મુસ્લિમ મહિલાની શ્રદ્ધા… મનોકામના પૂર્ણ થતાં હરિદ્વારથી કાવડ લઈને નીકળી, જાણો આખરે શું છે આખી કહાની?

ઉત્તર પ્રદેશના સંભલ જિલ્લામાં એક અનોખી અને પ્રેરણાદાયી ઘટના સામે આવી છે. અસમોલી વિસ્તારના બદનપુર બસેઈ ગામની રહેવાસી મુસ્લિમ મહિલા તમન્ના મલિક હરિદ્વારથી કાવડ લઈ સંભલ તરફ જઈ રહી છે. શિવરાત્રીના અવસરે ભોલેનાથને જલાભિષેક કરવા માટે ગંગાજળ લઈને નીકળેલી તમન્નાની આ યાત્રા હાલમાં ચર્ચાનો વિષય બની છે.

તમન્ના મલિકે જણાવ્યું કે ત્રણ વર્ષ પહેલાં તેણે ભગવાન શિવ સમક્ષ એક મનત માંગી હતી. તેણે પ્રતિજ્ઞા લીધી હતી કે જો તેના લગ્ન અમન ત્યાગી સાથે થશે તો તે હરિદ્વારથી કાવડ લઈને આવશે અને સંભલ સ્થિત ક્ષેમનાથ મંદિરમાં જલાભિષેક કરશે. ભગવાન શિવના આશીર્વાદથી તેની આ ઇચ્છા પૂર્ણ થઈ અને ત્યારબાદ તેણે પોતાની પ્રતિજ્ઞા પૂર્ણ કરવાનો નિર્ણય લીધો.

લગ્ન બાદ તમન્નાના જીવનમાં સુખ અને સમૃદ્ધિ આવી. આજે તેને બે પુત્રો છે અને પરિવાર સાથે તે ખુશહાલ જીવન જીવી રહી છે. તેણે જણાવ્યું કે 10 ફેબ્રુઆરીએ તે હરિદ્વાર પહોંચી અને ત્યાંથી ગંગાજળ ભરી કાવડ યાત્રા શરૂ કરી. શિવરાત્રીના શુભ મુહૂર્તે તે ક્ષેમનાથ મંદિરમાં જલાભિષેક કરશે.

A woman wearing a burqa drew attention after she was seen participating in the Kanwar Yatra in Uttar Pradesh’s Sambhal on Saturday, February 14.

Travelling with a group of Kanwariyas, who are devotees undertaking the Kanwar Yatra, Tamanna Malik was seen carrying holy water with… pic.twitter.com/4gq3sMFYph

— The Siasat Daily (@TheSiasatDaily) February 14, 2026

કાવડ લઈને જતા તમન્નાના વીડિયો સોશિયલ મીડિયા અને સમાચાર માધ્યમોમાં ઝડપથી વાયરલ થઈ રહ્યા છે. બુરખા પહેરીને ખભા પર ભગવાન શિવના નામવાળો કાવડ ધારણ કરેલી તેની તસવીરો લોકોને આશ્ચર્યચકિત કરી રહી છે. ઘણા લોકો તેના આ પગલાને ધાર્મિક સૌહાર્દ અને સામાજિક સંવાદિતાનું સુંદર ઉદાહરણ ગણાવી રહ્યા છે.

યાત્રા દરમિયાન શિવભક્તોનું એક જૂથ પણ તેની સાથે ચાલી રહ્યું છે. જ્યાં જ્યાં આ જૂથ પસાર થાય છે ત્યાં “બમ બમ ભોલે” અને “હર હર મહાદેવ”ના નારા ગુંજી ઉઠે છે. રસ્તામાં વિવિધ સ્થળોએ તમન્નાનું સ્વાગત કરવામાં આવી રહ્યું છે અને ઘણા લોકો તેની સાથે તસવીરો પડાવવા માટે ઉત્સુક દેખાઈ રહ્યા છે.

શિવરાત્રીના પવિત્ર અવસરે તમન્ના મલિકની આ યાત્રા માત્ર વ્યક્તિગત શ્રદ્ધાનો પ્રસંગ નથી, પરંતુ સમાજમાં એકતા અને પારસ્પરિક સન્માનનું અનોખું ઉદાહરણ પણ બની રહી છે.