શાનદાર ફીચર્સ સાથે લોન્ચ થયું આ નવું સ્કૂટર, TVS Jupiter ને આપશે ટક્કર!
યુઝર્સની સુવિધા માટે આ સ્કૂટરમાં યુએસબી પોર્ટ આપવામાં આવ્યો છે જેની મદદથી તમે ફોનને ચાર્જ કરી શકશો. આ સિવાય સીટની નીચે એક્સટર્નલ ફ્યુઅલ કેપ, વન-પુશ સેન્ટ્રલ લોકીંગ અને 21.8 લીટર સ્ટોરેજ છે.
યુવા વર્ગને ધ્યાનમાં રાખીને સુઝુકીએ Avenis 2024 સ્કૂટર માર્કેટમાં લોન્ચ કર્યું છે. કંપનીએ ચાર નવા ડ્યુઅલ કલર વિકલ્પોમાં સુઝુકી Avenis 2024 મોડલ લોન્ચ કર્યું છે, તમે આ સ્કૂટરને પર્લ મીરા રેડ સાથે ગ્લોસી સ્પાર્કલ બ્લેક કલરમાં ખરીદી શકશો.
આ સિવાય ગ્લોસી સ્પાર્કલ બ્લેક સાથે ચેમ્પિયન યલો નંબર 2, ગ્લોસી સ્પાર્કલ બ્લેક સાથે પર્લ ગ્લેશિયર અને પર્લ ગ્લેશિયર સાથે ગ્લોસી સ્પાર્કલ બ્લેકમાં ખરીદી શકાય છે. નવા કલર ઓપ્શન્સ ઉપરાંત, સ્કૂટરની સાઇડ પેનલ પર સુઝુકી બેજિંગની સાથે સ્કૂટરમાં નવા ગ્રાફિક્સ પણ જોવા મળશે.
સુઝુકી Avenisના ફીચર્સ
Avenis 2024 સ્કૂટરમાં બ્લૂટૂથ કનેક્ટિવિટી સાથે ડિજિટલ ડિસ્પ્લે છે જે એન્ડ્રોઇડ અને એપલ બંને મોડલ સાથે કનેક્ટ થઈ શકે છે. સુઝુકી રાઇડ કનેક્ટ એપ્લિકેશનની મદદથી, તમને ડિસ્પ્લે પર ટર્ન બાય ટર્ન નેવિગેશન, કોલ્સ અને SMS એલર્ટ્સ મળશે.
યુઝર્સની સુવિધા માટે આ સ્કૂટરમાં યુએસબી પોર્ટ આપવામાં આવ્યો છે, જેની મદદથી તમે ફોનને ચાર્જ કરી શકશો. આ સિવાય સીટની નીચે એક્સટર્નલ ફ્યુઅલ કેપ, વન-પુશ સેન્ટ્રલ લોકીંગ અને 21.8 લીટર સ્ટોરેજ છે.
સુઝુકી Avenisનું એન્જિન
કંપનીએ 2024 મોડલના એન્જિનમાં કોઈ ફેરફાર કર્યો નથી. આ સ્કૂટર હજુ પણ 124.3 cc સિંગલ સિલિન્ડર એર-કૂલ્ડ એન્જિન સાથે આવે છે, જે 8.5bhpનો પાવર અને 10Nmનો ટોર્ક જનરેટ કરે છે. આ સ્કૂટરમાં આગળના ભાગમાં 12 ઇંચની રિમ અને પાછળના ભાગમાં 10 ઇંચની રિમ છે. આ સિવાય કંપનીએ આગળના ભાગમાં ડિસ્ક બ્રેક સેટઅપ અને પાછળના ભાગમાં ડ્રમ બ્રેક સેટઅપનો ઉપયોગ કર્યો છે.
સુઝુકી Avenisની કિંમત
આ સ્કૂટરની શરૂઆતની કિંમત 92 હજાર રૂપિયા (એક્સ-શોરૂમ) છે. સુઝુકી કંપનીના આ સ્કૂટરની બજારમાં સીધી સ્પર્ધા TVS Jupiter, Honda Dio 125 અને Yamaha Ray ZR જેવા સ્કૂટર્સ સાથે થશે.
