Paris Olympics 2024, Day 9, LIVE Updates : નોવાક જોકોવિચ બન્યો ઓલિમ્પિક ચેમ્પિયન, ફાઇનલમાં કાર્લોસ અલ્કારાજને હરાવ્યો

ઓસ્ટ્રેલિયા સામે નેધરલેન્ડને લીધો હારનો બદલો

હોકીના ત્રીજા ક્વાર્ટર ફાઈનલમાં નેધરલેન્ડે ઓસ્ટ્રેલિયાને 2-0થી હરાવીને બહાર કરી દીધું છે. આ સાથે નેધરલેન્ડે ગત ઓલિમ્પિકમાં ઓસ્ટ્રેલિયા સામે ક્વાર્ટર ફાઈનલમાં મળેલી હારનો બદલો પણ લઈ લીધો અને સેમીફાઈનલમાં જગ્યા બનાવી લીધી. સેમિફાઇનલમાં નેધરલેન્ડનો સામનો સ્પેન સામે થશે.

ગોલ્ફમાં પણ નિરાશા

મેન્સ ગોલ્ફમાં પણ ભારતને કોઈ સફળતા મળી નથી. ભારતના શુભંકર શર્મા અને ગગનજીત ભુલ્લર રવિવારે ચોથા અને છેલ્લા રાઉન્ડમાં કોઈપણ પ્રકારનો પડકાર રજૂ કરી શક્યા ન હતા. સુભાંકર 40મા અને ગગનજીત 45મા ક્રમે હતા.

નોવાક જોકોવિચ ઓલિમ્પિક ચેમ્પિયન બન્યો

નોવાક જોકોવિચે પેરિસ ઓલિમ્પિકની મેન્સ ટેનિસની ફાઇનલમાં કાર્લોસ અલ્કારાજને હરાવ્યો છે. આ સાથે તે પ્રથમ વખત ઓલિમ્પિક ચેમ્પિયન બન્યો છે અને ગોલ્ડ મેડલ જીત્યો છે. પ્રથમ સેટથી જ જોકોવિચ અને અલ્કારાઝ વચ્ચે રોમાંચક મુકાબલો જોવા મળ્યો હતો. જોકોવિચે આ મેચ 7-6, 7-6થી જીતી હતી.

શૂટિંગમાં મળી નિરાશા

પુરુષોની શૂટિંગ 25 મીટર રેપિડ ફાયર પિસ્તોલ સ્પર્ધામાં ભારતને નિરાશાનો સામનો કરવો પડ્યો છે. બંને ભારતીય શૂટર્સ વિજયવીર સિદ્ધુ અને અનીશ ભાનવાલા ફાઈનલ માટે ક્વોલિફાય કરી શક્યા ન હતા અને સ્પર્ધામાંથી બહાર થઈ ગયા હતા. પેરિસ ઓલિમ્પિકમાં તેની સફર પૂરી થઈ ગઈ છે. વિજયવીરે 9માં અને અનીશ 13મા ક્રમે રમત પૂરી કરી, જ્યારે માત્ર ટોપ-6 શૂટર્સ જ ફાઇનલમાં જઈ શક્યા.

Olympics Live : મહેશ્વરી ચૌહાણ શૂટિંગમાંથી બહાર

ભારતીય શૂટર મહેશ્વરી ચૌહાણ મહિલા સ્કીટ શૂટિંગ ઈવેન્ટમાં ફાઈનલ માટે ક્વોલિફાઈ કરી શકી ન હતી. આ સાથે ઓલિમ્પિકમાં તેની સફર સમાપ્ત થઈ ગઈ છે. મહેશ્વરી 14મા સ્થાને રહી હતી, જ્યારે ફાઇનલમાં જવા માટે ટોપ-6માં હોવું જરૂરી હતું.

