06 એપ્રિલના મહત્વના સમાચાર : સ્થાનિક સ્વરાજ્યની ચૂંટણી માટે કોંગ્રેસના ઉમેદવારોની પ્રથમ યાદી જાહેર, પ્રથમ યાદીમાં 243 ઉમેદવારોના નામ

સ્થાનિક સ્વરાજ્યની ચૂંટણીના ઉમેદવારી ફોર્મની પ્રક્રિયા આજથી શરૂ

સ્થાનિક સ્વરાજ્યની ચૂંટણીના ઉમેદવારી ફોર્મની પ્રક્રિયા આજથી શરૂ થઈ રહી છે. ચૂંટણી પંચના વિવિધ જાહેરનામા અને નોટિસ સાથે આ પ્રક્રિયા શરૂ થશે, જેમાં ઉમેદવાર 11 એપ્રિલ સુધી ફોર્મ ભરી શકે છે. 13 એપ્રિલે ફોર્મની ચકાસણી થશે અને ઉમેદવાર 15 એપ્રિલ સુધી ફોર્મ પાછા ખેંચી શકે છે. રાજ્યમાં 10,000 થી વધુ બેઠકો માટે ચૂંટણીનું જંગ જારી રહેશે. રાજ્યમાં 26 એપ્રિલે 15 મહાનગર પાલિકાઓ, 34 જિલ્લા પંચાયતો, 260 તાલુકા પંચાયતો, 84 નગરપાલિકાઓની સામાન્ય મુખ્ય ચૂંટણી અને 11 નગરપાલિકાઓની ખાલી પડેલી 13 બેઠકોની પેટાચૂંટણી યોજાશે, જેના માધ્યમથી સ્થાનિક સ્વરાજ્યની માળખાકીય ચૂંટણીઓ પૂર્ણ થશે.

ખેડા: ટિકિટ વાંચ્છુઓના ફોનથી પ્રદેશ મહામંત્રી પરેશાન

ખેડા: પ્રદેશ ભાજપ મહામંત્રી પરેશાન – ટિકિટ માટેના દાવેદારોના સતત ફોનથી Paresh Shah પરેશાન થઈ ગયા છે. અજય બ્રહ્મભટ્ટે ફેસબુક પર પોસ્ટ કરીને દાવેદારોને સ્પષ્ટ સંદેશ આપ્યો છે અને ફોન ન કરવા અપીલ કરી છે. તેમને જણાવ્યું કે 4થી 10 તારીખ સુધી તેઓ ચૂંટણીના કામોમાં વ્યસ્ત રહેશે, અને દાવેદારીઓ માટે ફોન કરીને તેમના કાર્યમાં ખલેલ ન પહોંચાડવા વિનંતી કરી છે.

ટ્રમ્પની ધમકી બાદ ક્રૂડ ઓઈલના ભાવ આસમાને

વૈશ્વિક સ્તરે ક્રૂડ ઓઈલના ભાવોમાં તાજેતરના ઉથલપાથલ બાદ ભારે વધારો નોંધાયો છે. ડોનાલ્ડ ટ્રમ્પની ધમકી બાદ ક્રૂડ ઓઈલનો ભાવ $110 પ્રતિ બેરલને પાર પહોંચી ગયો છે. ગ્લોબલ બેન્ચમાર્ક બ્રેન્ટ ક્રૂડમાં 1.4% અને યુએસ ક્રૂડમાં 1.8% નો વધારો નોંધાયો છે. આ કારણે અમેરિકામાં પેટ્રોલના ભાવ 2022 પછી સૌથી મોંઘા થઇ ગયા છે. ગેસની સરેરાશ કિંમત $4.11 પ્રતિ ગેલન સુધી પહોંચી ગઈ છે. યુદ્ધ અને તણાવના કારણે અમેરિકામાં ઈંધણના ભાવમાં કુલ 38% નો વધારો નોંધાયો છે, જે સામાન્ય જીવન અને બજાર પર ગહન અસર પાડી રહ્યો છે.

સ્થાનિક સ્વરાજ્યની ચૂંટણી માટે કોંગ્રેસના ઉમેદવારોની પ્રથમ યાદી જાહેર

સ્થાનિક સ્વરાજ્યની ચૂંટણીને લઈને કોંગ્રેસે પોતાના ઉમેદવારોની પ્રથમ યાદી જાહેર કરી છે. આ યાદીમાં કુલ ૨૪૩ ઉમેદવારોના નામ જાહેર કરવામાં આવ્યા છે, જેમાં અમદાવાદ, રાજકોટ, સુરત, જામનગર, મોરબી, વડોદરા અને ભાવનગર મહાનગરપાલિકાઓ માટેના ઉમેદવારોનો સમાવેશ થાય છે. પ્રથમ યાદી મુજબ અમદાવાદમાં ૯૦, રાજકોટમાં ૪૦, સુરતમાં ૨૬, વડોદરામાં ૧૮, જામનગરમાં ૨૨, મોરબીમાં ૨૩ અને ભાવનગરમાં ૨૨ ઉમેદવારો જાહેર કરવામાં આવ્યા છે, જેના કારણે ચૂંટણીનો રાજકીય માહોલ ગરમાયો છે.

પોરબંદરઃ એરપોર્ટ નજીક અકસ્માતમાં ત્રણના મોત

વિદેશપ્રધાન એસ.જયશંકરે કરી UAEના DyPM સાથે વાત

ટ્રમ્પે સતત ચોથી વાર પોતાની ડેડલાઇન બદલી

ટ્રમ્પે સતત ચોથી વાર પોતાની ડેડલાઇન બદલી છે અને ઇરાનને આપી છે નવી જ ધમકી. રાષ્ટ્રપતિ ડોનાલ્ડ ટ્રમ્પે ચેતવણી આપી હતી કે જો ઈરાન મંગળવાર સાંજ સુધી ડીલ નહીં કરે અને હોર્મુઝ સ્ટ્રેટને ફરીથી નહીં ખોલે અમેરિકા ઇરાનના પાવર પ્લાન્ટ અને પુલો પર હુમલો કરશે. અગાઉ 48 કલાકની ડેડલાઇન આપ્યા બાદ હવે ટ્રમ્પે 24 કલાક માટે નવી ડેડલાઇન આપી દીધી છે. ટ્રમ્પના સતત અલ્ટિમેટમથી એક વાત સ્પષ્ટ છે કે યુદ્ધ તો ભીષણ બનશે અને હાલ તેના પૂર્વવિરામની કોઇ જ શક્યતાઓ નથી જોવા મળી રહી.