રાજ્યના આ ત્રણ જિલ્લાઓમાં ફરી ભુક્કા બોલાવશે વરસાદ, માંડ કળ વળી છે ત્યા વધુ એક રાઉન્ડ શરૂ થશે- Video
રાજ્યમાં હજુ એક વરસાદનો રાઉન્ડનો શરૂ થશે. આગામી દિવસોમાં રાજ્યના અનેક જિલ્લાઓમાં વરસાદ તરખાટ મચાવશે. હવામાન વિભાગની આગાહી અનુસાર હજુ પાંચ દિવસ વરસાદનો નવો રાઉન્ડ શરૂ થશે. આ રાઉન્ડમાં રાજ્યના અનેક જિલ્લાઓમાં ભારેથી અતિભારે વરસાદ પડશે.
હવામાન વિભાગની આગાહી મુજબ આગામી 5 દિવસ રાજ્યમાં ફરી વરસાદ ભુક્કા બોલાવશે. ગુજરાતના માથે ફરી એક વરસાદી સિસ્ટમ સક્રિય થતા વરસાદનો વધુ એક રાઉન્ડ શરૂ થશે. આગામી 5 દિવસ વરસાદ ગુજરાતના અનેક જિલ્લાઓને ઘમરોળશે. જેમા છોટા ઉદેપુર, નર્મદા અને સુરતમાં ભારેથી અતિ ભારે વરસાદ થશે. હવામાન વિભાગ દ્વારા આ ત્રણ જિલ્લાઓમાં વરસાદનું રેડ એલર્ટ આપવામાં આવ્યુ છે.
આ દરમિયાન પૂરની સ્થિતિ પણ સર્જાઈ શકે છે. આ તરફ બનાસકાંઠા, પંચમહાલ, દાહોદ અને ભરૂચમાં ઓરેન્જ એલર્ટ આપવામાં આવ્યુ છે. જ્યારે તાપી, નવસારી, ડાંગ, ભાવનગરમાં ઓરેન્જ એલર્ટ આપવામાં આવ્યુ છે.
અમરેલી, ભાવનગર, અમદાવાદમાં વરસાદનું યો એલર્ટ અપાયુ છે. આણંદ, ખેડા, મહિસાગર, અરવલ્લી, સાબરકાંઠામાં ભારે વરસાદ થવાની વકી છે. આવતીકાલે ભરૂચ અને સુરતમાં હવામાન વિભાગે રેડ એલર્ટ આપ્યુ છે. જ્યારે ભાવનગર, બોટાદ, આણંદ, વડોદરામાં ઓરેન્જ એલર્ટ આપવામાં આવ્યુ છે.
Input Credit – Imran Shaikh- Ahmedabad