Olympics Live : બેડમિન્ટન મેચ 5 ઓગસ્ટે સાંજે 6 વાગ્યે શરૂ થશે

બેડમિન્ટન ખેલાડી લક્ષ્ય સેન આવતીકાલે બ્રોન્ઝ મેડલ મેચમાં ભાગ લેશે. તેનો મુકાબલો વિશ્વમાં નંબર-7 મલેશિયાની લી જી જિયા સાથે થશે. લક્ષ્યે મલેશિયાના શટલર સામે પાંચમાંથી ચાર મેચ જીતી છે. બ્રોન્ઝ મેડલ મેચ 5 ઓગસ્ટે ભારતીય સમય અનુસાર સાંજે 6 વાગ્યે શરૂ થશે.

Olympics Live : લક્ષ્ય રમશે બ્રોન્ઝ મેડલ મેચ

! Lakshya Sen played exceptionally well today, but unfortunately for him, that wasn’t enough to defeat World No.2, Viktor Axelsen. He will now compete in the Bronze medal match.

Can he go on to win a first-ever medal for India… pic.twitter.com/bjxTX69yII

— India at Paris 2024 Olympics (@sportwalkmedia) August 4, 2024

Olympics Live :લક્ષ્ય સેન બેડમિન્ટનની સેમીફાઈનલમાં હારી ગયો

બોક્સિંગ બાદ બેડમિન્ટનમાંથી પણ નિરાશાજનક સમાચાર આવ્યા છે. લક્ષ્ય સેન બેડમિન્ટન મેન્સ સિંગલ્સની સેમિફાઈનલમાં હારી ગયો છે. તેને ડેનમાર્કના વિક્ટર એક્સેલસેન સામે 22-20, 21-14થી પરાજય આપ્યો હતો. હવે લક્ષ્ય બ્રોન્ઝ મેડલ માટે રમશે.

Olympics Live : મને વધુ 2 મેચ રમવા મળશે : ગોલકીપર શ્રીજેશ

હોકીમાં ક્વાર્ટર ફાઈનલ જીત્યા બાદ ભારતીય ટીમના ગોલકીપર શ્રીજેશે કહ્યું, ‘મેં મારી જાતને કહ્યું કે આ મારી છેલ્લી મેચ હોઈ શકે છે. અથવા જો હું (ગોલ) બચાવીશ તો મને વધુ 2 મેચ રમવા મળશે. હું આ મેચ જીતીને ખૂબ જ ખુશ છું. તમને જણાવી દઈએ કે ભારતે શૂટઆઉટમાં 4-2થી મેચ જીતી લીધી હતી. શ્રીજેશની આ છેલ્લી ઓલિમ્પિક છે. તે પહેલા જ નિવૃત્તિની જાહેરાત કરી ચૂક્યો છે.

Olympics Live :હોકી ખેલાડી લલિતના પિતાનું નિવેદન

#WATCH | Varanasi: On the Indian team beating Great Britain in Men’s Hockey quarterfinal to enter the semi-finals, Indian Hockey player Lalit Upadhyay’s father Satish Upadhyay says, “I am very happy. We watched the man from the beginning. A player was evicted from the match after… pic.twitter.com/xmkz70UB5L

— ANI (@ANI) August 4, 2024

Olympics Live : એથ્લેટિક્સમાં નિરાશા રહી

જેસન એલ્ડ્રિન લોંગ જમ્પ ઈવેન્ટમાં ફાઈનલ માટે ક્વોલિફાઈ કરી શક્યો નહિ. એલ્ડ્રિનના પ્રથમ બે પ્રયાસો ફાઉલ હતા. છેલ્લો પ્રયાસ 7.61 મીટરનો હતો, જે 8.61 મીટરના ક્વોલિફાઇંગ માર્ક કરતાં ઘણો ઓછો હતો.

Olympics Live :લક્ષ્ય સેન પ્રથમ સેટ હાર્યો

વિક્ટર અને લક્ષ્ય વચ્ચે જોરદાર ટકકર ચાલુ છે અને પ્રથમ સેટમાં સ્કોર 20-20 સુધી પહોંચી ગયો હતો. જોકે, અંતે વિક્ટરે પહેલો સેટ 22-20થી જીતી લીધો હતો.

