જ્યારે સ્મૃતિ મંધાનાનું બેટ ફોર્મમાં હોય છે, ત્યારે રનનો વરસાદ થાય છે અને રેકોર્ડ તૂટે છે. મહિલા એશિયા કપમાં, આ ખેલાડીએ હોંગકોંગ સામે શાનદાર સદી ફટકારી હતી. મંધાનાએ હોંગકોંગ સામે 57 બોલમાં સદી ફટકારી હતી. આ મંધાનાની T20 આંતરરાષ્ટ્રીયમાં બીજી સદી છે અને તે મહિલા એશિયા કપમાં સદી ફટકારનારી પ્રથમ ભારતીય ખેલાડી પણ બની છે. મંધાનાએ આ મેચમાં ધીમી શરૂઆત કરી હતી પરંતુ તે સદી સુધી પહોંચવામાં સફળ રહી. મંધાના હવે આંતરરાષ્ટ્રીય ક્રિકેટમાં સૌથી વધુ સદી ફટકારનાર ખેલાડી પણ બની ગઈ છે. મંધાનાએ હવે આંતરરાષ્ટ્રીય ક્રિકેટમાં 18 સદી ફટકારી છે.

આંતરરાષ્ટ્રીય ક્રિકેટમાં સૌથી વધુ રન

હોંગકોંગ સામે સદી ફટકાર્યા બાદ, સ્મૃતિ મંધાનાએ આંતરરાષ્ટ્રીય ક્રિકેટમાં સૌથી વધુ રન બનાવવાનો વિશ્વ રેકોર્ડ તોડ્યો હતો. તેણીએ મિતાલી રાજના 10,868 રનના રેકોર્ડને પણ તોડી નાખ્યો હતો. મંધાનાએ આંતરરાષ્ટ્રીય ક્રિકેટમાં સૌથી વધુ 18 સદીઓ પણ ફટકારી છે. તેણીએ ODI માં 14 સદી, જ્યારે ટેસ્ટ અને T20I માં બે-બે સદી ફટકારી છે. મંધાનાએ દક્ષિણ આફ્રિકાની લૌરા વોલ્વાર્ડને પાછળ છોડી દીધી હતી, જેની આંતરરાષ્ટ્રીય ક્રિકેટમાં 17 સદી છે.

Record Alert

Smriti Mandhana is now the leading run-getter in women’s internationals

She surpasses former #TeamIndia captain Mithali Raj #WomensAsiaCup | #INDvHK pic.twitter.com/qqxNYJcunz

— BCCI Women (@BCCIWomen) September 3, 2026

મહિલા એશિયા કપમાં સૌથી મોટી ઇનિંગ

સ્મૃતિ મંધાનાએ મહિલા એશિયા કપમાં ન માત્ર પોતાની પહેલી સદી ફટકારી, પરંતુ ટુર્નામેન્ટમાં સૌથી મોટી ઇનિંગનો રેકોર્ડ પણ બનાવ્યો હતો. અગાઉ આ રેકોર્ડ શ્રીલંકાની કેપ્ટન ચમારી અટાપટ્ટુના નામે હતી. અટાપટ્ટુએ 2024માં 119 રન બનાવ્યા હતા. મંધાનાએ હવે હોંગકોંગ સામે 64 બોલમાં 124 રન બનાવીને તેનો રેકોર્ડ તોડી નાખ્યો હતો.

આંતરરાષ્ટ્રીય ક્રિકેટમાં સૌથી વધુ સદી

દુબઈની પીચ પર મંધાનાએ શરૂઆતની કેટલીક ઓવરોમાં ધીમી બેટિંગ કરી. જોકે, તેની સાથી શેફાલી વર્માએ આક્રમક બેટિંગ કરી. બંનેએ 34 બોલમાં સ્કોર 50 સુધી પહોંચાડ્યો. જોકે, શેફાલી 28 રન બનાવીને આઉટ થઈ ગઈ. મંધાનાએ 40 બોલમાં પોતાની અડધી સદી પૂરી કરી. ફિફ્ટી પૂરી કર્યા પછી, મંધાનાએ ગિયર બદલ્યા અને આગામી 17 બોલમાં પોતાની સદી પૂરી કરી. મંધાનાએ પોતાની સદીમાં 7 છગ્ગા અને 14 ચોગ્ગા ફટકાર્યા. તેની ઇનિંગને કારણે ભારતે 20 ઓવરમાં 5 વિકેટે 193 રન બનાવ્યા.

ટીમ ઈન્ડિયાના ખેલાડીઓ વારંવાર ઈજાગ્રસ્ત કેમ થઈ રહ્યા છે? BCCIએ આપ્યો જવાબ