EPFO: અધવચ્ચેથી PF ઉપાડ્યું છે ? તો તમારા વ્યાજની ગણતરી કેવી રીતે થશે, જાણી લો

શું PF ખાતામાંથી પૈસા ઉપાડ્યા પછી પણ વ્યાજ મળે? EPFO દ્વારા PF વ્યાજની ગણતરી માસિક ધોરણે થાય છે, ભલે તે વાર્ષિક જમા થાય. જો તમે વર્ષ દરમિયાન PF ઉપાડો, તો ઉપાડ પહેલાના બેલેન્સ પર તે મહિના સુધી વ્યાજ મળે.

Sagar Solanki | Updated on: Dec 10, 2025 | 5:12 PM

જો તમે નાણાકીય વર્ષના મધ્યમાં તમારા PF ખાતામાંથી થોડો ફંડ ઉપાડી લીધો હોય, તો સૌથી સામાન્ય પ્રશ્ન ઊભો થાય છે કે હવે તમને વ્યાજ કેવી રીતે મળશે? શું PF પર મળતું લાભ ઘટી જશે? કે પછી આખા વર્ષ માટે તમને વ્યાજ મળતું જ રહેશે? ચાલો જાણીએ કે EPFO આવી સ્થિતિમાં વ્યાજની ગણતરી કેવી રીતે કરે છે.

EPF શું છે અને વ્યાજ કેવી રીતે મળે છે?

EPF લાંબા ગાળાની એક બચત યોજના છે, જેમાં કર્મચારી અને નોકરીદાતા દર મહિને યોગદાન આપે છે. સરકાર દર વર્ષે આ જમા રકમ પર વ્યાજ દર જાહેર કરે છે. હાલમાં EPFO વ્યાજ દર 8.25% છે.

બહુ લોકો માને છે કે વ્યાજ વાર્ષિક મળે છે, પરંતુ વાસ્તવમાં વ્યાજ માસિક ધોરણે ગણવામાં આવે છે — અને નાણાકીય વર્ષ પુરા થયા પછી એક સાથે જમા થાય છે. અર્થાત્, દરેક મહિનાની છેલ્લી તારીખે તમારા PF ખાતાનું બેલેન્સ જેટલું હશે, તેના આધારે તે મહીનાનું વ્યાજ નક્કી થાય છે.