Paris Olympics 2024, Day 3, LIVE Updates: શૂટિંગથી લઈને તીરંદાજીમાં ભારતીય ખેલાડીઓની હાર, આજે મેડલની આશા સમાપ્ત થઈ

જોકોવિચે નડાલને હરાવ્યો હતો

નોવાક જોકોવિચે ટેનિસ સિંગલ્સમાં જીત મેળવી છે. તે રાફેલ નડાલ સામે સ્પર્ધા કરી રહ્યો હતો, પરંતુ તેણે બીજી વખત ઓલિમ્પિક ગોલ્ડ જીતવાનું રાફેલનું સપનું તોડી નાખ્યું.

તીરંદાજીમાં ભારતીય ટીમની હાર

તીરંદાજી પુરૂષ ટીમનો બીજો સેટ પૂરો થઈ ગયો છે, જેમાં ભારતને 52 પોઈન્ટ્સ મળ્યા છે જ્યારે તુર્કીને 55 પોઈન્ટ મળ્યા છે. જ્યારે પ્રથમ સેટમાં ભારતીય ખેલાડીઓને 53 પોઈન્ટ અને તુર્કીના ખેલાડીઓને 57 પોઈન્ટ મળ્યા હતા.

તીરંદાજી સ્પર્ધા શરૂ

આર્ચરી મેન્સ ટીમની ક્વાર્ટર ફાઈનલ મેચ શરૂ થઈ ગઈ છે. હવે આ એકમાત્ર રમત બાકી છે જેમાં ભારતને મેડલ મેળવવાની આશા છે. તરુણદીપ રાય, ધીરજ બોમ્માદેવરા અને પ્રવીણ જાધવ ભારત તરફથી રમી રહ્યા છે.

બેડમિન્ટનમાં લક્ષ્ય સેનની શાનદાર શરૂઆત

બેડમિન્ટનની મેન્સ સિંગલ્સ મેચ ચાલી રહી છે, જેમાં ભારતના લક્ષ્ય સેનનો સામનો જુલિયન કારાગી સામે છે. લક્ષ્ય સેને પ્રથમ ગેમમાં ખૂબ જ નજીકનો વિજય હાંસલ કર્યો હતો. તેઓ 21-19થી જીત્યા છે.

ભારત-આર્જેન્ટિના મેચ ડ્રો

ભારત અને આર્જેન્ટિના વચ્ચેની હોકી મેચ ડ્રોમાં સમાપ્ત થઈ હતી. બંને ટીમો 1-1ની બરાબરી પર રહી હતી. મેચના બીજા ક્વાર્ટરમાં આર્જેન્ટિનાએ એક ગોલ કર્યો હતો, પરંતુ ત્યારપછી ભારતે છેલ્લી મિનિટોમાં ગોલ કરીને બરાબરી કરી લીધી હતી.

સાત્વિક અને ચિરાગે ઈતિહાસ રચ્યો

સાત્વિક અને ચિરાગની જોડીએ બેડમિન્ટનમાં ઈતિહાસ રચ્યો છે. આ જોડી ઓલિમ્પિકમાં બેડમિન્ટનની ક્વાર્ટર ફાઇનલમાં પહોંચનારી પ્રથમ ભારતીય ડબલ્સ જોડી બની છે. સાત્વિક અને ચિરાગ હવે 30 જુલાઈએ સાંજે 5:30 વાગ્યે ઈન્ડોનેશિયાની જોડી સામે ટકરાશે.

Paris Olympics Live Updates: તીરંદાજીમાં મેડલની આશા

તીરંદાજીમાં ચાહકોની નજર પુરૂષોની ટીમ પર છે જે ક્વાર્ટર ફાઇનલમાં તુર્કી સામે ટકરાશે. ભારતની ક્વાર્ટર ફાઈનલ મેચ સાંજે 6.30 કલાકે રમાશે. જો પુરુષ ટીમ ક્વાર્ટર ફાઇનલમાં જીતશે તો તે મેડલ રાઉન્ડમાં પ્રવેશ કરશે.

