Breaking News: ઉદ્ધવ-ફડણવીસ એક જ ફ્લાઈટમાં સાથે નીકળ્યા, મહારાષ્ટ્રના રાજકારણમાં મોટા બદલાવના સંકેત

ઓપરેશન ટાઈગર હમણાં જ સંપન્ન થયું છે. શિવસેના ઠાકરે જૂથને મોટો ઝટકો લાગ્યો છે અને 6 સાંસદોએ શિવસેના ઠાકરે જૂથ છોડી દીધું છે. આ પછી હવે મોટા સમાચાર સામે આવી રહ્યા છે કે, ઉદ્ધવ ઠાકરે અને દેવેન્દ્ર ફડણવીસ એક જ વિમાનમાં મુસાફરી કરતા જોવા મળ્યા છે.

રાજકારણ ઘણું ગરમાયું

રાજકીય ગલિયારાઓમાંથી મોટા સમાચાર આવી રહ્યા છે. શિવસેના ઠાકરે જૂથને તાજેતરમાં જ મોટો ઝટકો લાગ્યો છે. પાર્ટીના 9 સાંસદોમાંથી 6 સાંસદ ઉદ્ધવ ઠાકરેનો સાથ છોડીને ચાલ્યા ગયા છે. આ તમામ સાંસદો મુંબઈમાં નાયબ મુખ્યમંત્રી એકનાથ શિંદેના નેતૃત્વવાળા શિવસેના શિંદે જૂથમાં જોડાઈ ગયા છે. આ દરમિયાન, રાજ્યમાં રાજકારણ ઘણું ગરમાયું છે.

ઉદ્ધવ-ફડણવીસ એક જ ફ્લાઈટમાં સાથે નીકળ્યા

શિવસેના ઠાકરે જૂથ અને ઉદ્ધવ ઠાકરે એકબીજા પર જોરદાર પ્રહારો કરી રહ્યા છે, જ્યારે બીજી તરફ ઠાકરે જૂથ ભાજપની ટીકા કરવાનું ટાળી રહ્યું છે. આ જ સમયે એક મોટા સમાચાર સામે આવ્યા છે કે, શિવસેના ઠાકરે જૂથના પ્રમુખ ઉદ્ધવ ઠાકરે અને મુખ્યમંત્રી દેવેન્દ્ર ફડણવીસ એક જ વિમાનમાં મુસાફરી કરતા જોવા મળ્યા છે.

ઉદ્ધવ ઠાકરે અને દેવેન્દ્ર ફડણવીસે મુંબઈથી નાગપુર જતી ફ્લાઈટમાં એક જ વિમાનમાં સફર કરી રહ્યા હતા. આ દરમિયાન મુખ્યમંત્રી દેવેન્દ્ર ફડણવીસે ઉદ્ધવ ઠાકરે સાથે હાથ પણ મિલાવ્યો હતો.

ત્રણેયનું મળવું એ મોટા સમાચાર: ફડણવીસ

બંને નેતાઓએ ઈન્ડિગોની ફ્લાઈટમાં એકસાથે મુસાફરી કરી હતી. મુલાકાત પછી મુખ્યમંત્રી દેવેન્દ્ર ફડણવીસે ઉદ્ધવ ઠાકરે સાથે હાથ મિલાવ્યા અને બંને નેતાઓએ એકબીજાને કેટલાક પ્રશ્નો પણ પૂછ્યા હતા. ઉદ્ધવ ઠાકરેની સાથે આદિત્ય ઠાકરે, સંજય રાઉત અને શિવસેના ઠાકરે જૂથના અન્ય નેતાઓ પણ હાજર હતા. બીજી તરફ, મુખ્યમંત્રી ફડણવીસે પણ આ મુલાકાત પર પ્રતિક્રિયા આપતા કહ્યું કે, અમારા ત્રણેયનું મળવું એ મોટા સમાચાર છે.

રામ મંદિરમાં કેવી રીતે ચોરાતા હતા દાનના રુપિયા? જાણો ચોરીથી લઈને ખુલાસા સુધીની સમગ્ર કહાની