ગુજરાતમાં બોમ્બથી ઉડાવી દેવાની ધમકીનો દોર હજુ થમયો નથી ત્યારે આજે વડોદરા જિલ્લા અને કચ્છ ભૂજની કોર્ટને બોમ્બથી ઉડાવી દેવાની ધમકી મળી છે. આ ધમકી મળતા સમગ્ર જીલ્લામાં અરાજકતા ફેલાઈ છે. મળતી માહિતી મુજબ આજે ભૂજ અને વડોદરા શહેરમાં ફરી એક વાર બોમ્બથી ઉડાવી દેવાની ધમકીના સમાચાર સામે આવ્યા છે.

કચ્છની કોર્ટને મળી ધમકી

મળતી માહિતી મુજબ આજે સવારે કચ્છ ભૂજની કોર્ટને ઈમેલ દ્વારા ધમકી મળી હતી જે બાદ અરાજકતા ફેલાઈ છે તેને પગલે કોર્ટ પરિસરને ખાલી કરાવવામાં આવ્યું છે. ઘટનાની જાણ થતા જ પશ્ચિમ કચ્છ પોલીસ અધિકારીઓનો કાફલો ઘટનાસ્થળે પહોંચ્યો હતો. આ ઘટનાને પગલે બૉમ્બ સ્કવોર્ડ અને ડોગ સ્કવોર્ડ સહિતની ટીમો દ્વારા ચેકીંગ હાથ ધરાવામાં આવ્યું છે.

વડોદરામાં 15 દિવસમાં મળી બીજી વાર ધમકી

આવી જ રીતે વડોદરાની કોર્ટને પણ બોમ્બથી ઉડાવી દેવાની ધમકી મળી છે. તમને જણાવી દઈએ કે વડોદરાની કોર્ટને છેલ્લા 15 દિવસમાં બીજી વખત ધમકીનો મેલ મળ્યો છે. ધમકી મળતા જ વકીલો અને અસીલોને કોર્ટમાં હાજર ન રહેવાની અને કોર્ટમાં હોય તો કોર્ટ પરિસરને ખાલી કરવાની જાણ કરવામાં આવી છે. સમગ્ર મામલે હાલ પોલીસ દ્વારા ચેંકિંગ હાથ ધરવામાં આવ્યું છે.

Breaking News : અમદાવાદમાં મોડી રાત્રે 3 ફેક્ટરીમાં લાગી આગ, એક ઘટનામાં 2 વ્યક્તિ ગંભીર રીતે દાઝ્યા, આ સ્ટોરી વાંચવા અહીં ક્લિક કરો