સુરત : વાદળછાયા વાતાવરણ વચ્ચે વરસાદી ઝાપટાં વરસ્યા, જુઓ વીડિયો

સુરત : દક્ષિણ ગુજરાતમાં ચોમાસુ જામતું જાય છે. સતત બીજા દિવસે બુધવારે સવારે સુરતમાં વરસાદી માહોલ જોવા મળ્યો હતો. સુરત શહેરના વિસ્તારોમાં ધીમીધારે વરસાદનું આગમન થતા લોકોમાં આનંદની લાગણી છવાઈ હતી.

વહેલી સવારે સુરત શહેરના વેડ, ડભોલી, સિંગણપોર, કતારગામ વિસ્તારમાં વરસાદ વરસ્યો હતો. કાળા ડિબાંગ વાદળછાયું વાતાવરણ વચ્ચે  વરસાદ વરસી રહ્યો છે.  વરસાદના કારણે વાતાવરણમાં ઠંડક પ્રસરી હતી તો લોકોને ભારી ઉકળાટ અને બફારાથી રાહત મળી છે.

જોકે હજુ વરસાદ મનમુકીને વરસ્યો નથી. વાવણીલાયક વરસાદની ખેડૂતો રાહ જોઈ રહ્યા છે. ઝરમર વરસાદના કારણે વાતાવરણમાં ઠંડકનો અહેસાસ થયો છે.

આ પણ વાંચો : સ્કૂલ વર્ધી વાન અને રિક્ષાચાલકોની હડતાળથી વાલીઓની સ્થિતિ બની કફોડી, સમસ્યાનુ તાત્કાલિક નિરાકરણ લાવવા ઉઠી માગ- Video