ઝડપાયા છે. લાંચિયા અધિકારીઓએ ભંગારના વેપારી પાસે 3.50 લાખની લાંચ માગી હતી. વેપારી જ્યારે ભંગારની હેરફેર કરી રહ્યો હતો ત્યારે તેની બે ટ્રક રોકીને બિલ વગરનો માલ હોવાની ધમકી આપીને કાર્યવાહી કરવાનો ડર બતાવ્યો હતો. જોકે કાર્યવાહી ન કરવા માટે આરોપીઓએ સાડા ત્રણ લાખની લાંચ માગી હતી. જોકે ફરિયાદી આ રકમ આપવા ન ઇચ્છતા તેણે ACBમાં ફરિયાદ કરી હતી. જેના આધારે લાંચ રૂશ્વત વિરોધી શાખાએ છટકુ ગોઠવીને ત્રણેયને લાંચ લેતા રંગેહાથ ઝડપી લીધા હતા.