ગુજરાતી ફિલ્મ ‘લાલો કૃષ્ણ સદા સહાયતે’એ બોલિવુડ ફિલ્મનો રેકોર્ડ તોડ્યો

બોક્સ ઓફિસ પર એવો ચમત્કાર જોવા મળી રહ્યો છે કે, આવો પહેલા ક્યારે પણ જોવા મળ્યો ન હતો. ગુજરાતી ફિલ્મે બોલિવુડની ફિલ્મને ટકકર આપી છે અને આટલું જ નહી બોલિવુડ ફિલ્મને પાછળ પણ છોડી છે. તો ચાલો જાણીએ લાલો કૃષ્ણ સદા સહાયતે ફિલ્મે બોક્સ ઓફિસ પર કેટલી કમાણી કરી છે.

Nirupa Duva | Updated on: Nov 23, 2025 | 5:09 PM

થિયેટરમાં આજકાલ બોલિવુડ નહી પરંતુ ગુજરાતી ફિલ્મના તમામ શો હાઉસફુલ થઈ રહ્યા છે. આ ફિલ્મને ચાહકો ખુબ જ પ્રેમ આપી રહ્યા છે. સોશિયલ મીડિયા પર પણ લાલો કૃષ્ણ સદા સહાયતે પર ધમાલ મચાવી રહી છે. કેટલીક એવી ફિલ્મો 2025મા આવી અને આ ફિલ્મોએ સરપ્રાઈઝ આપી છે. આ ફિલ્મોમાં માત્ર સાઉથ અને બોલિવુડની ફિલ્મો જ નથી પરંતુ ગુજરાતી અને આસમની ફિલ્મો પણ છે. જેમણે ઓછા બજેટમાં શાનદાર કમાણી કરી છે. આ ફિલ્મ 5 કરોડના ઓછા બજેટમાં બની છે. સાથે સાઉથ-બોલિવુડની ફિલ્મોને પાછળ છોડી છે.

સાઉથ-બોલિવુડની ફિલ્મોને પાછળ છોડી

ગુજરાતી ફિલ્મ લાલો કૃષ્ણ સદા સહાયતેનું કલેક્શન સારું જોવા મળી રહ્યું છે. આ ફિલ્મે પોતાના કલેક્શનમાં શાનદાર વધારો કર્યો છે તેમજ દિવસે દિવસે કમાણીમાં વધારો થઈ રહ્યો છે. તેમજ આ ગુજરાતી ફિલ્મે દિવસેને દિવસે નવા રેકોર્ડ પણ બનાવી રહી છે. તો ચાલો જાણીએ કે આ બે ફિલ્મોએ બોક્સ ઓફિસ પર કેવી રીતે ધૂમ મચાવી છે અને કંતારા1-છાવા જેવી ફિલ્મોને પણ પાછળ છોડી દીધી છે.

લાલો કૃષ્ણ સદા સહાયતે કરોડોની કમાણી કરી

લાલો કૃષ્ણ સદા સહાયતે ફિલ્મની જો આપણે વાત કરીએ તો આ ફિલ્મનું બજેટ રિપોર્ટસ મુજબ માત્ર 50 લાખ રુપિયાનું છે. પરંતુ આ ફિલ્મે 60 કરોડથી વધારેની કમાણી કરી છે. આ રિપોર્ટ મજુબ ફિલ્મના રિટર્ન ઓફ ઈનવેસ્ટમેટ 12080 ટકા થયો છે. આ આવર્ષની સૌથી વધારે પ્રોફિટેબલ ફિલ્મ બની ચૂકી છે. આ ફિલ્મે છાવા અને કંતારાને પણ પાછળ છોડી છે.આ કલેક્શન જોઈ એવું લાગી રહ્યું છે કે, આ ફિલ્મ 100 કરોડ રુપિયાની કમાણી કરી શકે છે.

28 નવેમ્બરના રોજ રિલીઝ થનારી હિન્દી ડબ ફિલ્મે અત્યારથી જ ચાહકોની ઉત્સુકતા વધારી દીધી છે. કારણ કે, આ ફિલ્મે માત્ર બોક્સ ઓફિસ પર રેકોર્ડ તોડ્યા નથી પરંતુ લોકોમાં તેની ભાવનાત્મક અને આધ્યાત્મિકતાથી ચાહકોને ઊંડે સુધી સ્પર્શી ગયું છે.