રાજસ્થાનના પ્રસિદ્ધ હિલ સ્ટેશન માઉન્ટ આબુનું નામ હવે સત્તાવાર રીતે બદલીને ‘આબુ રાજ’ રાખવામાં આવ્યું છે. મુખ્યમંત્રી ભજનલાલ શર્માએ વિધાનસભામાં આ મહત્વપૂર્ણ જાહેરાત કરી હતી. રાજ્ય સરકારના આ નિર્ણય બાદ પ્રદેશમાં નવી ઓળખ સ્થાપિત થવાની આશા વ્યક્ત કરવામાં આવી રહી છે.

માઉન્ટ આબુનું નામ બદલાયું

માઉન્ટ આબુનું નામ બદલીને ‘આબુ રાજ’ કરવાની માંગ છેલ્લા ઘણા સમયથી ઉઠતી રહી હતી. સ્થાનિક ધારાસભ્ય સમારામ ગરાસિયા અને મંત્રી ઓતારામ દેવાસી સહિત અનેક નેતાઓએ આ મુદ્દે આગ્રહ વ્યક્ત કર્યો હતો. ઉપરાંત, વિવિધ સામાજિક સંગઠનો પણ નામ બદલાવા માટે આગળ આવ્યા હતા.

નવું નામ સાંસ્કૃતિક અને ધાર્મિક ઓળને મજબૂત બનાવે છે

સરકારના આ નિર્ણયથી આબુ અને સિરોહી જિલ્લાના લોકોમાં ખુશીનો માહોલ જોવા મળી રહ્યો છે. સ્થાનિક રહેવાસીઓએ માન્યું છે કે ‘આબુ રાજ’ નામ પ્રદેશની સાંસ્કૃતિક, ધાર્મિક અને ઐતિહાસિક ઓળખને વધુ મજબૂત બનાવશે.

હવે સત્તાવાર રીતે અમલમાં લવાશે

રાજ્ય સરકારનો વિશ્વાસ છે કે નામ બદલાવાથી આ પ્રદેશને નવી ઓળખ મળશે અને પર્યટન ક્ષેત્રે પણ સકારાત્મક અસર જોવા મળશે. નવી ઓળખ સાથે આબુ રાજ રાજ્યના પર્યટન નકશા પર વધુ આકર્ષક રીતે ઉભરશે તેવી અપેક્ષા વ્યક્ત કરવામાં આવી રહી છે. આ નિર્ણય બાદ હવે સરકારી દસ્તાવેજો, માર્ગદર્શિકા બોર્ડ, પર્યટન સાહિત્ય અને અન્ય સત્તાવાર નોંધોમાં ‘આબુ રાજ’ નામ અમલમાં લાવવામાં આવશે. પ્રશાસન તરફથી જરૂરી પ્રક્રિયા શરૂ કરી દેવામાં આવી હોવાનું જણાવવામાં આવ્યું છે, જેથી નવા નામનો વ્યાપક સ્વીકાર સુનિશ્ચિત થઈ શકે.

Breaking News : ધુમ્મસ અને વાદળોની વચ્ચે કુદરતનો જાદૂ, હવે ફરવા જવું હોય તો સાપુતારા જાઓ!, આ સ્ટોરી વાંચવા અહીં ક્લિક કરો