મધ્ય પ્રદેશ અને ગુજરાત વચ્ચેનો સંપર્ક હવે વધુ સુદ્રઢ થશે, કારણ કે ઈન્દોરથી ઝાબુઆ થઈને ગુજરાત બોર્ડર સુધી પહોંચતો નેશનલ હાઈવે-47 (NH-47) ફોરલેન સેક્શન પૂર્ણ થઈ ગયો છે. 162 કિલોમીટર લાંબા આ હાઈવેને 4-લેનમાં અપગ્રેડ કરવામાં આવ્યો છે, જેનાથી ઈન્દોરથી ધાર, ઝાબુઆ, દાહોદ, ગોધરા અને અમદાવાદ સુધી સુપરફાસ્ટ કનેક્ટિવિટી મળશે. આ પ્રોજેક્ટથી પેસેન્જર વાહનો તેમજ ભારે માલવાહક વાહનોને સૌથી વધુ ફાયદો થશે.

ઈન્દોરથી અમદાવાદનું અંતર અને સમય ઘટશે

નેશનલ હાઈવે-47 ના આ નવા સેક્શનથી ઈન્દોર અને અમદાવાદ બંને શહેરોને મોટો લાભ થશે: અગાઉ બંને શહેરો વચ્ચે 380 થી 400 કિલોમીટરનું અંતર કાપવામાં 8 થી 9 કલાક જેટલો લાંબો સમય લાગતો હતો. વાહનોને સાંકડા રસ્તાઓ અને જંગલો વચ્ચેના જોખમી વળાંકોમાંથી પસાર થવું પડતું હતું. હવે ફોરલેન બન્યા બાદ આ સફર માત્ર 5 થી 6 કલાક માં જ પૂરી થઈ રહી છે, જેનાથી મુસાફરો અને ટ્રાન્સપોર્ટરોનો સમય અને ઇંધણ બંને બચશે.

મધ્ય પ્રદેશ અને ગુજરાતના આ શહેરો જોડાશે

• મધ્ય પ્રદેશના વિસ્તારો: ઈન્દોરથી શરૂ થઈને આ હાઈવે ધાર અને ઝાબુઆ જેવા આદિવાસી બહુલ અને ઔદ્યોગિક વિસ્તારોમાંથી પસાર થશે.
• ગુજરાતના શહેરો: બોર્ડર પાર કરતાં જ આ હાઈવે સીધો દાહોદ, ગોધરા અને ત્યાંથી અમદાવાદ તેમજ બામણબોર (રાજકોટ નજીક) સુધી કનેક્ટ થશે.

NH-47 પ્રોજેક્ટની વિગતો અને કવર થતા મુખ્ય રૂટ્સ

વાસ્તવમાં NH-47 ગુજરાતના બામણબોરથી શરૂ થઈને મધ્ય પ્રદેશમાંથી પસાર થતાં મહારાષ્ટ્રના નાગપુર સુધી જાય છે, જેની કુલ લંબાઈ આશરે 1006 કિલોમીટર છે. આ હાઈવેનો ઈન્દોરથી MP-ગુજરાત સીમા સુધીનો ભાગ 150 થી 160 કિલોમીટરનો વિસ્તાર આવરી લે છે. NHAI દ્વારા તાજેતરમાં 16 કિલોમીટર લાંબા મુખ્ય બાયપાસ અને રી-અલાઈન્ડ સેક્શનનું કામ પૂર્ણ કરવામાં આવ્યું છે, જે નીચે મુજબના મુખ્ય શહેરો/વિસ્તારોને જોડે છે:

• ઈન્દોર
• બેતમા
• ધાર
• સરદારપુર
• ઝાબુઆ
• પિટોલ
• દાહોદ
• લીમખેડા
• ગોધરા

7 નવા વ્હીકલ અંડરપાસ (VUP) નું નિર્માણ

આ હાઈવેને સંપૂર્ણપણે ‘એક્સિડન્ટ-ફ્રી’ બનાવવા માટે સરકાર ₹168.58 કરોડના ખર્ચે 7 નવા વ્હીકલ અંડરપાસ અને સર્વિસ રોડ બનાવી રહી છે. આ વ્યવસ્થાથી સ્થાનિક ગામડાઓનો લોકલ ટ્રાફિક મુખ્ય હાઈવે પર સીધો નહીં આવે, જેના લીધે હાઈવે પર વાહનો કલાકના 100 કિલોમીટરની ઝડપે સુરક્ષિત રીતે દોડી શકશે.

આયુષ્માન કાર્ડ હોવા છતાં હોસ્પિટલે સારવારની ના પાડી? જાણો ફોન પર ઓનલાઇન ફરિયાદ નોંધાવવાની સંપૂર્ણ રીત