Bhavnagar: જિલ્લામાં ભારે વરસાદ બાદ કેટલાય ગામો બેટમાં ફેરવાયા, જાણો કેવી છે સ્થિતિ

ભાવનગરમાં (Bhavnagar) સતત ભારે વરસાદ (Heavy Rain) જોવા મળી રહ્યો છે. ભાવનગર જિલ્લામાં સતત વરસાદ ને લઇને અનેક ગામો પાણીના બેટમાં ફેરવાયા છે. જિલ્લાના ભાણગઢ, ઘાંઘળી રોડ ગામ તેમજ અન્ય ઘણા ગામો બેટમાં ફેરવાયા છે. તેમજ સંપર્ક વિહોણા બન્યા હોવાની માહિતી બહાર આવી છે. આ ગામોના રસ્તા અને ખેતરો તેમજ ગામોમાં પાણી ફરીવળતા લોકોને હાલાકીનો સામનો કરવો પડી રહ્યો છે. ભારે વરસાદના કારણે અનેક ગામોમાં પાણીના ધસમસતા પ્રવાહ જોવા મળી રહ્યા છે.

ભાવનગરમાં ગઈકાલ રાતથી જ સતત વરસાદ વરસી રહ્યો છે. જેના કારણે મુશ્કેલીઓ ઉભી થઇ છે. ધોધમાર વરસાદના કારણે ચેક ડેમો અને મોટા ડેમો છલકાઈ ગયા છે. ભારે વરસાદની અસર નીચાણવાળા વિસ્તારો અને ગામોમાં પાણીનો ભરાવો થઇ રહ્યો છે. તમને જણાવી દઈએ કે આ ગામડાઓમાં છેલ્લા 20 દિવસથી વરસાદ વરસી રહ્યો છે. અને ગઈકાલથી વરસાદનું જોર વધતા ખેડૂતો ચિંતામાં છે. આ વરસાદના કારણે ડુંગરી અને કપાસ જેવા પાકો ફેઈલ જવાનો ભય વધી ગયો છે.

આ તરફ ભારે પવન અને વીજળીના કડાકા-ભડાકા સાથે વરસેલા વરસાદના કારણે શહેરીજનોની મુશ્કેલીમાં વધારો થયો છે. શહેરમાં પણ ગત રાત્રિથી સતત વરસાદ વરસી રહ્યો છે. ભારે પવન સાથે વરસાદના કારણે શહેરના અનેક રસ્તાઓ પર મહાકાય વૃક્ષો ધરાશયી થઈ ગયા છે. પરિમલ ચોક, વિરાણી ચોક, ઘોઘા સર્કલ, ઘોઘા જગાત નાકા સહિતના વિસ્તારોમાં વૃક્ષો પડી જતા રસ્તો બંધ કરવાની ફરજ પડી છે. શહેરના રસ્તાઓ પર પાણી ભરાઈ જતા વાહનચાલકોની મુશ્કેલી પણ વધી ગઈ છે.

આ પણ વાંચો: AMRELI : જિલ્લામાં સાર્વત્રિક વરસાદથી જળબંબાકાર, નદીઓમાં ઘોડાપૂરની સ્થિતિ

આ પણ વાંચો: Surat : શેરી ગરબાને છૂટ મળતા માતાજીની ડેકોરેટિવ ગરબીની ડિમાન્ડ વધી