20 જૂનના મહત્વના સમાચાર : NEET-UG રિ-એક્ઝામ પહેલા સરકાર એક્શનમાં, સવારે 9 વાગ્યાથી લઇને રાત્રે 8 વાગ્યા સુધી દેશવ્યાપી મોક ડ્રીલ
આજે 20 જૂનને શનિવારના રોજ, ગુજરાત સહીત દેશના વિવિધ રાજ્યોમાં અનેકવિધ કાર્યક્રમો યોજાવા જઈ રહ્યા છે. આજના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના ત્વરીત અપડેટ્સ મેળવવા માટે આપ, આ પેજને સતત રિફ્રેશ કરતા રહો.
LIVE NEWS & UPDATES
-
અમેરિકાના ફ્લોરિડામાં મીયામીમાં ભયંકર આગ
અમેરિકાના ફ્લોરિડાના મિયામી નજીક જંગલમાં ભયંકર આગ લાગતા અનેક એકર વિસ્તાર આગની ઝપેટમાં આવી ગયો છે. આગ ઝડપથી ફેલાતા તંત્ર દ્વારા અનેક મુખ્ય રસ્તાઓ બંધ કરવાની ફરજ પડી હતી. રસ્તાઓ બંધ થતાં હજારો વાહનચાલકો ટ્રાફિકમાં ફસાઈ ગયા હતા અને લોકોને ભારે હાલાકીનો સામનો કરવો પડ્યો હતો. આગ પર કાબૂ મેળવવા ફાયર વિભાગ અને અન્ય બચાવ ટીમો સતત કામગીરી કરી રહી છે.
-
રાજકોટઃ શાપર વેરાવળમાં કરોડો રૂપિયાની લૂંટ
રાજકોટ જિલ્લાના શાપર વેરાવળ વિસ્તારમાં કરોડો રૂપિયાની ચકચારી લૂંટની ઘટના સામે આવી છે. મળતી માહિતી મુજબ 77 વર્ષીય જીતેન્દ્રસિંહ જાડેજાને બંધક બનાવીને 7 બુકાનીધારી શખ્સોએ લૂંટ ચલાવી હતી. લૂંટારૂઓએ આશરે 2.47 કરોડ રૂપિયાની રોકડ રકમ અને 7 તોલા સોનાના દાગીનાની લૂંટ ચલાવીને ફરાર થઈ ગયા હતા. ઘટનાની જાણ થતાં જ પોલીસ તાત્કાલિક હરકતમાં આવી હતી અને સમગ્ર વિસ્તારમાં નાકાબંધી કરીને આરોપીઓની શોધખોળ શરૂ કરી છે. ભોગ બનનાર જીતેન્દ્રસિંહ જાડેજા પેટ્રોલપંપ અને રિયલ એસ્ટેટના વ્યવસાય સાથે સંકળાયેલા હોવાનું જાણવા મળ્યું છે. પોલીસે ગુનો નોંધી વધુ તપાસ હાથ ધરી છે.
-
-
નોર્થ લંડનમાં મોટો ટ્રેન અકસ્માત
નોર્થ લંડનમાં એક મોટો ટ્રેન અકસ્માત થયો છે. બે ટ્રેનો વચ્ચે અથડામણમાં 50 લોકો ઘાયલ થયા છે.
-
પીએમ મોદીનો બંગાળ પ્રવાસ આજથી શરૂ
પીએમ મોદી 20-21 જૂને પશ્ચિમ બંગાળની મુલાકાત લેશે. આજે, તેઓ હુગલીમાં પશ્ચિમ બંગાળ દિવસની ઉજવણીમાં હાજરી આપશે. પ્રધાનમંત્રી રેલ્વે, કૃષિ, ગ્રામીણ વિકાસ, મત્સ્યઉદ્યોગ અને પશુપાલન ક્ષેત્રોમાં અનેક વિકાસ પ્રોજેક્ટ્સનું ઉદ્ઘાટન, સમર્પિત અને શિલાન્યાસ કરશે. તેઓ પીએમ-કિસાન યોજનાનો 23મો હપ્તો પણ રજૂ કરશે, જેનો લાભ દેશભરના 94.4 મિલિયનથી વધુ ખેડૂતોને મળશે.