! Despite a strong showing, Lakshya loses the first game against Viktor Axelsen, 20-22. Can he comeback strong in the second game?

@sportwalkmedia … pic.twitter.com/39lD4NXTAf

— India at Paris 2024 Olympics (@sportwalkmedia) August 4, 2024

Olympics Live : આજે સિલ્વર મેડલ પાક્કો કરશે લક્ષ્ય!

બેડમિન્ટન મેન્સ સિંગલ્સમાં લક્ષ્ય સેનની સેમિફાઇનલ મેચ શરૂ થઈ ગઈ છે. લક્ષ્યનો સામનો ડેનમાર્કના વિક્ટર એક્સેલસન સામે છે. જો લક્ષ્ય સેન આ મેચ જીતી ગયો હોત તો ઓછામાં ઓછું સિલ્વર મેડલ પાકું થશે

Olympics Live :લક્ષ્ય સેનની મેચ શરૂ

લક્ષ્ય સેન અને વિક્ટર એક્સેલસન વચ્ચે સેમિફાઇનલ મેચ શરૂ થઈ ગઈ છે.

Olympics Live : લવલિના ક્વાર્ટર ફાઈનલ મેચ હારી

બોક્સિંગ તરફથી ભારત માટે નિરાશાજનક સમાચાર સામે આવી રહ્યા છે. ભારતીય સ્ટાર મહિલા બોક્સર લવલિના બોર્ગોહેન તેની ક્વાર્ટર ફાઈનલ મેચ હારી ગઈ છે. તેને ચીનના ખેલાડી લી કિયાન સામે 1-4થી પરાજય આપ્યો હતો.

Paris Olympics 2024 :ભારતીય હોકી ટીમ મેડલથી એક જીત દૂર

ભારતે શૂટઆઉટમાં ગ્રેટ બ્રિટનને 4-2થી હરાવીને સેમિફાઇનલમાં જગ્યા બનાવી લીધી છે. ભારતીય ટીમની જીતનો હીરો પીઆર શ્રીજેશ હતો જેણે શૂટઆઉટમાં બે શાનદાર બચાવ કર્યા હતા.

Paris Olympics 2024 : ભારતે 2-2 થી બરાબરી કરી

ભારત માટે સુખજિત સિંહે બીજો ગોલ કરીને સ્કોર 2-2થી બરાબર કરી દીધો હતો.

Paris Olympics 2024 : શૂટિંગ અપટેડ

25 મીટર રેપિડ ફાયરના ક્વોલિફિકેશનના પ્રથમ રાઉન્ડમાં વિજયવીર સિદ્ધુ અને અનીશ બંનેએ સમાન 293 પોઈન્ટ મેળવ્યા હતા. હાલમાં વિજયવીર ત્રીજા સ્થાને છે અને અનીશ ચોથા સ્થાને છે. 7 શૂટર્સે હજુ તેમનો પ્રથમ રાઉન્ડ શરૂ કર્યો નથી.

Paris Olympics 2024 : ત્રીજા ક્વાર્ટરની મેચ શરૂ

ત્રીજા ક્વાર્ટરની મેચ શરૂ થઈ ગઈ છે. ભારત આગામી 15 મિનિટમાં લીડ લેવાનો પ્રયાસ કરશે. ભારતીય ટીમ માત્ર 10 ખેલાડીઓ સાથે મેદાનમાં ઉતરી છે.

Paris Olympics 2024 :બંને ટીમો બરાબરી પર

લી મોર્ટને ગોલ કરીને ગ્રેટ બ્રિટનને 1-1થી બરાબરી પર લાવ્યો છે.

