Lok Sabha Election 2024: સાતમાં તબક્કા માટે 1 જૂને થશે મતદાન, 8 રાજ્યની 57 સીટનું ભવિષ્ય થશે નક્કી
આ ચરણમાં 2 રાજ્ય અને એક કેન્દ્ર શાસિત પ્રદેશમાં એક જ તબક્કામાં 1 જૂને મતદાન કરવામાં આવશે. મતદાનના 2 દિવસ બાદ 4 જૂને મતગણતરી કરવામાં આવશે. દેશમાં ચૂંટણીનું બ્યુગલ વાગી ચૂક્યુ છે.
ચૂંટણી પંચ તરફથી દેશમાં 18મી લોકસભા માટે ચૂંટણીની તારીખોની જાહેરાત કરી દેવામાં આવી છે. દેશમાં આ વખતે 7 તબક્કામાં મતદાન કરવામાં આવશે. ચૂંટણીના સાતમા અને છેલ્લા તબક્કામાં ઉત્તરપ્રદેશ અને બિહારની સાથે સાથે 8 રાજ્યમાં 1 જૂને મતદાન કરવામાં આવશે. તેના માટે નોટિફિકેશન 7 મેએ જાહેર કરવામાં આવશે. 14 મે સુધી નામાંકન દાખલ થઈ શકશે અને 15 મેએ નામાંકન પત્રની ચકાસણી બાદ ઉમેદવારો 17 મે સુધી નામાંકન પરત ખેંચી શકશે.
આ ચરણમાં 2 રાજ્ય અને એક કેન્દ્ર શાસિત પ્રદેશમાં એક જ તબક્કામાં 1 જૂને મતદાન કરવામાં આવશે. મતદાનના 2 દિવસ બાદ 4 જૂને મતગણતરી કરવામાં આવશે. દેશમાં ચૂંટણીનું બ્યુગલ વાગી ચૂક્યુ છે. ચૂંટણી પંચે આજે 7 તબક્કામાં યોજાનારી ચૂંટણીની તારીખોની જાહેરાત કરી દીધી છે. દેશમાં છેલ્લા તબક્કામાં 8 રાજ્ય અને કેન્દ્રપ્રદેશોમાં 57 લોકસભા સીટ માટે મતદાન થશે. 8 રાજ્યો અને કેન્દ્રશાસિત પ્રદેશમાં પંજાબ, હિમાચલ પ્રદેશ અને ચંદીગઢમાં એક જ તબક્કામાં આ ચૂંટણી યોજાશે.
1 જૂને 7માં તબક્કાનું મતદાન
પંજાબની તમામ 13 લોકસભા સીટ પર આ તબક્કામાં ચૂંટણી યોજાશે. હિમાચલ પ્રદેશમાં પણ આ તબક્કામાં 4 સીટ માટે ચૂંટણી યોજાશે. ત્યારે ઉત્તરપ્રદેશની 13 સીટ અને બિહારમાં પણ 8 સીટ પર આ દિવસે મતદાન થશે. તે સિવાય ઓડિશાની 6, ઝારખંડની 3, પશ્ચિમબંગાળની 9 સીટ સાથે ચંદીગઢની એક માત્ર સંસદીય સીટ પર ચૂંટણી યોજાશે.
