જુનાગઢથી સિંહ અને સિંહબાળનો મન મોહી લેતો વીડિયો આવ્યો સામે, જોતાવેંત બોલી ઉઠશો વાહ!

ગીર એટલે વનરાજની ભૂમિ. અહીં ગમે ત્યારે તમને સિંહદર્શન ન થાય તો જ નવાઈ. કંઈક આવો જ એક અત્યંત મનને મોહી લેતો વીડિયો ગીરથી સામે આવ્યો છે. જુનાગઢમાં આવેલા ગીર નેશનલ પાર્કમાં સિંહણ અને બચ્ચાનો અદ્દભૂત, સુંદર વીડિયો એક પ્રવાસીએ તેના કેમેરામાં કેદ કર્યો છે. જે જોઈને જ દિલ ખુશ થઈ જાય છે. વીડિયો નાનકડુ સિંહ બાળ રમતા રમતા ઉત્સાહમાં આવીને ઝાડ પર ચડી જાય છે અને ત્યાં બાજુમાં જ સિંહણ પણ ઉભેલી હોય છે. બચ્ચુ તો નાદાન હોય તે મા નું દિલ બરાબર જાણતુ હોય અને કંઈક આવુ જ અહીં પણ જોવા મળ્યુ.

સિંહ બાળ રમત-રમતમાં ઝાડ પર ચડી તો ગયુ પરંતુ નીચે જોયુ તો ગભરાઈ ગયુ. પરંતુ બાજુમાં જ ઉભેલી સિંહણ તેની વહારે આવી અને ખુદ પણ બે પગ ઝાડ પર ટેકવીને બચ્ચાને ટેકો કરવાની મુદ્રામાં ઉભી રહી ગઈ. આ જોઈને બચ્ચામાં પણ હિંમત આવી ગઈ અને સિંહબાળ ધીમે ધીમે ડગ માંડતુ ઝાડની નીચે ઉતરી ગયુ.

આ વીડિયોમાં એક માતાની ચિંતા અને બાળકને ઝાડ પરથી કેવી રીતે ઉતરવુ તે બંને પાઠ સિંહણ જાણે શીખવી રહી હોય તેવુ જોવા મળે છે. હાલ આ વીડિયો લોકોને ખૂબ પસંદ આવી રહ્યો છે. વીડિયોમાં સિંહણ સિંહ બાળને ધીમે ધીમે વૃક્ષની નીચે ઉતરવાની કળા પણ શીખવી રહી છે. પ્રકૃતિના અનેક રંગોમાં માતૃત્વના આ રંગને લોકો દિલથી વધાવી રહ્યા છે.

આ વીડિયો ગીર નેશનલ પાર્કનો છે અને કોઈ પ્રવાસીએ તેના કેમેરામાં આ અદ્દભૂત મનમોહક પળોને કેદ કરી લીધી છે.

વધુ એક સ્વામીનો વાણીવિલાસનો વીડિયો વાયરલ, આચાર્ય કક્ષાએ બેસેલા કાલુપુર મંદિરના ગાદિપતિએ હરીભક્તોને ગુંડાગીરી કરવા ઉશ્કેર્યા