Paris Olympics Live Updates: ભારતે શાનદાર રમત દેખાડવી પડશે

હાફ ટાઈમ સુધી ભારત આર્જેન્ટિના સામે 0-1થી પાછળ છે. હવે ભારતીય ટીમે ત્રીજા અને ચોથા ક્વાર્ટરમાં જોરદાર રમત બતાવવી પડશે.

Paris Olympics Live Updates: લુકાસ માર્ટિનેઝે આ ગોલ રમતની 23મી મિનિટે કર્યો

Goal for Argentina.

From the right flank Lucas Martinez launched a power shot. Sreejesh tried to save it but couldn’t stop the ball going in the net.

Plenty of time to go in the game.

India 0 vs 1 Argentina

Lucas Martinez 22′#HockeyIndia #IndiaKaGame #Hockey…

— Hockey India (@TheHockeyIndia) July 29, 2024

Paris Olympics Live Updates: ભારત 0-1થી પાછળ છે

આર્જેન્ટિનાએ પ્રથમ ગોલ કર્યો છે. લુકાસ માર્ટિનેઝે આ ગોલ રમતની 23મી મિનિટે કર્યો હતો. અગાઉ આ જ ક્વાર્ટરમાં ભારતને સતત ત્રણ પેનલ્ટી કોર્નર મળ્યા હતા, પરંતુ ગોલ થઈ શક્યો નહોતો. જો ભારતે તેની જીતનો સિલસિલો ચાલુ રાખવો હોય તો તેણે આ તકોનો લાભ ઉઠાવવો પડશે.

Paris Olympics Live Updates: અર્જુને ચોથા સ્થાને રહ્યો

ભારતને પુરુષોની 10 મીટર એર રાઈફલ ઈવેન્ટમાં અર્જુન બાબૌતા પાસેથી મેડલની અપેક્ષા હતી, જો કે તે મેડલ થોડા પોઈન્ટથી ચૂકી ગયો. અર્જુને ચોથું સ્થાન મેળવ્યું.

10m Air Rifle Men’s Final

Valiant effort from Arjun Babuta, who shot a 208.4 to finish 4th.

The shooter was in fine fettle as he pushed the medallists all the way at #ParisOlympics2024. pic.twitter.com/JLMlBmBTCe

— SAI Media (@Media_SAI) July 29, 2024

Paris Olympics Live Updates: ભારત-આર્જેન્ટિના હોકી મેચ શરુ

ભારત અને આર્જેન્ટિના વચ્ચે હોકી મેચ શરૂ થઈ ગઈ છે. આ મેચમાં ભારતનો દબદબો જોવા મળી રહ્યો છે, કારણ કે અગાઉની મેચો પર નજર કરીએ તો ભારતે આર્જેન્ટિના પર વધુ વખત જીત મેળવી છે.

Paris Olympics Live Updates: અર્જુન બબુતા મેડલ ચૂકી ગયો

અર્જુન બબુતા પુરૂષોની 10 મીટર એર રાઈફલની ફાઇનલમાં મેડલ મેળવવાથી ચૂકી ગયો છે. તેની પાસે ભારત માટે વધુ એક મેડલ લાવવાની તક હતી, પરંતુ અંતે તેનું પ્રદર્શન ખરાબ રહ્યું હતું. ચોથા સ્થાને રહ્યો હતો

Paris Olympics Live Updates: બબુતા ત્રીજા સ્થાને પહોંચ્યો

અર્જુન બબુતા ત્રીજા સ્થાને પહોંચી ગયો છે. તેણે 10.7નો શાનદાર શોટ કર્યો અને ચોથાથી ત્રીજા સ્થાને છે.

Paris Olympics Live Updates: બબુતાની શાનદાર શરૂઆત

અર્જુન બબુતાએ 10 મીટર એર રાઈફલની ફાઈનલ મેચમાં શાનદાર શરૂઆત કરી છે. તેણે પહેલો શોટ 10.7 માર્યો.

