પંચમહાલ : 11 વર્ષના વિરહનો અંત, સંતાનોનું માતા સાથે પુનઃમિલન, જુઓ વીડિયો

ગોધરા તાલુકાના ભામૈયા ગામમાં ખૂબ જ ભાવવિભોર દૃશ્યો જોવા મળ્યા હતા. આ ગામના માનસિક બીમારીથી પીડિત ગીતા પટેલ નામના મહિલા છેલ્લા 11 વર્ષથી ગુમ હતા અને માતા ગુમ થવાથી તેમના 3 સંતાનો રઝળી પડ્યા હતા. સતત 4થી 5 વર્ષ સુધી ગીતા પટેલની શોધખોળ કરવામાં આવી. પરંતુ, કોઈ જ ભાળ ન મળી. અંતે 11 વર્ષ બાદ મહિલા કોલકાતામાં હોવાની જાણકારી મળી હતી.

માતા જીવિત હોવાના સમાચારથી સંતાનો ખુશ થયા હતા, પરંતુ આર્થિક સ્થિતિ એવી ન હતી કે તેઓ માતાને લેવા કોલકાતા જઈ શકે. આખરે ગોધરા પોલીસ સંતાનોની વહારે આવી અને માતાને પરત લાવવામાં મદદ કરી. 11 વર્ષ બાદ માતા અને સંતાનોનું મિલન થયું. ત્યારે હાજર સૌ કોઈ આ દૃશ્ય નિહાળી ભાવવિભોર થઈ ગયા હતા.

આ પણ વાંચો પંચમહાલ : ગોધરાના ભામૈયા પશ્ચિમ ગામમાં પિતા-પુત્રી તળાવમાં ડૂબ્યા, બંનેના મોત