Ahmedabad Video : સ્પ્રિન્કલર દ્વારા વાહનચાલકો પર પાણીનો છંટકાવ, ઠેર- ઠેર પાણી સહિત ORS ની વ્યવસ્થા કરાઈ

હવામાન વિભાગની  આગાહી વચ્ચે રાજ્યભરમાં અંગ દઝાડતી ગરમી પડી રહી છે. ત્યારે  AMCનો હિટ માટે એક્શન પ્લાન તૈયાર કર્યો છે. અમદાવાદમાં 600 થી વધુ પાણીની પરબ ચાલુ કરવામાં આવી છે. તેમજ બપોરના સમય ગાર્ડન પણ ખુલ્લા રાખવાનો નિર્ણય કરવામાં આવ્યો છે.

આ ઉપરાંત સ્પ્રિન્કલર દ્વારા ટ્રાફિક સિગ્નલ પર વાહન ચાલકો પર પાણીનો છંટકાવ કરવામાં આવી રહ્યો છે. BRTS બસ સ્ટેન્ડ અને AMTS ના 19 ડેપો પર પીવાના પાણીની તેમજ ORS ની વ્યવસ્થા કરવામાં આવી છે.  હોસ્પિટલમાં લુ લાગવાના દર્દીઓ આવે તો તમામ જરૂરી દવાઓ અને સાધનોની સુવિધા કરવામાં આવી છે.

બીમારીમાં વધારો

બીજી તરફ ગુજરાતમાં કાળઝાળ ગરમીના પગલે છેલ્લા 9 દિવસમાં 1500થી વધુ લોકો બેભાન થયા હોવાના કેસ સામે આવ્યા છે. તો બીજી તરફ પેટમાં દુઃખાવો, ઝાડા ઉલટી, બેભાન કે અર્ધબેભાન થવાના કેસ વધ્યાં છે. ગરમીની બીમારીને કારણે 108 ઈમરજન્સી સર્વિસને 7 હજારથી વધુ કોલ મળ્યાં હોવાનું સામે આવ્યુ છે.