Gujarat Election 2022: મહિલાઓ બાદ હવે યુવાનો માટે ‘આપ’નું રેવડી વિતરણ, બેરોજગાર યુવાનોને 3000 રૂપિયાનું ભથ્થું આપવાનો વાયદો
રાઘવ ચઢ્ઢાએ જનસભામાં જણાવ્યું હતું કે ગુજરાત વિધાનસભાની ચૂંટણીનો માહોલ પંજાબ વિધાનસભાની ચૂંટણીના જેવો છે તેમણે ઉમેર્યું હતું કે ગુજરાતમાં 80% પ્રાઇવેટ નોકરીઓ ગુજરાતના લોકો માટે અનામત રાખવામાં આવશે. સાથે જ અન્ય એક વચનની લ્હાણી કરતા કહ્યું કે સરકારી પરીક્ષા આપવા જવા માટે તમારા માટે બસ ભાડું મફત રહેશે.
ગુજરાતમાં (Gujarat) ચૂંટણી નજીક (Gujarat Vidhan Sabha Election 2022) આવતા જ રાજકીય માહોલે જમાવટ કરી છે અને ઠેર ઠેર વિવિધ વચનોની લ્હાણી થઈ રહી છે ત્યારે આમ રાજ્યસભાના સાંસદ અને ‘આપ’ ગુજરાતના સહ-પ્રભારી રાઘવ ચઢ્ઢાએ (Raghav chaddha) અમરેલી તથા ભાવનગરમાં (Bhavnagar) જનસભા સંબોધી હતી અને ગુજરાતના બેરોજગાર યુવાનોને દર મહિને 3000 રૂપિયાનું બેરોજગારી ભથ્થું આપવાની જાહેરાત કરી હતી. રાઘવ ચઢ્ઢાએ ભાવનગરમાં યુવાનો સાથે સંવાદ કર્યો. તેમજ સ્થાનિક લોકોને મળીને તેમની સમસ્યાઓ જાણવાનો પ્રયાસ કર્યો.
2022ની ચૂંટણી ગુજરાતમાં ઐતિહાસિક પરિવર્તનનું કારણ
રાઘવ ચઢ્ઢાએ જનસભામાં જણાવ્યું હતું કે ગુજરાત વિધાનસભાની ચૂંટણીનો માહોલ પંજાબ વિધાનસભાની ચૂંટણીના જેવો છે તેમણે ઉમેર્યું હતું કે ગુજરાતમાં 80% પ્રાઇવેટ નોકરીઓ ગુજરાતના લોકો માટે અનામત રાખવામાં આવશે. સાથે જ અન્ય એક વચનની લ્હાણી કરતા કહ્યું કે સરકારી પરીક્ષા આપવા જવા માટે તમારા માટે બસ ભાડું મફત રહેશે. અરવિંદ કેજરીવાલના નેતૃત્વમાં દિલ્હીનું બજેટ 3 ગણું વધ્યું છે. હવે લોકોએ પસંદ કરવાનું છે કે તેઓ અરવિંદ કેજરીવાલની રેવડી લેશે કે ભાજપની રેવડી લેશે?
કોંગ્રેસ પર કર્યાં આકરા વાકપ્રહાર
તેમણે કહ્યું હતું કે જે કોંગ્રેસ પાર્ટી છેલ્લા 27 વર્ષથી ભાજપને નથી હરાવી શકી તે હવે શું હરાવશે? તેથી જ લોકો ઘણી અપેક્ષાઓ સાથે લોકો આમ આદમી પાર્ટી તરફ જોઈ રહ્યા છે. આજે આ પવિત્ર ધરતી પર, સરદારની, બાપુની ધરતી પર આપ સૌ સાથે વાત કરતા હું એક મહત્વની વાત કહેવા માંગુ છું કે, દિલ્હીમાં પણ ગુજરાતની જેમ 15 વર્ષ સુધી એક જ પાર્ટીની સરકાર હતી, જ્યારે 15 વર્ષ પછી જ્યારે ચૂંટણી યોજાઈ ત્યારે આમ આદમી પાર્ટીએ પહેલી વાર ચૂંટણી લડી હતી અને દિલ્હીની જનતાએ 15 વર્ષ જૂની પાર્ટીને નકારીને આમ આદમી પાર્ટીને મોકો આપ્યો. રાઘવ ચઢ્ઢા અને આમ આદમી પાર્ટીના અન્ય નેતાઓ અને કાર્યકર્તાઓ સાથે ભાવનગરના સ્થાનિક લોકો સાથે મુલાકાત કરી અને તેમની સમસ્યાઓ જાણવાનો પ્રયાસ કર્યો.
Latest News Updates
