12 ઓક્ટોબરના મહત્વના સમાચાર : જૂનાગઢના ગ્રામ્ય વિસ્તારોમાં ધોધમાર વરસાદ, કપાસ-મગફળીના પાકને નુકસાનની ભીતિ
આજે 12 ઓક્ટોબરના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના અપડેટ્સ મેળવવા માટે આ પેજને સતત રિફ્રેશ કરતા રહો..
ચેન્નઈ પાસે ટ્રેન દુર્ઘટના બની છે. મૈસુર-દરભંગા એક્સપ્રેસની માલગાડી સાથે ટક્કર થઇ છે. કોચમાં આગ લાગી અને 6 ડબ્બા પાટા પરથી ઉતર્યા છે. અમદાવાદના જીવરાજ બ્રિજ પર હિટ એન્ડ રનની ઘટના બની છે. અજાણ્યા વાહનની ટક્કરે યુવકનું મોત થયુ. પોલીસે તપાસ શરૂ કરી છે. હર્ષોલ્લાસ સાથે દેશભરમાં વિજયા દશમીનું પર્વ ઉજવાશે. ક્ષત્રિયો શસ્ત્ર પૂજા કરશે. વાહનો ખરીદાશે, ફાફડા-જલેબીની જયાફત ઉડશે. ગાંધીનગરના રૂપાલમાં વરદાયીની માતાની પલ્લી નીકળી. રૂપાલમાં ઘીની નદીઓ વહી. માઇ ભક્તો ભક્તિમાં લીન થયા. જામનગરના જામ સાહેબના વારસદાર મુદ્દે મોટા સમાચાર સામે આવ્યા છે. પૂર્વ ક્રિકેટર અજય જાડેજાનું વારસદાર તરીકે નામ જાહેર કરાયુ છે. જામ સાહેબ શત્રુશલ્યસિંહજી મહારાજે મોટો નિર્ણય કર્યો. સૌરાષ્ટ્ર અને દક્ષિણ ગુજરાતમાં ભારે વરસાદની આગાહી છે. વેલમાર્ક લૉ પ્રેસર બનતા, આજે ભારે વરસાદ પડી શકે છે.
LIVE NEWS & UPDATES
-
જૂનાગઢ: વિસાવદર અને મેંદરડાના ગામોમાં ધોધમાર વરસાદ
જૂનાગઢ જિલ્લાના વિસાવદર અને મેંદરડાના ગ્રામ્ય વિસ્તારોમાં ધોધમાર વરસાદ વરસ્યો છે. દાદર, બરડીયા, નાની મોણપરીમાં પણ ભારે વરસાદ વરસ્યો છે. અનરાધાર વરસાદ ખાબકતા ખેતરોમાં પાણી ભરાયા છે. ધોધમાર વરસાદના કારણે ગામની નદીઓમાં ઘોડાપૂર આવ્યું છે, તો બીજી તરફ પાછોતરો વરસાદ પડતા ખેડૂતોના કપાસ, મગફળી, સોયાબીના પાકને નુકસાન થવાની ભીતિ સતાવી રહી છે.
-
રામલીલા મેદાનમાં રાવણ દહન, PM મોદી અને રાષ્ટ્રપતિ મુર્મૂ રહ્યા હાજર
આજે દેશભરમાં દશેરાનો તહેવાર ઉજવવામાં આવી રહ્યો છે. આ અવસર પર દિલ્હીના રામલીલા મેદાનમાં રાવણ દહન કરવામાં આવ્યું. આ પ્રસંગે વડાપ્રધાન નરેન્દ્ર મોદી અને રાષ્ટ્રપતિ દ્રૌપદી મુર્મુ હાજર રહ્યા. બંનેએ પહેલા રામ અને લક્ષ્મણને તિલક કર્યું અને પછી આરતી ઉતારી અને બાદમાં રાવણના પૂતળાનું દહન કરવામાં આવ્યું હતું.
#WATCH दिल्ली: राष्ट्रपति द्रौपदी मुर्मू और प्रधानमंत्री नरेंद्र मोदी की मौजूदगी में लाल किले के माधवदास पार्क में रावण, मेघनाद और कुंभकर्ण के पुतलों का दहन किया गया।
(सोर्स: डीडी न्यूज़) pic.twitter.com/38VEuuPGme
— ANI_HindiNews (@AHindinews) October 12, 2024
-
-
ખેડામાં ભારે ઉકળાટ બાદ વાતાવરણમાં પલટો, અનેક વિસ્તારોમાં વરસાદ
ખેડા જિલ્લામાં ભારે ઉકળાટ બાદ વાતાવરણમાં પલટો આવ્યો છે. જિલ્લાના અનેક વિસ્તારોમાં વરસાદ વરસ્યો છે. ઠાસરા તાલુકાના ડાકોરમાં ધીમી ધારે વરસાદ પડ્યો છે. તો જિલ્લાના અનેક વિસ્તારોમાં છૂટો છવાયો વરસાદ વરસ્યો છે. તેથી વાતાવરણમાં ઠંડક પ્રસરી ગઈ છે.