Paris Olympics 2024 : હોકીમાં ભારત 1-0થી આગળ

ભારતીય હોકી ટીમે શાનદાર વાપસી કરી છે. કેપ્ટન હરમનપ્રીત સિંહે ગોલ કરીને ભારતને ગ્રેટ બ્રિટન સામે 1-0થી આગળ કર્યું હતું.

Paris Olympics 2024 :અમિત રોહિદાસને રેડ કાર્ડ મળ્યું

ભારતીય ટીમને 17મી મિનિટે મોટો ફટકો પડ્યો હતો. અમિત રોહિદાસને રેડ કાર્ડ મળ્યું હતું. આવી સ્થિતિમાં તે બાકીની મેચ રમી શકશે નહીં. હવે ભારતે બાકીની મેચો 10 ખેલાડીઓ સાથે રમવાની રહેશે.

Paris Olympics 2024 : પારુલે નિરાશ કર્યા

પારુલ ચૌધરી 3000 મીટર સ્ટીપલચેસની ફાઇનલમાં પહોંચી શકી નહોતી. પારુલ સમય 9:23.39. હીટ-1માં 8મા ક્રમે રહી હતી. હીટ-1માં કુલ 12 ખેલાડીઓ હતા.

Paris Olympics 2024 :ભારત અને ગ્રેટ બ્રિટન વચ્ચે હોકી શરુ

હોકીના ક્વાર્ટર ફાઈનલમાં ભારત અને ગ્રેટ બ્રિટન વચ્ચે પ્રથમ ક્વાર્ટરની રમત ખૂબ જ રોમાંચક ચાલી રહી છે. પ્રથમ ક્વાર્ટરમાં, ગ્રેટ બ્રિટનને ગોલ કરવાની 2 તકો મળી, પરંતુ તે પેનલ્ટી કોર્નર પર તે બંને તકોને ગોલમાં ફેરવવામાં નિષ્ફળ રહી.

Paris Olympics 2024 : શૂટિંગ અપટેડ

મહેશ્વરી ચૌહાણ અને રાયઝા ધિલ્લોન મહિલા સ્કીટ ઇવેન્ટના ક્વોલિફિકેશનના બીજા દિવસે એક્શનમાં છે. મહેશ્વરી ચૌહાણ ક્વોલિફિકેશનના પ્રથમ દિવસે 71 પોઈન્ટ સાથે 8મા ક્રમે રહી હતી. બાકીના 2 ક્વોલિફિકેશન રાઉન્ડ આજે યોજાનાર છે. ટોપ-6 શૂટર્સ ફાઈનલ માટે ક્વોલિફાય થશે.

Paris Olympics 2024 :હોકીની ક્વાર્ટર ફાઈનલ મેચ ટૂંક સમયમાં શરૂ થશે

હોકીમાં ભારતની ક્વાર્ટર ફાઈનલ મેચ ટૂંક સમયમાં શરૂ થશે. ભારતની આ સ્પર્ધા ગ્રેટ બ્રિટન સાથે છે. મોટી વાત એ છે કે ટોક્યોમાં રમાયેલી છેલ્લી ઓલિમ્પિકમાં પણ ભારતે ગ્રેટ બ્રિટન સામે ક્વાર્ટર ફાઈનલ રમી હતી.

Paris Olympics 2024 : ભારત 53માં સ્થાને

મેડલ ટેલીમાં ચીન હાલમાં 16 ગોલ્ડ સહિત 37 મેડલ સાથે ટોચ પર છે. જ્યારે યુએસએ 14 ગોલ્ડ સહિત 61 મેડલ સાથે બીજા સ્થાને છે. યજમાન દેશ ફ્રાન્સ 12 ગોલ્ડ સહિત 41 મેડલ સાથે ત્રીજા સ્થાને છે. જ્યારે ભારત 3 બ્રોન્ઝ મેડલ સાથે 53મા સ્થાને છે.

