07 ડિસેમ્બરના મહત્વના સમાચાર : કેન્દ્રીય ગૃહ અને સહકાર મંત્રી અમિત શાહ આજે અમદાવાદમાં વિકાસના અનેક કાર્યોનું કરશે લોકાર્પણ-ખાતમૂહર્ત
Gujarat Live Updates આજ 07 ડિસેમ્બરના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના અપડેટ્સ મેળવવા માટે આ પેજને સતત રિફ્રેશ કરતા રહો.
LIVE NEWS & UPDATES
-
જંબુસર નજીક દરિયામાં બોટ પલટી જતા એકનુ મોત, 30ને બચાવાયા
જંબુસર નજીક દરિયામાં બોટ પલટી જતા એકનુ મોત થયું છે જ્યારે 30 લોકોને બચાવાયા છે. ભરતીનું પાણી વધી જતાં બોટ ઊંઘી વળી ગઈ હોવાનું કારણ સામે આવ્યું છે. ખાનગી કંપનીના ઓઇલના સર્વે માટે કામદારોને ભરીને બોટ દરિયામાં જઈ રહી હતી. આ સમયે, ભરતીનું પાણી એકાએક વધી જતા, કામદારો ભરેલ બોટ પલટી ખાઈ ગઈ હતી. જેમા 1 કામદારનું મોત થયું છે. જ્યારે દરિયામાં ડૂબેલા 30 જેટલા કામદારોને બચાવી લેવાયા છે. એશિયન એનર્જી કંપનીના કોન્ટ્રાકટના કામદારોની બોટ પલટી હતી.
-
કેન્દ્રીય ગૃહ અને સહકાર મંત્રી અમિત શાહ આજે અમદાવાદમાં વિકાસના અનેક કાર્યોનું કરશે લોકાર્પણ-ખાતમૂહર્ત
કેન્દ્રીય ગૃહ અને સહકાર મંત્રી અમિત શાહ આજે અમદાવાદમાં વિવિધ વિકાસ કાર્યોનો લોકાર્પણ અને ખાતમુહૂર્ત કરશે. EWS આવાસો, ઓક્સિજન પાર્ક, ઓપન પાર્ટી પ્લોટનું લોકાર્પણ કરશે. જીમ અને લાઇબ્રેરીની મુલાકાત લેશે. સરખેજનું શકરી તળાવ અને વસ્ત્રાપુર તળાવનું પણ લોકાર્પણ કરશે. પૂર્વ CM અને હાલના UP ગવર્નર આનંદી પટેલના પુસ્તકનું વિમોચન પણ અમિત શાહ કરશે. સાંજે રિવરફ્રન્ટ ખાતે BAPSના કાર્યક્રમમાં હાજરી આપશે અમિત શાહ
-
-
સુરતના લાલગેટ વિસ્તારમાં નાર્કોટિક્સ વિભાગના દરોડા, અફીણનો જથ્થો ઝડપાયો
સુરત શહેરમાં અમદાવાદ નાર્કોટિક્સ વિભાગે દરોડા પાડ્યા છે. સુરતના લાલગેટ વિસ્તારમાં દરોડા પાડીને અફીણનો જથ્થો ઝડપી પાડ્યો છે. નાર્કોટિક્સ વિભાગે સુરતના લાલગેટ વિસ્તારમાં પાડેલા દરોડામાં અંદાજિત 22 કિલોથી વધુ અફીણ ઝડપાયું છે. અફીણના જથ્થા સાથે એક વ્યક્તિની અટકાયત કરી છે.
-
ધ્રાંગધ્રાના રામદેવપુર ગામની સીમમાં યુવાનની હત્યા
સુરેન્દ્રનગરના ધ્રાંગધ્રામાં આવેલા રામદેવપુર ગામની સીમમાં યુવાનની હત્યાનો બનાવ બન્યો છે. તિક્ષ્ણ હથિયારના ઘા મારી હત્યા નિપજાવાઇ છે. મૃતક યુવાનનુ નામ વિપુલ વજુભાઈ મુલાડીયા ઠાકોર હોવાનું સામે આવ્યું છે. પોલીસ દ્વારા ઘટના સ્થળે પહોંચી હત્યા કરનાર આરોપી ને ઝડપી પાડવા ચક્રો ગતિમાન કર્યા છે. મૃતક યુવાન ની ડેડબોડીને ધ્રાંગધ્રા સરકારી હોસ્પિટલ પીએમ અર્થે લાવવામાં આવી છે.પોલીસ ઘટના સ્થળે પહોંચી અને વધુ તપાસ હાથ ધરી છે.
-
કચ્છના કુકમા ગામે પરપ્રાંતિય યુવાન બોરમાં ફસાયો
કચ્છના કુકમા ગામે પારિવારિક ઝઘડા બાદ જમીનથી 3 ફૂટ ઊંચા બોરમાં પરપ્રાંતિય યુવાને કૂદકો મારી દીધો હતો. કુકમાની આશાપુરા ટેકરી પાસે આવેલ વાડીમાં પરિવાર સાથે રહેતો હતો આ યુવક. ઘટનાની જાણ થતા જ ભુજ પ્રાંત અધિકારી, મામલતદાર, 108 અને પોલીસ અધિકારીઓ સહિતનો કાફલો ઘટના સ્થળ પર પહોંચ્યો હતો. યુવકને બહાર કાઢવા માટે પધ્ધર પોલીસ અને સ્થાનિક રેસ્ક્યુ ટીમો કામે લાગી છે.
-
આજે 07 ડિસેમ્બરને રવિવારના રોજ, ગુજરાત સહીત દેશના વિવિધ રાજ્યોમાં અનેકવિધ કાર્યક્રમો યોજાવા જઈ રહ્યા છે. આજના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના ત્વરીત અપડેટ્સ મેળવવા માટે આપ, આ પેજને સતત રિફ્રેશ કરતા રહો.
Published On - Dec 07,2025 7:21 AM