-
અમદાવાદ મનપામાં ચોંકાવનારો કિસ્સો, કોર્પોરેટરના ત્રાસથી આસિસ્ટન્ટ TDOએ ધર્યું રાજીનામું !
અમદાવાદ મનપામાં ચોંકાવનારો કિસ્સો સામે આવ્યો છે. નેતાઓના ત્રાસથી મધ્ય ઝોન આસિસ્ટન્ટ TDO તરીકે ફરજ બજવતા પુરુષોત્તમ સોલંકીએ રાજીનામું ધરી દીધું છે. આસિસ્ટન્ટ TDOએ ડેપ્યુટી મનપા કેમિશનરને પત્ર લખીને રાજીનામું સ્વિકારવા અનુરોધ કર્યો છે. અધિકારીએ પત્રમાં ખાડિયા વોર્ડના કોર્પોરેટર ઉમંગ નાયક, પંકજ ભટ્ટ અને પૂર્વ કોર્પોરેટર મયુર દવે ઉપર ગંભીર આક્ષેપ લગાવ્યા છે. દબાણ હટાવાવાની ઝૂંબેશ દરમિયાન જપ્ત કરાયેલો સામાન ચાર્જ લીધા વગર પરત આપવા માટે દબાણ કરાતું હોવાનો અધિકારીનો આરોપ છે.
-
કડીમાં માટીની ભેખડ ધસી પડવાની ઘટનામાં 9 શ્રમિકોના મોત
દશેરાના પર્વે મહેસાણાના કડીમાં કરૂણાંતિકા સર્જાઇ છે. કડી તાલુકાના જાસલપુર ગામની સીમમાં આવેલી સ્ટીલ ઇનોક્સ સ્ટેઇનલેસ પ્રા.લિ.માં કામ કરતી વખતે માટીની ભેખડ પડતાં 9 મજૂરોના દટાઈ જવાથી મોત નિપજ્યા છે. જેમાં એક મહિલાનો સમાવેશ થાય છે. ઘટનાની જાણ થતાં જ સ્થાનિક વહીવટી તંત્રમાં દોડધામ સર્જાઇ હતી. હાલ ઘટનાસ્થળે JCBની મદદથી દટાયેલા શ્રમિકોને બહાર કાઢવાની કામગીરી શરૂ કરવામાં આવી હતી. જ્યારે ઘટનાસ્થળે 5 જેટલી એમ્બ્યુલન્સ પણ આવી પહોંચી હતી. આખરે રેસ્ક્યૂ કામગીરી પૂર્ણ થઇ છે અને ઘટનામાં 9 શ્રમિકોના મોત થયા છે જ્યારે એક શ્રમિકનો આબાદ બચાવ થયો છે.
-
-
17 ઓક્ટોબર કો બીજી વાર સીએમ પદનું નિવેદન લેંગે નાયાબ સિંહ સૈની
હરિયાણામાં મુખ્યમંત્રીના શપથની તારીખ નક્કી કરવામાં આવી છે. 17 ઓક્ટોબરે મુખ્યમંત્રી નયબ સિંહ સૈની બીજી વખત શપથ લેશે, જેની સાથે તેઓ પોતાની નવી ઇનિંગની શરૂઆત કરશે. શપથ સમારોહ વિશે માહિતી આપતા રાજ્યના પૂર્વ મુખ્યમંત્રી અને કેન્દ્રીય મંત્રી મનોહર લાલ ખટ્ટરે જણાવ્યું કે શપથ સમારોહ પંચકુલાના પરેડ ગ્રાઉન્ડમાં યોજાશે.
