Ahmedabad : અમરાઈવાડીમાં હત્યા બાદ વસ્ત્રાલમાં ફાયરિંગ, ક્રાઇમ બ્રાંચે ગણતરી કલાકોમાં આરોપીને દબોચી લીધો

પોલીસનું (police) કહેવું છે કે બંને વચ્ચે સોસાયટીના મેઇન્ટન્સના ખર્ચને લઈને છેલ્લા કેટલાક સમયથી તકરાર ચાલી રહી હતી. સોસાયટીના સભ્યો દ્વારા અગાઉ પણ આરોપી પ્રદીપ રાજપૂત વિરુદ્ધમાં પોલીસ ફરિયાદ કરી હતી. જે અંગે પોલીસએ આરોપી વિરુદ્ધ કાયદેસરની કાર્યવાહી પણ કરી છે.

Ahmedabad : અમરાઈવાડીમાં હત્યા બાદ વસ્ત્રાલમાં ફાયરિંગ, ક્રાઇમ બ્રાંચે ગણતરી કલાકોમાં આરોપીને દબોચી લીધો
Ahmedabad : Firing

અમદાવાદના (Ahmedabad) પૂર્વ વિસ્તારમાં કાયદો અને વ્યવસ્થાની પરિસ્થિતિ જાણે કે કથળી રહી હોય તેમ લાગી રહ્યું છે. અમરાઈવાડીમાં હત્યા બાદ વસ્ત્રાલમાં (vastral) ફાયરિંગનો (Firing) બનાવ સામે આવ્યો છે. અંગત અદાવતમાં એક વ્યક્તિ પર ફાયરિંગનો (Firing) બનાવ સામે આવ્યો છે. ક્રાઇમ બ્રાંચે ગણતરી કલાકોમાં આરોપી ધરપકડ કરી દીધી.

શહેરના વસ્ત્રાલ વિસ્તારમાં આવેલ વૃંદાવન સ્કાયલાઇનમાં આજે બપોરના સમયે એક રાઉન્ડ ફાયરિંગનો (Firing)બનાવ સામે આવ્યો છે. વૃંદાવન સ્કાયલાઇનમાં રહેતા ઈશ્વર ઠાકોર આજે બપોરના સમયે સોસાયટીના ગેટ પર આવેલ પાર્લર પર ઉભા હતા. ત્યારે તે જ સોસાયટીમાં રહેતા પ્રદીપ રાજપૂતએ તેમના પર એક રાઉન્ડ ફાયરિંગ કર્યું હતું. જેમાં ઈશ્વરભાઈને માથાના ભાગે ઇજા પહોંચ્યા. તેમને તાત્કલિક સારવાર માટે નજીકની ખાનગી હોસ્પિટલમાં ખસેડ્યા છે. જ્યારે સમગ્ર ઘટનાની જાણ પોલીસને કરતા પોલીસ (police) કાફલો ઘટનાસ્થળ પર દોડી આવ્યો હતો.

અમદાવાદમાં ફાયરિંગ બાદ આરોપી ઝડપાયો

પોલીસનું (police) કહેવું છે કે બંને વચ્ચે સોસાયટીના મેઇન્ટન્સના ખર્ચને લઈને છેલ્લા કેટલાક સમયથી તકરાર ચાલી રહી હતી. સોસાયટીના સભ્યો દ્વારા અગાઉ પણ આરોપી પ્રદીપ રાજપૂત વિરુદ્ધમાં પોલીસ ફરિયાદ કરી હતી. જે અંગે પોલીસએ આરોપી વિરુદ્ધ કાયદેસરની કાર્યવાહી પણ કરી છે. જોકે આજે બપોરે આરોપી ઇજાગ્રસ્ત ઈશ્વરને ધમકી આપીને ગયો હતો. બાદમાં તેણે ફાયરિંગ કર્યું હતું. આરોપીના વર્તનથી સોસાયટીના સભ્યો પણ ત્રસ્ત હોવાનું જણાવી રહ્યા છે.

જ્યારે ફાયરિંગની જાણ થતાં જ ક્રાઇમ બ્રાંન્ચ પણ ઘટનાસ્થળે પહોંચી હતી. અને ગણતરીની મિનિટોમાં જ આરોપી પ્રદીપને ઝડપી લીધો છે. અને આરોપી પાસેથી દેશી બનાવટનો તમંચો અને બે કારતૂસ કબ્જે કર્યા છે. જોકે તેણે આ હથિયાર ક્યાંથી અને કોની પાસેથી લાવ્યો હતો. તે અંગે પણ પોલીસએ વધુ તપાસ શરૂ કરી છે. પરંતુ આરોપી પ્રદીપનો ભાઈ સંદીપ વિરુદ્ધ અગાઉ ફાયરિંગ કેસમાં ધરપકડ થઈ ચુકી છે.

આ પણ વાંચો : રાજ્યસભામાં વિપક્ષના નેતા મલ્લિકાર્જુન ખડગે કેન્દ્ર પર ભડક્યા, કહ્યુ- તાનાશાહી કરી રહી છે સરકાર, 12 સભ્યોનું સસ્પેન્શન રદ કરો

આ પણ વાંચો : DRDO: જમીનથી હવામાં પ્રહાર કરતી મિસાઈલ VL-SRSAMનું સફળ પરીક્ષણ, કોઈપણ દિશામાંથી આવતા દુશ્મનને નષ્ટ કરવામાં સક્ષમ

  • Follow us on Facebook

Click on your DTH Provider to Add TV9 Gujarati