DWARKA : જિલ્લામાં વરસાદ તો 106 ટકા થયો, પણ મોટાભાગના ડેમો હજુ ખાલી કેમ ?

નોંધનીય છેકે ગુજરાતમાં આ વર્ષે પાછોતરો વરસાદ સારો નોંધાયો છે. અને, ભાદરવા મહિનામાં પડેલા ભારે વરસાદમાં જયાં વરસાદ ખાબકયો છે ત્યાં પાણી જ પાણી થઇ ગયું છે. તો ક્યાંક માત્ર નજીવો વરસાદ જ નોંધાયો છે. 

DWARKA : જિલ્લામાં વરસાદ તો 106 ટકા થયો, પણ મોટાભાગના ડેમો હજુ ખાલી કેમ ?
DWARKA: The rainfall in the district is 106 percent, but why most of the demos are still empty?

જિલ્લામાં 106 ટકા વરસાદ, માત્ર 6 ડેમો જ સંપૂર્ણ ભરાયા

દેવભૂમિ દ્વારકા જિલ્લામાં 106 ટકા જેટલો વરસાદ નોંધાયો છે. ત્યારે જિલ્લાના ક્ષાર અંકુશ વિભાગના હસ્તક આવતા 14 ડેમ પૈકી 6 ડેમ 100 ટકા ભરાયા છે. જ્યારે 2 ડેમ 90 ટકાથી વધુ ભરાયા છે. તેમજ અન્ય 6 ડેમમાં નવા નીરની આવક જ નથી થઈ. આ ઉપરાંત જામખંભાળીયામાં આવેલ ઘી ડેમ 40 ટકા જેટલો ભરાતાં આગામી માર્ચ સુધી પીવાના પાણીની સમસ્યા નહિ સર્જાય. જ્યારે ઘી ડેમમાંથી પિયત માટે પાણી નહિં મળે.

જિલ્લામાં વરસાદ તો પૂરતો થયો, પણ ડેમ હજુ ખાલી કેમ ?

દેવભૂમિ દ્વારકા જિલ્લામાં ચાલુ સિઝનમાં કુલ 106 ટકા જેટલો વરસાદ વરસી ચૂક્યો છે. જિલ્લામાં કુલ 14 ડેમ ક્ષાર અંકુશ વિભાગમાં આવેલ છે. તેમાંના 6 ડેમમાં 100 ટકા પાણી ભરાઇ ચૂક્યું છે. જ્યારે 2 ડેમ 90 ટકા ભરાયા છે. અને અન્ય 6 ડેમમાં નવા નીરની આવક જ ન થઈ. આ ડેમના આસપાસના વિસ્તારોમાં વરસાદ ખૂબ ઓછી માત્રામાં થયો હોવાના કારણે ડેમમાં પાણીની આવક નોંધાઇ નથી.

જિલ્લાના કુલ 14 ડેમમાંથી 8 ડેમમાં અપૂરતો પાણીનો જથ્થો

દેવભૂમિ દ્વારકા જિલ્લાના જામખંભાળીયાને પાણી પૂરું પડતો ઘી ડેમ માત્ર 40 ટકા જ જળસંગ્રહ થયો છે. ત્યારે સરકારની ગાઈડલાઈન મુજબ પીવાના પાણીની જરૂરિયાતને સંતોષાય તેની પ્રાથમિકતા અપાઈ છે. તેવામાં આગામી માર્ચ સુધી જામખંભાળીયાને પીવાનું પાણી પૂરું પાડી શકાય તેમ છે. જેથી પિયત માટે ઘી ડેમમાંથી પાણી નહિ મળી શકે.

આ વિસ્તારમાં સિંચાઇના પાણીની સમસ્યા સર્જાશે

જ્યારે જિલ્લાના ભાણવડ , દ્વારકા અને જામખંભાળીયા વિસ્તારોમાં આવેલ ક્ષાર અંકુશ વિભાગ હસ્તકના 6 જેટલા ડેમ ખાલી હોઈ અને ઓછી માત્રામાં જળસંગ્રહ થયો છે તેવા ડેમની આસપાસના વિસ્તારોમાં ખૂબ ઓછી માત્રામાં વરસાદ થયો છે. જેથી ડેમ પર કે આસપાસના ઉપરવાસમાં પણ પાણીની આવક થઈ ન હોઈ. જેથી ડેમમાં જળસંગ્રહ થઈ શક્યો નથી. જિલ્લામાં મોસમનો આજ સુધી કુલ 106 ટકા જેટલો વરસાદ થઈ ચુક્યો છે. છતાં પણ 6 જેટલા ડેમમાં નોંધપાત્ર પાણીની આવક થઈ નથી.

નોંધનીય છેકે ગુજરાતમાં આ વર્ષે પાછોતરો વરસાદ સારો નોંધાયો છે. અને, ભાદરવા મહિનામાં પડેલા ભારે વરસાદમાં જયાં વરસાદ ખાબકયો છે ત્યાં પાણી જ પાણી થઇ ગયું છે. તો ક્યાંક માત્ર નજીવો વરસાદ જ નોંધાયો છે.

Read Full Article

Click on your DTH Provider to Add TV9 Gujarati