નવા વર્ષની શરૂઆતમાં PVC આધાર કાર્ડ મેળવો! ATM કાર્ડ જેવી મજબૂતી અને વૉલેટ ફ્રેન્ડલી ડિઝાઇન ધરાવતું આ ઓળખ પત્ર હવે ઓનલાઇન મંગાવો

PVC આધાર કાર્ડ પોલિવિનાઇલ ક્લોરાઇડ (PVC) થી બનેલું છે. આની સાઈઝ નાની અને વોલેટમાં રાખવા જેટલી હોય છે. પરંપરાગત કાગળના આધાર કાર્ડની તુલનામાં આ PVC આધાર કાર્ડ વધુ સુરક્ષિત છે અને તેની શેલ્ફ લાઇફ પણ લાંબી છે. આમાં QR કોડ, હોલોગ્રામ, માઇક્રો ટેક્સ્ટ અને ગિલોશ પેટર્ન જેવી સુરક્ષા સુવિધાઓ પણ છે.

આધાર કાર્ડ અપડેટની છેલ્લી તારીખ કઈ?

હવે આધારમાં નામ, સરનામું અને મોબાઇલ નંબરની માહિતી પણ ઓનલાઈન અપડેટ કરી શકાય છે. આ સુવિધા 1 નવેમ્બરથી અમલમાં આવી છે. નામ અને સરનામું બદલવાની ફી ₹50 થી વધારીને ₹75 કરવામાં આવી છે.

જો કે, ઓનલાઈન અપડેટ 14 જૂન, 2026 સુધી ફ્રી રહેશે. ઓફલાઈન એટલે કે આધાર સેવા કેન્દ્ર પર ફીમાં વધારો કરવામાં આવ્યો છે. હવે ફોટો અપડેટ માટે ₹125 અને આધાર રિ-પ્રિન્ટ માટે ₹40 વસૂલવામાં આવશે.

UIDAI એ આ સુવિધા લોકોને આધાર સેવા કેન્દ્રની મુલાકાત લેવાની જરૂરિયાતને દૂર કરવા માટે રજૂ કરી છે. આ નવી સિસ્ટમ ડેટાબેઝમાંથી સીધી માહિતીની ચકાસણી કરશે.

PVC આધાર કાર્ડ કેવી રીતે ઓર્ડર કરવું?

1. UIDAI ની વેબસાઇટ uidai.gov.in પર જઈને PVC આધાર કાર્ડ ઓર્ડર કરી શકાય છે.
2. વેબસાઇટ પર “Get Aadhaar” વિભાગમાં જાઓ.
3. Order Aadhaar PVC Card પર ક્લિક કરો.
4. તમારો 12-અંકનો આધાર નંબર અથવા VID દાખલ કરો.
5. કેપ્ચા ભરો અને તમારા મોબાઇલ નંબર પર મળેલા OTP દ્વારા વેરિફિકેશન કરો.
6. UPI, ક્રેડિટ/ડેબિટ કાર્ડ અથવા નેટ બેંકિંગનો ઉપયોગ કરીને ₹50 (GST અને સ્પીડ પોસ્ટ સહિત) ફી ઓનલાઈન ભરી દો.

પેમેન્ટ પૂર્ણ થતાંની સાથે જ તમારું PVC આધાર કાર્ડ ઓર્ડર કરવામાં આવશે. સરળ શબ્દોમાં કહીએ તો, PVC આધાર કાર્ડ હવે ATM કાર્ડ જેટલું મજબૂત, વૉલેટમાં રાખવા લાયક અને ઑનલાઇન ઓર્ડર કરવા માટે યોગ્ય બની ગયું છે.