03 ફેબ્રુઆરીના મહત્વના સમાચાર : હવામાન વિભાગે કરી કમોસમી વરસાદની આગાહી, વેસ્ટર્ન ડિસ્ટર્બન્સને કારણે વરસી શકે છે વરસાદ

મોરબી: આપના પૂર્વ ઉપપ્રમુખ વિરુદ્ધ નોંધાઈ ફરિયાદ

મોરબીમાં આપના પૂર્વ ઉપપ્રમુખ ચંદ્રકાંત વિરમગામા વિરુદ્ધ એટ્રોસિટી એક્ટ અને આઈટી એક્ટ હેઠળ ફરિયાદ નોંધાતા પોલીસે તેમની અટકાયત કરી છે. ફરિયાદ મુજબ આરોપીએ ફેસબુક પર ડમી આઈડી બનાવી ફરિયાદીને અપશબ્દો કહ્યા હતા તેમજ તેમની જ્ઞાતિ અંગે અપમાનજનક ટીપ્પણી કરી હતી. આ સાથે અગાઉ આપના જિલ્લા પ્રભારી તેમજ અન્ય કાર્યકરો અંગે પણ ખરાબ ટીપ્પણીઓ કર્યાનો આક્ષેપ કરવામાં આવ્યો છે. ઉલ્લેખનીય છે કે થોડા સમય અગાઉ આમ આદમી પાર્ટીએ ચંદ્રકાંત વિરમગામાને પક્ષમાંથી હકાલપટ્ટી કરી હતી.

આજે નિફ્ટીની સંભવિત દિશા-ઉપર રહેશે

આજે નિફ્ટીની સંભવિત દિશા-ઉપર રહેશે. Warning – ઐતિહાસિક રીતે, સૌથી વધુ ગેપ અપ થયો છે… આ ક્ષેત્રમાં ટ્રેડિંગ હવે જોખમી છે. તેથી, આજે ટ્રેડિંગથી દૂર રહેવું વધુ સારું રહેશે.

સેન્સેક્સ 3933 પોઈન્ટ વધ્યો, નિફ્ટી 25800 પર ખુલ્યો

સેન્સેક્સ 3933 પોઈન્ટ વધ્યો, નિફ્ટી 25800 પર ખુલ્યો, ભારતીય રૂપિયો 1.10 રૂપિયા મજબૂત થયો.

માવઠા અને બેવડી ઋતુને કારણે પાકને નુક્સાન

માવઠા અને બેવડી ઋતુને કારણે પાકને નુક્સાન પહોંચ્યુ છે. કેરી સહિતના પાકને ભારે નુક્સાનીની ભીતી છે. મહિસાગર, અરવલ્લીમાં કમોસમી વરસાદ પડ્યો હતો. ઠંડી, ગરમી અને વાદળ છાયા વાતાવરણને કારણે મુશ્કેલી પડી રહી છે. આંબાના મોર બળવાની શક્યતા છે.

હવામાન વિભાગે કરી કમોસમી વરસાદની આગાહી

ભારત ફક્ત રશિયન તેલની ખરીદી ઘટાડશે જ નહીં, પરંતુ તેને સંપૂર્ણપણે બંધ પણ કરશે

વ્હાઇટ હાઉસના એક વરિષ્ઠ અધિકારીએ ANI ને જણાવ્યું: ભારત દ્વારા રશિયન તેલની ખરીદી ઘટાડ્યા પછી, અમેરિકા ભારતીય આયાત પરની 25% વધારાની ડ્યુટી પણ દૂર કરશે. અધિકારીએ પુષ્ટિ આપી, “હા, જોકે કરાર મુજબ, ભારત રશિયન તેલની ખરીદી ઘટાડશે જ નહીં, પરંતુ તેને સંપૂર્ણપણે બંધ પણ કરશે.

#WATCH | Senior White House official to ANI: U.S. will also drop the 25% additional tariff on Indian imports since India reduced purchases of Russian oil. ‘Yes, although the agreement is that India will cease, not just reduce, Russian oil purchases,” the official confirmed… pic.twitter.com/n4w4PBuhNI

— ANI (@ANI) February 2, 2026

દિલ્હી: ત્રણ સગીરોએ ડિલિવરી મેનની હત્યા કરી

દિલ્હીના પાંડવ નગર વિસ્તારમાં ત્રણ સગીરોએ એક ડિલિવરી મેનની છરીના ઘા મારીને હત્યા કરી દીધી. ડિલિવરી એક્ઝિક્યુટિવ અરુણ રાજ (22) પર ત્રણે શખ્સોએ થોડી ઝઘડા બાદ તીક્ષ્ણ હથિયારથી હુમલો કર્યો અને ભાગી ગયા. ત્રણેય સગીરોની ધરપકડ કરવામાં આવી છે.

દેવભૂમિ દ્વારકા : ખંભાળિયામાં પાલિકાની ડમ્પિંગ સાઇટ પર આગ

દેવભૂમિ દ્વારકા : ખંભાળિયામાં પાલિકાની ડમ્પિંગ સાઇટ પર આગ લાગી. કચરાના ઢગલામાં ભીષણ આગ લાગી. દૂર દૂર સુધી ધુમાડાના ગોટે ગોટા જોવા મળ્યા. આગને કારણે ઝેરી ધુમાડા ફેલાયા.

અમેરિકાએ ભારતથી આયાત થતી વસ્તુઓ પર ટેરિફ 25 ટકાથી ઘટાડી 18 ટકા કર્યો

સોમવારે વડા પ્રધાન મોદી સાથે ફોન પર વાતચીત કર્યા પછી રાષ્ટ્રપતિ ડોનાલ્ડ ટ્રમ્પે જાહેરાત કરી કે યુનાઇટેડ સ્ટેટ્સે ભારતથી આયાત થતી વસ્તુઓ પરનો પારસ્પરિક ટેરિફ 25 ટકાથી ઘટાડીને 18 ટકા કર્યો છે. આ ટેરિફ ઘટાડાને મહત્વપૂર્ણ માનવામાં આવે છે. આ જાહેરાત બંને દેશો વચ્ચે વેપાર કરાર તરફ દોરી શકે છે.