Paris Olympics 2024 :એથ્લેટિક્સમાં ભારતનું શેડ્યૂલ

3000 મીટર મહિલા સ્ટીપલચેસ- પારુલ ચૌધરી- બપોરે 1:35

પુરુષોની લાંબી કૂદની ક્વોલિફિકેશન- જેસન એલ્ડ્રિન – બપોરે 2:30

Paris Olympics 2024 :ભારત બે મેડલ જીતશે!

લક્ષ્ય સેન પેરિસ ઓલિમ્પિક 2024ના 9મા દિવસે બેડમિન્ટન મેન્સ સિંગલ્સમાં સેમિફાઇનલ મેચ રમશે. જો લક્ષ્ય આ મેચ જીતી જશે તો ઓછામાં ઓછું સિલ્વર મેડલ નિશ્ચિત થઈ જશે. લક્ષ્યનો મુકાબલો ટોક્યો ઓલિમ્પિકના ગોલ્ડ વિજેતા ડેનમાર્કના વિક્ટર એક્સેલસન સાથે થવાનો છે. ભારતીય હોકી ટીમ ગ્રેટ બ્રિટન સામે છેલ્લી-8 મેચ રમશે.

Paris Olympics 2024 : જીતવાના ઇરાદા સાથે રિંગમાં પ્રવેશ કરશે

લોવલિના (મહિલા બોક્સિંગ 75 KG – ક્વાર્ટર ફાઇનલ): મહિલા બોક્સર લોવલિના બોર્ગોહેન 75 કિગ્રા વજન વર્ગની ક્વાર્ટર ફાઇનલમાં જીતવાના ઇરાદા સાથે રિંગમાં પ્રવેશ કરશે.

Paris Olympics 2024 : હોકીનું શેડ્યૂલ

પુરુષોની હોકી ક્વાર્ટર ફાઇનલ્સ – બપોરે 1:30 વાગ્યે

Paris Olympics 2024 :નિશાંત ક્વાર્ટર ફાઈનલમાંથી બહાર

નિશાંત મેન્સ 71 કિગ્રા  ક્વાર્ટર ફાઈનલમાંથી બહાર થઈ ગયો છે.

Result Update: Men’s 71 KG #Boxing Quarter-Finals @nishantdevjr bows out of #ParisOlympics2024

The 23-year-oldon his debut #Olympic appearance, loses to Mexico’s Marco Alonso Verde Alvarez 1-4 by a split decision in a closely contested match.

Great effort from… pic.twitter.com/nisdrzu41L

— SAI Media (@Media_SAI) August 3, 2024

Paris Olympics 2024 : બોક્સિંગમાંથી મેડલની આશા

હવે 9માં દિવસે ભારતને બેડમિન્ટન અને બોક્સિંગમાંથી મેડલની આશા છે. પ્રથમ વખત પુરૂષ બેડમિન્ટનની સેમીફાઈનલમાં પહોંચનાર લક્ષ્ય સેન પર મેડલ પર નજર રહેશે.

Paris Olympics 2024 :મહિલા સ્કીટ શૂટિંગ ક્વોલિફિકેશન મેચ

જો ભારતીય ખેલાડીઓ મહિલા સ્કીટ શૂટિંગમાં ફાઇનલમાં ક્વોલિફાય થાય છે તો ભારતને મેડલ મળી શકે છે.

Paris Olympics 2024 : ભારતીય પુરુષ હોકી ટીમ ઈતિહાસનું પુનરાવર્તન કરી શકે છે

ભારતે પણ ક્વાર્ટર ફાઇનલમાં ગ્રેટ બ્રિટનને હરાવી ટોક્યો ઓલિમ્પિક 2021માં હોકીની સેમિફાઇનલમાં જગ્યા બનાવી છે. હવે પેરિસ ઓલિમ્પિક 2024માં ભારતીય પુરૂષ હોકી ટીમે ફરીથી ક્વાર્ટર ફાઇનલમાં ગ્રેટ બ્રિટન સામે રમવાનું છે. આવી સ્થિતિમાં ભારતીય પુરુષ હોકી ટીમ ગ્રેટ બ્રિટનને હરાવીને ઈતિહાસનું પુનરાવર્તન કરવા ઈચ્છશે.