-
મહેસાણાઃ દિવાલ પડતા 5ના મોત, 4 દટાયા
મહેસાણાઃ કડીના જાસલપુર ગામ નજીક દિવાલ બનાવતી વખતે ભેખડ ધસી પડતા 5ના મોત થયા છે. તો 4 લોકો દટાયા છે. દિવાલ પડતા પાંચ શ્રમિકના મોત થયા છે, અન્ય દટાયા હોવાની આશંકા છે. જાસલપુર ગામમાં આવેલી સ્ટીલ ઇનોક્સ કંપનીમાં આ ઘટના બની છે. ઘટના સ્થળે પાંચ જેટલી એમ્બ્યુલન્સ અને પોલીસ પહોંચી છે. વહીવટી તંત્ર દ્વારા બચાવ કાર્યની કામગીરી શરૂ કરવામાં આવી છે.
-
સુરત: ગોપીપુરા 45.86 લાખના સોના-ચાંદીના દાગીનાની ચોરી કરનાર ઝડપાયો
સુરત: ગોપીપુરા 45.86 લાખના સોના-ચાંદીના દાગીનાની ચોરી કરનાર આરોપીને પોલીસે ઝડપી પાડ્યો છે. ચોરીને અંજામ આપનાર કારીગર ઝડપાયો છે. માલિકના ઘરેથી કારીગરે ચોરી કરી હતી. ચોરીને અંજામ આપી આરોપી દેબુ મુખર્જી ફરાર થઇ ગયો હતો. પોલીસે ઇન્દોરથી આરોપીને દાગીના ઝડપથી કબજે કર્યા.
-
વડોદરા: વાઘોડિયાના સાગાડોલ ગામે અકસ્માત
વડોદરા: વાઘોડિયાના સાગાડોલ ગામે અકસ્માત થયો છે. બે બાઇક વચ્ચે ગમખ્વાર અકસ્માતમાં 2ના મોત થયા છે. રાત્રી દરમિયાન બે બાઇક વચ્ચે અકસ્માત થયો છે. બે બાઇક ચાલકો સામ સામે અથડાતા અકસ્માત થયો. અકસ્માતમાં એક વ્યક્તિને નાની મોટી ઈજા પહોંચી છે. પોલીસે ઘટનાસ્થળે પહોંચી તપાસ હાથ ધરી છે.
-
રાજકોટના જામકંડોરણાનો યુવક અગ્નિવીરની ટ્રેનિંગ દરમિયાન થયો શહીદ
રાજકોટના જામકંડોરણાનો યુવક અગ્નિવીરની ટ્રેનિંગ દરમિયાન શહીદ થયો છે. હૈદરાબાદમાં કેમ્પ દરમિયાન યુવકનું મોત થયુ છે. વિશ્વરાજસિંહ મહિપતસિંહ ગોહિલના પાર્થિવ દેહને વતન લવાયો છે. મુખ્યમંત્રીએ ટ્વીટ કરીને યુવકને શ્રદ્ધાંજલિ આપી છે.
-
વડોદરા : પોલી મેદાન ખાતે રામલીલા યોજીને કરાશે રાવણદહન
વડોદરાના પોલી મેદાન ખાતે રાવણદહનની ધામધૂમથી તૈયારી કરી દેવાઇ છે. ખાસ, આગ્રાથી આવેલા કારીગરોએ રાવણ, મેઘનાથ અને કુંભકર્ણના…. 50 ફૂટ ઉંચા પૂતળા તૈયાર કર્યા છે… જેનું, રામલીલા કાર્યક્રમના સમાપન બાદ દહન કરાશે.
-
દશેરાના દિવસે ક્ષત્રિય સમાજ દ્વારા શસ્ત્ર-પૂજન
વિજયાદશમીના ઉત્સવની સમગ્ર દેશભરમાં ઉજવણી થઈ રહી છે. ધર્મ, પ્રાંત, પરંપરા અને માન્યતાઓ અનુસાર લોકો વિજયાદશમી પર્વની ઉજવણી કરે છે. ત્યારે અમદાવાદમાં ગોતા રાજપુત સમાજ ખાતે ક્ષત્રિય સમાજ દ્વારા શસ્ત્ર-પૂજન કરવામાં આવે છે. રાજપૂત વિદ્યાસભા ગુજરાત દ્વારા શસ્ત્રો અને શાસ્ત્રનું પૂજન કરવામાં આવ્યું હતું.
-
સંઘ પ્રમુખ મોહન ભાગવતે દશેરા રેલીમાં કર્યુ સંબોધન
સંઘની દશેરા રેલીમાં સંઘ પ્રમુખ મોહન ભાગવતે હિન્દુઓ વિશે મોટી વાત કહી. તેમણે કહ્યું કે હિંદુઓએ સંગઠિત અને મજબૂત રહેવું જોઈએ. નબળા હોવું એ ગુનો છે. અવ્યવસ્થિત અને નિર્બળ રહેવું એ દુષ્ટોના અત્યાચારોને આમંત્રણ આપવાનું છે. હિન્દુઓએ આ વાત સમજવી જોઈએ.