Paris Olympics Live Updates: મેન્સ ટ્રેપ શૂટિંગમાં પૃથ્વીરાજનું પ્રદર્શન સુધર્યું

પુરુષોની ટ્રેપ શૂટિંગની ક્વોલિફિકેશન સ્પર્ધાનો બીજો રાઉન્ડ સમાપ્ત થઈ ગયો છે. ભારતના પૃથ્વીરાજે સારી છલાંગ લગાવી છે. તેઓ સીધા 21મીથી 15મીએ ગયા છે. હજુ ત્રણ રાઉન્ડ બાકી છે.

Paris Olympics Live Updates: અર્જુન બબુતા મેડલ જીતી શકે છે

અર્જુન બબુતા પુરુષોની 10 મીટર એર રાઈફલની ફાઈનલ મેચમાં ભાગ લેતો જોવા મળશે. તેની પાસે મેડલ જીતવાની શાનદાર તક છે. તેમની મેચ બપોરે 3.30 વાગ્યે શરૂ થશે.

Paris Olympics Live Updates:અર્જુન બાબૌતા ફાઈનલ રમશે

હવે અર્જુન બાબૌતા પુરુષોની 10 મીટર એર રાઈફલ ઈવેન્ટમાં પોતાનો પડકાર રજૂ કરશે. અર્જુનની ફાઇનલ મેચ બપોરે 3.30 વાગ્યાથી રમાશે.

Paris Olympics Live Updates: બેડમિન્ટનમાંથી ખરાબ સમાચાર આવ્યા

બેડમિન્ટનમાં અશ્વિની પોનપ્પા અને તનિષા ક્રાસ્ટો પણ પોતાની બીજી ગ્રુપ મેચ હારી ગઈ છે. અશ્વિની-તનિષાને નામી માત્સુયામા અને ચિહારુ શિડાના હાથે 11-21, 12-21થી હારનો સામનો કરવો પડ્યો હતો.

10m Air Rifle Final

Ramita Jindal puts up a fighting show as she finishes 7th in the final with a score of 145.3.

Kudos to the shooter for her performance at the #Paris2024Olympics. pic.twitter.com/5umMWXSLxL

— SAI Media (@Media_SAI) July 29, 2024

Paris Olympics Live Updates: મનુ ભાકર પાસે વધુ એક મેડલ જીતવાની તક

મનુ ભાકર અને સરબજોત સિંહ 10 મીટર એર પિસ્તોલ મિક્સ્ડ ટીમ ઈવેન્ટમાં બ્રોન્ઝ મેડલ મેચ માટે ક્વોલિફાઈ કરવા માટે ત્રીજા સ્થાને છે. ફાઈનલ મેચ આવતીકાલે થશે!

Paris Olympics Live Updates: બે ભારતીય જોડી ભાગ લઈ રહી છે

10 મીટર એર પિસ્તોલ મિક્સ્ડ ટીમ ઈવેન્ટનો ક્વોલિફિકેશન રાઉન્ડ શરૂ થઈ ગયો છે. આ ઈવેન્ટમાં બે ભારતીય જોડી ભાગ લઈ રહી છે. રિધમ સાંગવાન અને અર્જુન ચીમાની જોડી ફાઇનલમાં પહોંચવાનું લક્ષ્ય ધરાવશે. મનુ ભાકર અને સરબજોત સિંહ પાસેથી પણ વધુ અપેક્ષાઓ છે.

Paris Olympics Live Updates:રમિતા જિંદાલની સ્પર્ધા શરૂ

10 મીટર એર રાઈફલ ઈવેન્ટમાં રમિતા જિંદાલની સ્પર્ધા શરૂ થઈ ગઈ છે. ભારતની બેગમાં વધુ એક મેડલ આવી શકે છે અને તે મેડલ પણ ગોલ્ડના રૂપમાં હોઈ શકે છે.

