Ambani Family Dance : અનંત-રાધિકાના સંગીતમાં ‘ઓમ શાંતિ ઓમ’ પર અંબાણી ફેમિલિ ઝુમ્યું, ચહેરા પર દેખાઈ અનહદ ખુશી
Anant Radhika Sangeet ceremony : મુકેશ અંબાણી અને તેમના પરિવારે અનંત અંબાણી અને તેમની મંગેતર રાધિકા મર્ચન્ટના સંગીત સમારોહમાં પરફોર્મ કર્યું હતું. સ્ટેજ પર મુકેશ-નીતા અંબાણીના મોટા પુત્ર આકાશ અંબાણી અને પુત્રવધૂ શ્લોકા મહેતા, પુત્રી ઈશા અંબાણી અને જમાઈ આનંદ પીરામલ અને નવદંપતી અનંત અને રાધિકાએ 'દીવાનગી દીવાનગી' ગીત પર પારિવારિક ડાન્સ કર્યો હતો.
Ambani Family Dance on stage : રિલાયન્સ ઈન્ડસ્ટ્રીઝના ચેરમેન મુકેશ અંબાણી અને તેમની પત્ની નીતા અંબાણી તેમની બીજી વહુનું સ્વાગત કરવા માટે તૈયાર છે. અનંત અંબાણી અને તેમની મંગેતર રાધિકા મર્ચન્ટ 12 જુલાઈના રોજ લગ્ન કરવા જઈ રહ્યા છે. તેમના પુત્રના લગ્નને ખાસ બનાવવા માટે અંબાણી પરિવારે શુક્રવારે (5 જુલાઈ) સાંજે મુંબઈમાં સંગીત સમારોહનું આયોજન કર્યું હતું. જ્યાં બોલિવૂડની અનેક જાણીતી હસ્તીઓ અને ક્રિકેટરો હાજર રહ્યા હતા.
આખા પરિવારનો સાથે ડાન્સ
અંબાણી પરિવારે તેમના એક ડાન્સથી આ સમારોહને ખૂબ જ ખાસ બનાવ્યો હતો. મુકેશ અંબાણીએ શાહરૂખ ખાનની બ્લોકબસ્ટર ફિલ્મ ‘ઓમ શાંતિ ઓમ’ના લોકપ્રિય ગીત ‘દીવાનગી દિવાનગી’ પર તેમના આખા પરિવાર સાથે ડાન્સ કર્યો હતો.
‘દીવાનગી દીવાનગી’ પર ડાન્સ કરતી વખતે નીતા અંબાણીએ પણ પોતાના ભરત નાટ્યમ મૂવ્સની ઝલક આપી હતી અને પોતાના બાળકો સાથે દિલ ખોલીને ડાન્સ કરીને સમા બાંધ્યો હતો. આ પ્રસંગે તેણે ગુલાબી રંગનો લહેંગા પહેર્યો હતો, જેમાં તે ખૂબ જ સુંદર લાગી રહી હતી. જ્યારે મુકેશ અંબાણી નેવી બ્લુ કુર્તા પાયજામા અને મેચિંગ જેકેટમાં હેન્ડસમ લાગતા હતા.
અંબાણી પરિવારનો ડાન્સ વીડિયો વાયરલ થઈ રહ્યો છે
અંબાણી પરિવારના ડાન્સ પરફોર્મન્સનો વીડિયો પ્રખ્યાત પાપારાઝી વિરલ ભાયાનીએ સોશિયલ મીડિયા પર પોસ્ટ કર્યો છે. આ વીડિયોમાં આકાશ અંબાણી અને આનંદ પીરામલ પહેલા સ્ટેજ પર જોવા મળે છે, ત્યારબાદ ઈશા અંબાણી બોલિવૂડ સ્ટાઈલમાં એન્ટ્રી કરે છે. શ્લોકા પછી નીતા અંબાણી સ્ટેજ પર આવે છે. નીતા અંબાણી પછી મુકેશ અંબાણી ફિલ્મી સ્ટાઈલમાં એન્ટ્રી કરે છે અને બીજા બધા તાળીઓ પાડે છે.
અંતે વરરાજા અને કન્યા પ્રવેશ કરે છે અને પછી આખો અંબાણી પરિવાર શાહરુખ ખાનના ગીત ‘દીવાનગી-દીવાનગી’ પર એકસાથે ડાન્સ કરે છે. પરિવારની બોન્ડિંગ જોઈને હવે સોશિયલ મીડિયા યુઝર્સ તેને ખૂબ પસંદ કરી રહ્યા છે.
View this post on Instagram
(Credit Source : Viral Bhayani Insta)
મ્યુઝિક ફેસ્ટિવલમાં બોલિવૂડ સ્ટાર્સ પહોંચ્યા હતા
સલમાન ખાન, વિકી કૌશલ, દીપિકા પાદુકોણ, કિયારા અડવાણી, સિદ્ધાર્થ મલ્હોત્રા, એમએસ ધોની, હાર્દિક પંડ્યા, આલિયા ભટ્ટ અને રણબીર કપૂર જેવા ઘણા સ્ટાર્સે અનંત અને રાધિકાના સંગીત સમારોહમાં હાજરી આપી હતી. રિલાયન્સ ઈન્ડસ્ટ્રીઝના ચેરમેન મુકેશ અંબાણી અને પત્ની નીતા અંબાણીના પુત્ર અનંત અંબાણી અને તેમની મંગેતર રાધિકા મર્ચન્ટના લગ્નની ઉજવણી બુધવારે મુંબઈમાં અંબાણીના નિવાસસ્થાન એન્ટિલિયા ખાતે મામેરું સમારોહ સાથે શરૂ થઈ હતી.
Jio વર્લ્ડ કન્વેન્શન સેન્ટરમાં થશે લગ્ન
રિલાયન્સ ઇન્ડસ્ટ્રીઝ લિમિટેડના ચેરમેન અને MD મુકેશ અંબાણીના સૌથી નાના પુત્ર અનંત અંબાણી અને ઉદ્યોગપતિ વિરેન મર્ચન્ટની પુત્રી રાધિકા મર્ચન્ટ 12 જુલાઈના રોજ મુંબઈના Jio વર્લ્ડ કન્વેન્શન સેન્ટરમાં લગ્ન કરશે. મહેમાનોને આમંત્રણો મળવાનું શરૂ થઈ ગયું છે, જે એક સુંદર લાલ અને સોનેરી રંગનું કાર્ડ છે. જેમાં ત્રિદિવસીય સમારોહની વિગતવાર માહિતી આપવામાં આવી છે.