ઇન્વર્ટર AC કે કન્વર્ટિબલ AC? જાણો તમારા ઘર માટે કયું છે ‘બેસ્ટ’ અને શેમાં થશે સૌથી વધુ ‘વીજળીની બચત’

ઉનાળાની સિઝન આવતાની સાથે જ AC ખરીદવું એક જરૂરિયાત બની જાય છે. હવે બજારમાં એટલા બધા વિકલ્પો હોય છે કે, સાચી પસંદગી કરવી મુશ્કેલ બની જાય છે. ખાસ કરીને ઇન્વર્ટર AC અને કન્વર્ટિબલ AC વચ્ચે લોકો અવારનવાર મૂંઝવણમાં મુકાતા હોય છે. બંને વીજળી બચાવવા અને સારી કૂલિંગ માટે બનાવવામાં આવ્યા છે પરંતુ તેમની કામ કરવાની રીત અલગ છે.

શું હોય છે ‘ઇન્વર્ટર AC’?

ઇન્વર્ટર AC રૂમના તાપમાન પ્રમાણે પોતાની મેળે કામ કરે છે. આમાં કોમ્પ્રેસર વારંવાર ઓન-ઓફ થતું નથી પરંતુ તેની સ્પીડ વધ-ઘટ થતી રહે છે. એવામાં જ્યારે રૂમ ઠંડો થઈ જાય છે, ત્યારે તે ધીમી ગતિએ ચાલીને તાપમાન જાળવી રાખે છે. આનાથી વીજળીનો વપરાશ ઓછો થાય છે અને અવાજ પણ ઓછો આવે છે.

‘કન્વર્ટિબલ AC’ કેવી રીતે કામ કરે છે?

કન્વર્ટિબલ ACમાં તમને જાતે જ કૂલિંગ પાવર (ટન ક્ષમતા) બદલવાનો વિકલ્પ મળે છે. જો રૂમમાં વધુ લોકો હોય અથવા ગરમી વધારે હોય, તો તમે તેને હાઈ મોડ પર ચલાવી શકો છો. આ સિવાય જ્યારે ઓછા લોકો હોય તો તેને લો (Low) મોડ પર ચલાવીને વીજળી બચાવી શકો છો.

વીજળીની બચતમાં કોણ આગળ?

1. બંને AC વીજળી બચાવવામાં મદદ કરે છે પરંતુ તેની રીત અલગ છે:
2. ઇન્વર્ટર AC: ઓટોમેટિક રીતે વીજળી બચાવે છે.
3. કન્વર્ટિબલ AC: આમાં તમારે જાતે સેટિંગ બદલવું પડે છે.
4. જો તમે કોઈ ઝંઝટ વગર વીજળી બચાવવા માંગતા હોવ, તો ઇન્વર્ટર AC વધુ અનુકૂળ છે.

તમારા રૂમ માટે કયું AC યોગ્ય?

• ઇન્વર્ટર AC: બેડરૂમ અથવા એવી જગ્યાઓ માટે વધુ સારું છે, જ્યાં સતત અને શાંત કૂલિંગની જરૂર હોય.
• કન્વર્ટિબલ AC: લિવિંગ રૂમ અથવા એવી જગ્યાઓ માટે કે, જ્યાં લોકોની સંખ્યા બદલાતી રહેતી હોય.

જો તમે સ્થિર કૂલિંગ અને ઓટોમેટિક વીજળીની બચત ઈચ્છતા હોવ, તો ઇન્વર્ટર AC યોગ્ય રહેશે. જો તમે તમારી જરૂરિયાત મુજબ કૂલિંગ કંટ્રોલ કરવા માંગતા હોવ, તો કન્વર્ટિબલ AC એક ઉત્તમ વિકલ્પ છે.

1 ટન કે 1.5 ટન, કયું AC વધુ વીજળી વાપરે છે? ચલાવતા પહેલા આ જાણી લેજો