શોકિંગ- ટીચરે બાળકોના મોબાઇલ ફોન જપ્ત કર્યા બાદ સળગાવી નાખ્યા, વીડિયો થયો વાયરલ
અત્યારે ટીકટોક, ફેસબુક અને ઇન્સ્ટાગ્રામ પર આ વિડીયો વાયરલ થઇ રહયો છે.
શાળા-કોલેજોમાં બાળકોને નિયમો તોડવા માટે ઘણી બઘી સજા મળી શકે છે. પરંતુ આ વાયરલ વીડિયોમાં (Viral Video) કંઇક અલગ લેવલની જ સજા બાળકોને નિયમો તોડવા માટે શિક્ષક દ્નારા મળી છે. ઘણી બઘી શાળા-કોલેજોમાં બાળકોને મોબાઇલ ફોન લઇને આવવા બદલ તે જપ્ત કરી લેવામાં આવે છે, અથવા તો અઠવાડિયા કે મહિના પછી પરત કરાય છે, પરંતુ આ શિક્ષકે તો સજા આપવાની બધી હદ જ પાર કરી નાંખી છે.
આ શિક્ષકે જે બાળકો મોબાઇલ ફોન લઇને આવ્યા હતા, તે સળગાવી નાખ્યા છે. આ વાયરલ વીડિયો ઇન્ડોનેશિયાની કોઇ બોર્ડિંગ સ્કુલનો હોવાનું જણાઇ રહયું છે. આ વીડિયોમાં જોઇ શકાય છે કે, બાળકો સતત શિક્ષકને વિનંતી કરી રહયા છે, રડી રહયા છે, છતાં પણ આ શિક્ષકે મોબાઇલ ફોન સળગાવી નાખ્યા છે.
અહી જુઓ વીડિયો:
View this post on Instagram
શિક્ષકના આ પગલાંની લોકોએ ખૂબ જ ટીકા કરતા કહયું કે, શું આ બોર્ડિંગ સ્કુલ છે કે કોઇ જેલ. તો બીજાએ લખ્યું કે એક શિક્ષક થઇને બાળકો માટે આટલું નબળું ઉદાહરણ સાબિત કરે છે. તેમના માતા-પિતા કયાં છે. તેમને મોબાઇલ ફોન કેમ પરત ન કર્યા. તો ત્રીજાએ લખ્યું કે આ શાળા-કોલેજનો હક્ક નથી કે બાળકોને કેટલી સજા આપવી.
વિદ્યાર્થીઓ શિક્ષકોને રોકવા માટે વિનંતી કરતા જોવા મળે છે, પરંતુ કોઈ ફાયદો થયો નથી. ઈન્ડોનેશિયામાં આ ઘટના ક્યાં બની હતી તેનો કોઈ ઉલ્લેખ નથી. કેટલીક સોશિયલ મીડિયા પોસ્ટમાં કહેવામાં આવ્યું છે કે આ ઘટના ઇન્ડોનેશિયાની એક બોર્ડિંગ સ્કૂલમાં બની હતી.
આ વીડિયોને લઈને ઘણા નેટીઝન્સ નારાજ થયા છે. કેટલાકે કહ્યું કે શિક્ષકોને સંપત્તિને નુકસાન પહોંચાડવા બદલ સજા કરવી જોઈએ અને તેમની સામે કાર્યવાહી કરવી જોઈએ.
શિક્ષક હોવા છતાં પણ તેઓ આવા ખરાબ ઉદાહરણ બેસાડવાનું પસંદ કરે છે. જો કંઈક આપણું નથી, તો આપણને તેનો નાશ કરવાનો કોઈ અધિકાર નથી. તેઓ તેને જપ્ત કરી શક્યા હોત અને પછી એક અઠવાડિયા પછી વિદ્યાર્થીઓને ફોન પરત કરી શક્યા હોત.”
આ પણ વાંચો : આ બ્રાઇડે કર્યો વેડિંગ લહેંગામાં ભાંગડા ડાન્સ, સોશિયલ મીડયા પર વિડીયો થયો વાયરલ
