Breaking News : અમદાવાદમાં ધુળેટીની ઉજવણી ફેરવાઇ માતમમાં, તળાવમાં ત્રણ બાળકો ડૂબ્યાં, જુઓ Video

અમદાવાદથી અત્યંત દુઃખદ સમાચાર સામે આવ્યા છે, જ્યાં ધુળેટીના પવિત્ર તહેવાર બાદ એક કરૂણ ઘટના બની છે. શહેરના માંડલ તાલુકાના સીતાપુર ગામ સ્થિત ઝોલાસર તળાવમાં નાહવા પડેલા ત્રણ માસૂમ બાળકોના ડૂબી જવાથી મોત નીપજ્યા છે.

પ્રાથમિક માહિતી અનુસાર, ધુળેટીની ઉજવણી પૂર્ણ થયા બાદ આ બાળકો તળાવમાં નાહવા માટે ગયા હતા. દુર્ભાગ્યવશ, તેઓ ઊંડા પાણીમાં ગરકાવ થઈ ગયા અને ડૂબી જતાં જીવ ગુમાવ્યા. ઘટનાની જાણ થતાં જ સ્થાનિકો દ્વારા રેસ્ક્યુ ઓપરેશન હાથ ધરવામાં આવ્યું હતું અને ત્રણેય બાળકોના મૃતદેહને તળાવમાંથી બહાર કાઢવામાં આવ્યા છે.

આ આઘાતજનક ઘટનાને કારણે પરિવારજનોમાં ભારે આક્રંદ અને શોકનો માહોલ છવાઈ ગયો છે. ધુળેટીનો ખુશીનો તહેવાર આ પરિવારો માટે કાયમી માતમમાં ફેરવાઈ ગયો છે. આ દુર્ઘટનાથી સમગ્ર વિસ્તારમાં ગમગીની વ્યાપી ગઈ છે.