Paris Olympics Live Updates:લક્ષ્યનો સામનો જર્મનીના જુલિયન કારાગી સામે થશે

મેન્સ સિંગલ્સની મેચમાં ભારતનો લક્ષ્ય સેન સાંજે સાડા પાંચ વાગ્યે બેલ્જિયમના જુલિયન કારાગી સામે ટકરાશે

Paris Olympics Live Updates: બોપન્ના અને બાલાજીની જોડી બહાર

મેન્સ ડબલ્સ ટેનિસમાં ભારતને ઝટકો લાગ્યો છે. રોહન બોપન્ના અને શ્રીરામ બાલાજીની જોડી પહેલા જ રાઉન્ડમાં હાર્યા બાદ બહાર થઈ ગઈ હતી. તેઓ ફ્રાન્સની જોડી સામે હાર્યા હતા.

Paris Olympics Live Updates:સાત્વિક અને ચિરાગની મેચ રદ્દ

બેડમિન્ટન મેન્સ ડબલ્સમાં સામસામે આવનારી ભારતીય જોડી સાત્વિક અને ચિરાગએ પેરિસ ઓલિમ્પિકમાંથી પોતાનું નામ પાછું ખેંચી લીધું છે. માર્વિન સિડેલ અને માર્ક લેમ્સફસની જોડીએ ઈજાને લઈ ઓલિમ્પિકમાંથી ખસી જવાનો નિર્ણય લીધો હતો. આ સાથે, 29 જુલાઈએ 12 વાગ્યે યોજાનારી મેચને રદ કરવામાં આવી છે.

Paris Olympics Live Updates: હરમીત દેસાઈની એકતરફી હાર

ભારતનો હરમીત દેસાઈ રાઉન્ડ ઓફ 64 મેચમાં એકતરફી હાર્યો છે. ફ્રાન્સના ફેલિક્સ લેબરોને તેને સતત ચાર સેટમાં 4-0થી હરાવ્યો હતો. આ સાથે મેન્સ સિંગલ્સ ટેબલ ટેનિસમાં મેડલ જીતવાની ભારતની આશા સમાપ્ત થઈ ગઈ છે. તેની પહેલા શરથ કમલ પણ તેની સિંગલ્સ મેચ હારી ગયો હતો.

Paris Olympics Live Updates: ભારત મેડલ ટેબલમાં 22મા સ્થાને

28 જુલાઈના રોજ, મનુ ભાકરે પેરિસ ઓલિમ્પિકમાં ભારતને પહેલો મેડલ અપાવ્યો હતો. તેના બ્રોન્ઝ મેડલને કારણે ભારત ઓલિમ્પિક 2024ની મેડલ ટેલીમાં 22મા સ્થાને પહોંચી ગયું છે. હવે 29 જુલાઈએ અર્જુન બાબુતા અને રમિતા જિંદાલ પણ શૂટિંગ ફાઇનલમાં મેડલ જીતે તેવી અપેક્ષા રાખવામાં આવશે.

Paris Olympics Live Updates: તમામની નજર શૂટિંગ ઈવેન્ટ પર

ત્રીજા દિવસે ભારતને શૂટિંગ ઈવેન્ટમાંથી ફરી મેડલની આશા છે. શૂટર રમિતા જિંદાલ મહિલાઓની 10 મીટર એર રાઈફલની ફાઈનલ મેચ રમશે. તે જ સમયે, અર્જુન બાબૌતા પુરુષોની 10 મીટર એર રાઈફલની ફાઈનલ મેચ રમશે.

Paris Olympics Live Updates:ગૂગનનું ડૂડલ્સ

ગૂગલ પણ પેરિસ ઓલિમ્પિક 2024ની પોતાની સ્ટાઈલમાં ઉજવણી કરી રહ્યું છે. ઓલિમ્પિક શરૂ થયા બાદ દરરોજ નવા ડૂડલ્સ જોવા મળી રહ્યા છે. ગૂગલે આજે પોતાના ડૂડલમાં એક પક્ષી અને એક બિલાડી જોવા મળી રહી છે.

