સાંસદ નારણ કાછડિયાના આક્ષેપના જવાબ આપતા નીતિન પટેલ થયા ભાવુક, જાણો શું કહ્યું
સાંસદ નારણ કાછડિયાએ પૂર્વ ડેપ્યુટી સીએમ નીતિન પટેલ પર આરોપ કર્યા હતાં કે ગાંધીનગર જઈએ ત્યારે નીતિનભાઈ સામુ પણ નહોતા જોતા. આ મામલે નીતિન પટેલે નિવેદન આપ્યું છે.
તાજેતરમાં સાંસદ નારણ કાછડિયાએ પૂર્વ ડેપ્યુટી સીએમ નીતિન પટેલ પર આરોપ કર્યા હતાં કે ગાંધીનગર જઈએ ત્યારે નીતિનભાઈ સામુ પણ નહોતા જોતા. આ મામલે નીતિન પટેલે નિવેદન આપ્યું છે. તેમને કહ્યું કે નિવેદન બે દિવસથી ટીવીમાં સમાચારમાં જોવું છું. કાછડિયા અમારાં સિનિયર નેતા છે. હું નથી જાણતો કે કેમ તેમણે આ વિષય મીડિયા પર મુક્યો. તેમજ આ પ્રસંગે કેમ આવી પોસ્ટ કેમ કરી મારી સમજમાં નથી આવતી.
આગળ નીતિન પટેલે કહ્યું કે ‘મને નથી સમજાતું કે તેઓએ આવું કેમ કહ્યું? મહેસાણામાં મેં કિધેલી વાતનો 2 ત્રણ દિવસ પછી ઉલ્લેખ કર્યો હતો. કાછડિયા એક ડૉક્ટરની બદલી લઇને આવ્યાં હતાં. મોટા ભાગના લોકોની ભલામણો બદલીઓ માટે આવતી હોય છે. પોતાના મિત્રોના કે પોતાના માટે અનેક લોકો બદલીઓ માટે આવતા હોય છે. નારણભાઈએ કયા ડોક્ટરની વાત કરી એ મારા ધ્યાને નથી. હવે હુ આરોગ્ય મત્રી નથી મારી પાસે કોઈ ડેટા ન હોય.
આ ઉપરાંત સૌની યોજના મામલે નીતિન પટેલે પ્રતિક્રિયા આપી હતી કે, ‘નારણ કાછડિયા સૌની યોજના વાત કરી હતી. જે સિંચાઈ મત્રી હસ્તક આવે છે. સૌની યોજના કામગીરી મારી પાસે ન હતી. સૌની યોજનાની કામગીરી સિંચાઈ વિભાગમાં આવે છે. છેલ્લા પાંચ વર્ષથી સિંચાઈ મંત્રી તરીકે વિજય ભાઈ રૂપાણી પાસે ચાર્જ હતો. મારી પાસે નાણાં વિભાગ હતો અને મેં સૌની યોજના માટે નાણાંની ફાળવણી જ્યાં જરૂર પડી ત્યાં કરી છે. મે જરૂરિયાત સમયસર બધી કામગીરી કરી છે. ભાજપે સૌરાષ્ટ્રની જનતાને ધ્યાને રાખી 18000 કરોડની સિંચાઈ યોજના કરી છે. અને આખા સૌરાષ્ટ્રમાં પાણી પહોંચાડવાનું કામ કર્યું.’ નીતિન પટેલે કહ્યું કે મારી પાસે નાણાં વિભાગ હતું મેં જ્યાં જરૂર પડી ત્યાં નાણાં આપ્યા છે.
આ ઉપરાંત સાવરકુંડલા બાયપાસને લઈને નીતિન પટેલે કહ્યું કે, ‘નારણભાઈએ જે સાવરકુંડલા બાયપાસની વાત કરી છે,
તે બાબતે હું કહીશ કે અમે કાળુભાઇ વિરાણીની લાગણી અને માગણી ધ્યાને રાખી બાયપાસ મંજૂર કર્યો હતો. સાડા છ કિલોમીટરનો અમે બાયપાસ કર્યો અને તેની જરૂર હતી.
આ સાથે જ તેમણે ઉમેર્યું હતું કે, ‘નરેન્દ્રભાઈ મોદીએ જ્યારે મને આખા ગુજરાતની જવાબરી સોંપી હતી ચેકડેમ બનાવવાની.
ત્યારે આખા સૌરાસ્ટમાં લોકભાગીદારીથી ચેકડેમો બનાવ્યા હતા. હું સિંચાઈ મંત્રી હતો ત્યારે સૌરાષ્ટ્રના ખેડૂતો માટે કામ કર્યું છે. કચ્છ સુધી અત્યારે અમે પાણી પહોંચાડી રહ્યા છીએ. આખા ગુજરાતમાં પીવાનું અને ખેતી માટેનું પાણી ભાજપે કર્યું છે અને એ બધું મારા સમય દરમિયાન અને અગાઉ થયું છે.
આ પણ વાંચો: મોટો નિર્ણય: હવે વેક્સિન નહીં લીધી હોય તો અમદાવાદની હોટલ અને રેસ્ટોરન્ટમાં પણ નો એન્ટ્રી
આ પણ વાંચો: Kutch: જિલ્લા ખેતીવાડી અધિકારીએ ખેડૂતોને આતંકવાદી કહ્યાનો આક્ષેપ, રોષ સાથે ખેડૂતોએ કર્યું પ્રદર્શન