Paris Olympics 2024 : ભારતનું ઓલિમ્પિક મેડલ ટેલી જુઓ

View this post on Instagram

A post shared by Sports Authority of India (@media.iccsai)

Paris Olympics 2024 : મનુ ભાકર ચોથા સ્થાને

આ વખતે મનુએ ભારતને તેનો પહેલો ઓલિમ્પિક મેડલ પણ અપાવ્યો અને આ પછી પણ તે અટકી નહીં. તેણે 10 મીટર એર પિસ્તોલની મિક્સ ટીમ ઈવેન્ટમાં તેના સાથી સરબજોત સિંહ સાથે બીજો મેડલ જીત્યો. આ બંને પ્રસંગે ભારતે બ્રોન્ઝ મેડલ જીત્યો હતો. જોકે તે મહિલાઓની શૂટિંગ 25 મીટર પિસ્તોલ સ્પર્ધામાં ચોથા સ્થાને રહી હતી.

Paris Olympics 2024 :લક્ષ્ય સેનની મેચને લઈને મોટી ભવિષ્યવાણી!

પેરિસ ઓલિમ્પિકની મેન્સ બેડમિન્ટન સેમિફાઇનલમાં લક્ષ્ય સેનનો સામનો ડેનમાર્કના વિક્ટર એક્સેલસન સામે થશે. સાઇના નેહવાલના પતિ અને ભારતના દિગ્ગજ બેડમિન્ટન ખેલાડી પી. કશ્યપે આ મેચ વિશે કહ્યું છે કે આમાં લક્ષ્ય સેનની જીતની શક્યતા માત્ર 30 ટકા છે. તેમણે કહ્યું કે જો કે તેઓ ઇચ્છે છે કે પરિણામ ભારતની તરફેણમાં આવે.

Paris Olympics 2024 : 4 ઓગસ્ટે ભારતની 3 મોટી મેચો

1:30 PM- ભારત વિ ગ્રેટ બ્રિટન – મેન્સ હોકી ક્વાર્ટર-ફાઇનલ

2:20 PM- લક્ષ્ય સેન- પુરુષોની બેડમિન્ટન સેમિ-ફાઇનલ

3:02 PM- લવલિના- મહિલા બોક્સિંગ (75 KG)- ક્વાર્ટર ફાઈનલ

Paris Olympics 2024 : ઓલિમ્પિકમાં આજનું શેડ્યુલ જુઓ

View this post on Instagram

A post shared by Sports Authority of India (@media.iccsai)

Paris Olympics 2024 :હોકીમાં આજે ધમાલ

ભારતે ટોક્યો ઓલિમ્પિકમાં પણ ક્વાર્ટર ફાઇનલમાં ગ્રેટ બ્રિટનને હરાવીને હોકીની સેમિફાઇનલમાં જગ્યા બનાવી હતી. પેરિસ ઓલિમ્પિકમાં પણ તે મેન્સ હોકીની ક્વાર્ટર ફાઇનલમાં ગ્રેટ બ્રિટનનો સામનો કરી રહી છે. મતલબ કે ઈતિહાસને પુનરાવર્તિત થવાની તક છે.

Paris Olympics 2024 : પેરિસ ઓલિમ્પિકનો 9મો દિવસ

પેરિસ ઓલિમ્પિકના 9મા દિવસે ભારત બેડમિન્ટન અને બોક્સિંગમાં મેડલ જીતી શકે છે. આ માટે પહેલીવાર મેન્સ બેડમિન્ટનની સેમિફાઈનલમાં પહોંચેલા લક્ષ્ય સેનને પોતાની મેચ જીતવી પડશે. આ સાથે જ બોક્સિંગમાં મેડલની છેલ્લી ભારતીય આશા લોવલીનાને પણ પોતાની મેચ જીતવી પડશે.