ગર્લ્સ હોસ્ટેલમાં ઝડપાયો આ સ્ટાર ખેલાડી, ઓલિમ્પિક રમવાનું સપનું તૂટી ગયું

પેરિસ ઓલિમ્પિક 2024ની તૈયારી માટે આયોજિત કેમ્પમાંથી ભારતીય વેઈટલિફ્ટર અચિંત શિયુલીને બહાર કરી દેવામાં આવ્યો છે. અચિંતા શિયુલી રાત્રે NIS પટિયાલાની ગર્લ્સ હોસ્ટેલમાં ઘૂસતો ઝડપાયો હતો, ત્યારબાદ તેની સામે આ કાર્યવાહી કરવામાં આવી હતી. અચિંતાએ બર્મિંગહામ કોમનવેલ્થ ગેમ્સ 2022માં નવા રેકોર્ડ સાથે ગોલ્ડ મેડલ જીત્યો હતો.

પેરિસ ઓલિમ્પિકમાં જવાનું સપનું તૂટી ગયું

ભારતીય વેઈટલિફ્ટિંગ ફેડરેશનના એક અધિકારીએ કહ્યું, ‘આવું અનુશાસન સહન કરવામાં આવશે નહીં. અચિંતાને તરત જ કેમ્પ છોડવા માટે કહેવામાં આવ્યું. આ સાથે અચિંતની પેરિસ ઓલિમ્પિક માટે ક્વોલિફાય થવાની આશા પણ સમાપ્ત થઈ ગઈ છે. અચિંતા આ મહિને થાઈલેન્ડના ફૂકેટમાં IWF વર્લ્ડ કપ રમી શકશે નહીં, જે પેરિસ ઓલિમ્પિક માટે ફરજિયાત હતો.

અચિંતાને સુરક્ષાકર્મીઓએ ગર્લ્સ હોસ્ટેલમાં પકડ્યો

આ ઘટના ગુરુવારે રાત્રે બની હતી. 22 વર્ષીય અચિંતાને સુરક્ષાકર્મીઓએ પકડી લીધો હતો અને તેનો વીડિયો પણ બનાવ્યો હતો. સ્પોર્ટ્સ ઓથોરિટી ઓફ ઈન્ડિયા (SAI) અને NIS પટિયાલાના એક્ઝિક્યુટિવ ડિરેક્ટર વિનીત કુમારને તરત જ આ અંગે જાણ કરવામાં આવી હતી. વીડિયો પુરાવાની હાજરીને કારણે, SAIએ તપાસ પેનલની રચના કરી ન હતી.

Web Stories View more

પાકિસ્તાની યુવતીના શરીરમાં ધબક્યું ભારતીય હ્રદય, કહ્યું- થેંક્યું ઈન્ડિયા

એલિસ પેરીને ભૂલી જશો, જુઓ મુંબઈ ઈન્ડિયન્સની ખૂબસૂરત ક્રિકેટર એમેલિયા કેરની તસવીરો

તમારી પાસે કોઈ સરકારી અધિકારી કે કર્મચારી લાંચ માગે તો સૌથી પહેલા કરો આ કામ

3 વર્ષમાં આપ્યું 35% થી વધુ રિટર્ન, જાણો આ Top 5 Equity Mutual Funds વિશે

સાંજના સમય પછી ન ખાવા જોઈએ ફળ, થઈ શકે છે આ સમસ્યા, તો ક્યારે ખાવા જાણો અહીં

IPL 2024 વચ્ચે પંડ્યાની ઘરે આવી મોટી ખુશી, કૃણાલને ત્યાં દીકરાનો જન્મ, જુઓ તસવીર

SAIએ નેશનલ કેમ્પમાંથી કર્યો બહાર

પટિયાલામાં છોકરાઓ અને છોકરીઓ માટે અલગ-અલગ હોસ્ટેલ છે. હાલમાં મહિલા બોક્સર, રમતવીર અને કુસ્તીબાજ NIS પટિયાલામાં છે. અગાઉ, વેઈટલિફ્ટિંગ ફેડરેશને અનુશાસનહીનતાને કારણે કોમનવેલ્થ અને યુથ ઓલિમ્પિક ચેમ્પિયન જેરેમી લાલરિનુંગાને પણ નેશનલ કેમ્પમાંથી હટાવી દીધો હતો. અચિંતા શિયુલી હાલમાં ઓલિમ્પિક ક્વોલિફિકેશન રેસમાં 27મા ક્રમે છે અને તે પેરિસ ઓલિમ્પિકમાં સબકોન્ટિનેન્ટલ ક્વોટા દ્વારા જઈ શક્યો હોત.

અચિંતની વેઈટલિફ્ટિંગ કારકિર્દી

અચિંત શિયુલીએ બર્મિંગહામ કોમનવેલ્થ ગેમ્સ દરમિયાન પુરુષોની વેઈટલિફ્ટિંગના 73 કિગ્રા વજન વર્ગમાં ગોલ્ડ મેડલ જીત્યો હતો. અચિંત શિયુલીએ સ્નેચમાં 143 કિલોગ્રામનું વજન ઉપાડ્યું હતું, જ્યારે ક્લીન એન્ડ જર્કમાં તે 170 કિલો વજન ઉપાડવામાં સફળ રહ્યો હતો. એકંદરે, તેણે ગેમ્સ રેકોર્ડ બનાવ્યો અને કુલ 313 કિલો વજન ઉપાડ્યું અને ગોલ્ડ મેડલ જીત્યો હતો.

જુનિયર વર્લ્ડ વેઈટલિફ્ટિંગ ચેમ્પિયનશિપમાં સિલ્વર મેડલ

પશ્ચિમ બંગાળના રહેવાસી અચિંત શિયુલી 2021માં ઉઝબેકિસ્તાનના તાશ્કંદમાં જુનિયર વર્લ્ડ વેઈટલિફ્ટિંગ ચેમ્પિયનશિપની 73 કિગ્રા વર્ગમાં સિલ્વર મેડલ જીતવામાં સફળ રહ્યો હતો. 73 કિગ્રા કેટેગરીમાં રાષ્ટ્રીય ચેમ્પિયન અચિંત શિયુલીએ કુલ 313 કિગ્રા (141 કિગ્રા સ્નેચ અને 172 કિગ્રા ક્લીન એન્ડ જર્ક) ઉપાડીને સિલ્વર મેડલ જીત્યો હતો.

2019 કોમનવેલ્થ ચેમ્પિયનશિપમાં ગોલ્ડ મેડલ

ત્યારબાદ અચિંત શિયુલીએ ડિસેમ્બર 2021માં કોમનવેલ્થ ચેમ્પિયનશિપની 73 કિગ્રા વજન વર્ગમાં ગોલ્ડ મેડલ જીતીને બર્મિંગહામની ટિકિટ બુક કરાવી. તે ઈવેન્ટમાં અચિંતાએ કુલ 316 કિગ્રા વજન ઉપાડ્યું અને પોડિયમમાં ટોચનું સ્થાન મેળવ્યું. અચિંત 2019 કોમનવેલ્થ ચેમ્પિયનશિપમાં ગોલ્ડ મેડલ જીતવામાં પણ સફળ રહ્યો હતો.

આ પણ વાંચો : IPL Breaking: ગુજરાત ટાઈટન્સને મોટો ફટકો, બાઈક અકસ્માતને કારણે આ ખેલાડી આખી ટૂર્નામેન્ટમાંથી થયો બહાર