AHMEDABAD : અસારવાના ધારાસભ્ય પ્રદીપ પરમારે કર્ફ્યું અને પોલીસના જાહેરનામાનો કર્યો ભંગ

AHMEDABAD : કોરોનાકાળમાં કેટલાય રાજકીય નેતાઓએ પુરવાર કરી દીધું છે કે સરકારની ગાઈડલાઈન, કોવીડના નિયમો, માસ્ક અને સોશિયલ ડિસ્ટન્સના નિયમો તેમજ કર્ફ્યું અને જાહેરનામું જેવા નિયમો અને પપ્રતિબંધો આ નેતાઓને લાગુ પડતા જ નથી. આ બધા નિયમો માત્ર સામાન્ય જનતા માટે અને જનતાને દંડિત કરવા જ બનાવ્યા હોય એવું લાગી રહ્યું છે. આવો જ વધુ એક બનાવ સામે આવ્યો છે. અમદાવાદમાં અસારવાના ધારાસભ્ય પ્રદીપ પરમાર (Asarva MLA Pradeep Parmar)એ કર્ફ્યું અને પોલીસના જાહેરનામાનો ભંગ કર્યો છે. ધારાસભ્ય પ્રદીપ પરમાર મોડી રાત્રે શેરીમાં બાળકો સાથે ક્રિકેટ રમ્યા તેમજ આના ફોટા પણ સોશિયલ મીડિયામાં શેર કર્યા.