-
છોટાઉદેપુર: ભારજ નદી પર બનાવાયેલો ડાયવર્ઝન ક્ષતિગ્રસ્ત
છોટાઉદેપુર જિલ્લામાં ભારજ નદી પર બનાવાયેલો ડાયવર્ઝન ક્ષતિગ્રસ્ત બનતા વાહનચાલકોને ભારે હાલાકીનો સામનો કરવો પડી રહ્યો છે. ડાયવર્ઝનની સ્થિતિ નબળી બનતા ભારે વાહનોની અવરજવર પર પ્રતિબંધ મુકવામાં આવ્યો છે, જેના કારણે લોકો પગપાળા પસાર થવા મજબૂર બન્યા છે. નેશનલ હાઈવે-56 પરનો બ્રિજ તૂટી જતાં વૈકલ્પિક વ્યવસ્થા તરીકે આ ડાયવર્ઝન બનાવવામાં આવ્યું હતું. હવે ભારે વાહનોને બોડેલી અથવા છોટાઉદેપુર જવા માટે આશરે 40 કિલોમીટરનો વધારાનો ફેરો મારવો પડી રહ્યો છે. નોંધનીય છે કે ગત વર્ષે પણ ચોમાસા દરમિયાન આ જ ડાયવર્ઝન ધોવાઈ જતાં પરિવહન વ્યવસ્થા ખોરવાઈ હતી.
-
-
અમદાવાદ: ચોમાસામાં ‘મેટ્રોસિટી’ના અનેક સ્થળે પાણી ભરાવાની શક્યતા
અમદાવાદમાં ચોમાસાની શરૂઆત પહેલાં જ પાણી ભરાવાની ચિંતા વધી છે. મનપાએ શહેરમાં પાણી ભરાઈ શકે તેવા 147 સ્થળોની ઓળખ કરી હતી, પરંતુ હજુ પણ 7 સ્થળોએ પ્રિ-મોન્સૂન કામગીરી ચાલુ છે. ઉપરાંત 12 જેટલા સ્થળોએ માત્ર કાગળ પર જ આયોજન હોવાનું સામે આવ્યું છે. મણિનગર, ન્યૂ મણિનગર અને બંધન પાર્ટી પ્લોટ સહિતના વિસ્તારોમાં પાણી ભરાવાની શક્યતા વ્યક્ત કરવામાં આવી છે. શહેરના 7 સ્થળો એવા પણ છે જ્યાં સામાન્ય વરસાદમાં જ જળબંબાકાર જેવી સ્થિતિ સર્જાઈ શકે છે. હાલ AMC દ્વારા કેચપીટ સફાઈનો બીજો રાઉન્ડ ચાલી રહ્યો છે, છતાં વરસાદ પહેલાં કામગીરી પૂર્ણ થશે કે નહીં તે અંગે પ્રશ્નો ઊભા થયા છે.
-
પેપર લીક રોકવા અભૂતપૂર્વ સુરક્ષા કવચ
NEET-UG રિ-એક્ઝામને લઈને કેન્દ્ર સરકાર અને NTA સંપૂર્ણ એક્શન મોડમાં જોવા મળી રહ્યા છે. પરીક્ષા પહેલાં દેશભરના તમામ પરીક્ષા કેન્દ્રો પર સુરક્ષા અને વ્યવસ્થાઓની ચકાસણી માટે આજે સવારે 9 વાગ્યાથી રાત્રે 8 વાગ્યા સુધી વ્યાપક મોક ડ્રીલ યોજાશે. પેપર લીક અને ગેરરીતિઓને રોકવા માટે અભૂતપૂર્વ સુરક્ષા વ્યવસ્થા ગોઠવવામાં આવી છે. NTA દ્વારા તમામ વહીવટી તેમજ સુરક્ષાલક્ષી તૈયારીઓ પૂર્ણ કરાઈ હોવાનું જણાવાયું છે. 21 જૂને યોજાનારી NEET-UG રિ-એક્ઝામમાં દેશભરમાં કુલ 22.79 લાખથી વધુ વિદ્યાર્થીઓ ભાગ લેશે.
-
આજે 20 જૂનને શનિવારના રોજ, ગુજરાત સહીત દેશના વિવિધ રાજ્યોમાં અનેકવિધ કાર્યક્રમો યોજાવા જઈ રહ્યા છે. આજના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના ત્વરીત અપડેટ્સ મેળવવા માટે આપ, આ પેજને સતત રિફ્રેશ કરતા રહો.
Published On - Jun 20,2026 7:30 AM
