Ahmedabad : શિક્ષણ વિભાગમાં રૂપિયા 7 કરોડથી વધુની છેતરપિંડીનો કેસ, વધુ એક આરોપીની ધરપકડ

શિક્ષણ વિભાગના હિશાબનીશ રાજેશ રામી દ્વારા છેલ્લા 5 વર્ષમાં પોતાની ફરજ દરમિયાન આશરે 8 કરોડ થી વધારેની છેતરપિંડી કરી છે. જે તમામ ગુનામાં તેની સાથે સંડોવાયેલ આરોપી હાર્દીક પંડ્યાની પણ કારંજ પોલીસે ધરપકડ કરી છે.

Ahmedabad : શિક્ષણ વિભાગમાં રૂપિયા 7 કરોડથી વધુની છેતરપિંડીનો કેસ, વધુ એક આરોપીની ધરપકડ
More than Rs 7 crore fraud case in education department

Ahmedabad : શિક્ષણ વિભાગમાં રૂપિયા 7 કરોડથી વધુની છેતરપિંડીના ગુનામાં વધુ એક આરોપીની ધરપકડ કરવામાં આવી છે. ઝડપાયેલા આરોપી કમિશન મેળવી આરોપીને બેંક એકાઉન્ટ પૂરા પાડ્યા હતા. ઉપરાંત આ ગુનામાં સરકારી અધિકારી કર્મચારીની પણ સંડોવણી સામે આવી છે. સાથે જ આ કૌંભાડમાં વધુ એક ફરિયાદ દેત્રોજ પોલીસ મથકે નોંધાઈ છે. એટલે કે આશરે 8 કરોડની છેતરપિડી મામલે અલગ અલગ 3 ફરિયાદની તપાસ ચાલી રહી છે.

શિક્ષણ વિભાગના હિશાબનીશ રાજેશ રામી દ્વારા છેલ્લા 5 વર્ષમાં પોતાની ફરજ દરમિયાન આશરે 8 કરોડથી વધારેની છેતરપિંડી કરી છે. જે તમામ ગુનામાં તેની સાથે સંડોવાયેલ આરોપી હાર્દીક પંડ્યાની પણ કારંજ પોલીસે ધરપકડ કરી છે. હિશાબનીશ રાજેશ રામીની પુછપરછ કરતા 197 જેટલા બેંક અકાઉન્ટ સામે આવ્યા હતા. જેમાંથી 35 જેટલા બેંક અકાઉન્ટ હાર્દીક પંડ્યાએ આપ્યા હતા. જેમાં 1 કરોડથી વધુ રૂપિયાનું ટ્રાન્જેકશન થયું હતું. જેથી આરોપી હાર્દીકની ધરપકડ કરવામાં આવી છે. આ ઉપરાંત અન્ય બે આરોપીના નામ સામે આવ્યા છે જેની પોલીસે શોધખોળ હાથ ધરી છે.

આશરે 8 કરોડનું સરકારને નુકશાન પહોંચાડનાર આરોપીની તો ધરપકડ થઈ પરંતુ, સિસ્ટમમાં રહેલા અને સરકારી કર્મચારી અધિકારીની પણ સંડોવણી સામે આવી છે. જેમાં બોગસ ડોક્યુમેન્ટ બનાવનાર અને સહી કરનાર સરકારી અધિકારીની પણ સંડોવણી ખુલી રહી છે. જેને લઈ પોલીસ તપાસ કરી રહી છે. આ સાથે દિવના પણ એક આરોપીનું નામ સામે આવ્યું છે. જેની પોલીસ શોધખોળ કરી રહી છે.પોલીસનું માનવુ છે કે આ ગેંગના તમામ આરોપી ઝડપાયા બાદ મોટા ખુલાસા થઈ શકે છે.

રાજેશ રામીની ધરપકડ બાદ તેની વિરુધ્ધ વધુ એક ગુનો નોંધાયો છે..અગાઉ માંડલ, કારંજ અને હવે દેત્રોજમાં પણ ગુના નોંધાયા છે. એટલે કે રામી એન્ડ કંપનીએ સરકારને 8 કરોડથી વધુનો ચુનો ચોપડ્યો છે. જોકે સરકારી અધિકારીની સંડોવણી વિના આટલું મોટું કૌભાંડ થવુ શક્ય નથી. ત્યારે જોવુ એ રહ્યું કે પોલીસ તપાસમાં શું વધું ખુલાસા થાય છે.

Click on your DTH Provider to Add TV9 Gujarati