Paris Olympics Live Updates: ભારતની આજે આટલી ઈવેન્ટ

Check out the Day 3⃣ schedule for #TeamIndia at the #ParisOlympics2024!

Check all the exciting events especially the medal events scheduled for tomorrow

Tune in to @JioCinema & DD Sports to #Cheer4Bharat virtually pic.twitter.com/HV280TnUmP

— SAI Media (@Media_SAI) July 28, 2024

Paris Olympics Live Updates:મનુ ભાકર ફાઇનલમાં જગ્યા બનાવી શકે છે

12:45 PM: 10 મી. બે ભારતીય ટીમો એર પિસ્તોલ મિક્સ્ડ ટીમ ઈવેન્ટના ક્વોલિફિકેશનમાં પ્રવેશ કરશે. મનુ ભાકરની જોડી સરબજોત સિંહ સાથે જોવા મળશે. જ્યારે અર્જુન સિંહ રિધમ સાંગવાન સાથે જશે.

View this post on Instagram

A post shared by JioCinema (@officialjiocinema)

Paris Olympics Live Updates:29મી જુલાઈએ તીરંદાજીમાં મેડલની આશા

6:31 PM: તીરંદાજી મેન્સ ટીમ (ક્વાર્ટર ફાઇનલ્સ)- તરુણદીપ રાય, ધીરજ બોમ્માદેવરા અને પ્રવીણ જાધવ

7:17 PM: તીરંદાજી પુરૂષોની ટીમ જો ક્વાર્ટર ફાઇનલમાં જીતશે તો સેમિફાઇનલ રમશે.

8:18 PM: તીરંદાજી પુરૂષોની ટીમ જો સેમી ફાઇનલમાં હારી જશે તો બ્રોન્ઝ મેડલ મેચ રમશે.

8:41 PM: તીરંદાજી પુરૂષોની ટીમ સેમિફાઇનલ જીતશે તો ગોલ્ડ મેડલ મેચ રમશે.

Paris Olympics Live Updates: 29મી જુલાઈના રોજ શૂટિંગની મેડલ ઇવેન્ટ

1 PM: મહિલાઓની 10 મીટર એર રાઈફલ ફાઈનલ – રમિતા જિંદાલ

3:30 PM: પુરુષોની 10 મીટર એર રાઈફલ ફાઈનલ – અર્જુન બબુતા

Paris Olympics Live Updates:29 જુલાઈના રોજ બેડમિન્ટનમાં ભારતનું શેડ્યૂલ

12 PM: મેન્સ ડબલ્સ (બેડમિન્ટન) – સાત્વિક અને ચિરાગની જોડી – ગ્રુપ સ્ટેજ

12:50 PM: મહિલા ડબલ્સ (બેડમિન્ટન)- અશ્વિની અને તનિષા

સાંજે 5:30: મેન્સ સિંગલ્સ (બેડમિન્ટન)- લક્ષ્ય સેન- ગ્રુપ સ્ટેજ

View this post on Instagram

A post shared by Badminton Association of India (@bai_media)

Paris Olympics Live Updates: ત્રીજા દિવસે ભારત 3 મેડલ જીતી શકે છે

પેરિસ ઓલિમ્પિકના ત્રીજા દિવસે ભારત 3 મેડલ જીતી શકે છે. તે શૂટિંગ અને તીરંદાજીમાં આ મેડલ મેળવી શકે છે. ત્રીજા દિવસે ભારત શૂટિંગની 2 મેડલ ઈવેન્ટ્સમાં ભાગ લઈ રહ્યું છે. તીરંદાજીની ટીમ ઈવેન્ટમાં ભારતીય પુરૂષ ટીમ મેડલ જીતવા માટે મથશે.