-
અમદાવાદમાં દશેરાના તહેવારની ભવ્ય ઉજવણી
અમદાવાદમાં દશેરાના તહેવારની ભવ્ય ઉજવણી થઇ. શહેરમાં ઠેર-ઠેર ફાફડા-જલેબીનું વેચાણ થઇ રહ્યુ છે.ફાફડા-જલેબી ખરીદવા લોકોની લાંબી લાઈન જોવા મળી રહી છે. આજના દિવસે કરોડો રૂપિયાના ફાફડા જલેબીનું વેચાણ થતું હોય છે. ઓનલાઈન ઓર્ડરની પણ ખૂબ ડિમાન્ડ છે. આ વર્ષે ગાઠિયા જલેબીના ભાવમાં 30 ટકાનો વધારો થયો છે. ફાફડા 740, જલેબી 840 રૂપિયા ભાવ છે.
-
RSSના વડા મોહન ભાગવતે નાગપુરમાં વિજયાદશમી પર શસ્ત્ર પૂજા કરી હતી
આરએસએસના વડા મોહન ભાગવતે નાગપુરમાં વિજયાદશમીના અવસર પર શસ્ત્ર પૂજા કરી હતી. પદ્મ ભૂષણ અને ઈસરોના ભૂતપૂર્વ વડા કે. રાધાકૃષ્ણન પણ આ કાર્યક્રમના મુખ્ય અતિથિ તરીકે હાજર રહ્યા હતા.
#RSS Chief #MohanBhagwat performs Shashtra Puja on the occasion of #Vijayadashami, in Nagpur, Maharashtra.
Padma Bhushan & former ISRO chief K. Radhakrishnan is also present as the chief guest of the event.#TV9Gujarati #TV9News pic.twitter.com/K17F0KQP8y
— Tv9 Gujarati (@tv9gujarati) October 12, 2024
-
ભરૂચ: વરસાદના કારણે 9મું નોરતુ બગડ્યું
ભરૂચ: વરસાદના કારણે 9મું નોરતુ બગડ્યું હતુ. ભારે વરસાદના કારણે ગરબા ગ્રાઉન્ડમાં કિચડ થયો હતો. ગરબા આયોજકોએ સાઉન્ડ સિસ્ટમ બંધ કરાવી. નવમાં નોરતે વરસાદે ખેલૈયાઓના જુસ્સા પર પાણી ફેરવ્યું.
-
રુપાલમાં વરદાયિની માતાની પરંપરાગત પલ્લી નીકળી
ગાંધીનગરના રૂપાલમાં નોમની રાત્રે વરદાયિની માતાની પરંપરાગત પલ્લી નીકળી હતી. પલ્લીયાત્રામાં ઘીની નદીઓ વહેતી હોય તેવા દ્રશ્યો સર્જાયા હતા. પરંપરા મુજબ મધરાતે રૂપાલ ગામના મધ્ય વિસ્તારમાંથી પલ્લી યાત્રાની શરૂઆત થઈ હતી અને વહેલી સવારે પલ્લીયાત્રા બાદ વરદાયિની માતાની વિશેષ પૂજા કરવામાં આવી હતી. પલ્લીયાત્રા દરમિયાન ભક્તો દ્વારા શુદ્ધ ઘીનો અભિષેક કરવામાં આવે છે. દર્શનાર્થીઓ માટે આરોગ્ય, વાહન પાર્કિંગ અને ભોજનની વ્યવસ્થા કરવામાં આવી હતી. રૂપાલમાં ઘી ચઢાવવાની વર્ષોથી ચાલતી પરંપરા છે. ઘી ચઢાવવાની માનતા દર્શનાર્થીઓ રાખતા હોય છે.
-
પૂર્વ ક્રિકેટર અજય જાડેજા જામ સાહેબના વારસદાર બનશે
જામનગરઃ જામ સાહેબના વારસદાર મુદ્દે મોટા સમાચાર સામે આવ્યા છે. પૂર્વ ક્રિકેટર અજય જાડેજાનું વારસદાર તરીકે નામ જાહેર થયુ છે. રાજવી પરિવારે ઐતિહાસિક નિર્ણય લીધો. જામ સાહેબ શત્રુશલ્યસિંહજી મહારાજે મોટો નિર્ણય કર્યો છે.
Published On - Oct 12,2024 7:36 AM
