IND vs PAK: એશિયા કપ 2024 માટે ટીમ ઈન્ડિયાની થઈ જાહેરાત, પહેલી જ મેચમાં પાકિસ્તાન સામે થશે ટક્કર

હરમનપ્રીત કૌરની કેપ્ટનશીપમાં ભારતીય મહિલા ક્રિકેટ ટીમ હાલમાં દક્ષિણ આફ્રિકા સામેની T20 શ્રેણીમાં વ્યસ્ત છે, ત્યારબાદ ટીમનું ધ્યાન એશિયા કપ તરફ જશે. અહીં ટીમની પ્રથમ મેચ પાકિસ્તાન સામે થશે. આ સમગ્ર ટૂર્નામેન્ટ શ્રીલંકામાં રમાશે.

India vs Pakistan

Smit Chauhan | Updated on: Jul 06, 2024 | 10:21 PM

T20 વર્લ્ડ કપ 2024માં રોહિત શર્માની કેપ્ટન્સીમાં ભારતીય ટીમ બાદ હવે નજર મહિલા ક્રિકેટ ટીમ પર છે. હરમનપ્રીત કૌરની કપ્તાનીવાળી ભારતીય મહિલા ક્રિકેટ ટીમ હાલમાં દક્ષિણ આફ્રિકા સામેની શ્રેણીમાં વ્યસ્ત છે, પરંતુ બરાબર 13 દિવસ બાદ ટીમ ઈન્ડિયાનો મુકાબલો પાકિસ્તાન સામે થશે. ભારત અને પાકિસ્તાન વચ્ચેની આ મેચ એશિયા કપ T20 ટૂર્નામેન્ટમાં થશે, જેના માટે ભારતીય ટીમની જાહેરાત કરવામાં આવી છે. ભારતીય ક્રિકેટ કંટ્રોલ બોર્ડે આ ટુર્નામેન્ટ માટે 6 જુલાઈ શનિવારે ટીમની જાહેરાત કરી હતી, જેમાં 15 ખેલાડીઓને સ્થાન મળ્યું છે.

ભારત-પાકિસ્તાનને એક જ ગ્રુપમાં

8 ટીમોની T20 એશિયા કપ 2024 ટૂર્નામેન્ટ 19 જુલાઈથી શ્રીલંકાના દામ્બુલામાં શરૂ થશે. આમાં ભારત અને પાકિસ્તાનને ગ્રુપ-Aમાં એકસાથે રાખવામાં આવ્યા છે. આ ગ્રુપમાં બાકીની 2 ટીમ નેપાળ અને UAE છે. ટીમ ઈન્ડિયા તેની પ્રથમ મેચ 19 જુલાઈએ પાકિસ્તાન સામે ટકરાશે. ટીમ ઈન્ડિયાએ 2022માં ટૂર્નામેન્ટની છેલ્લી આવૃત્તિનો ખિતાબ જીત્યો હતો.

Web Stories View more

GST on Water : પાણી પર કેટલા ટકા GST લાગે છે? જાણી લો

આ એક્ટ્રેસ પાસે છે ગાડીઓનું તગડુ કલેક્શન, ફરી ખરીદી 1 કરોડની કાર

આ છે દુનિયાનો સૌથી અમીર રાજા, બહેન, અભિનેત્રી સહિત અનેક મહિલાઓ સાથે કર્યા છે લગ્ન

અંબાણીની દીકરીનો ગ્લેમરસ લુક, બંને વહુ પણ નથી ઓછી, જોઈ લો તસવીર

અંબાણી સિવાય ભારતમાં બીજા કોની પાસે છે Rolls Royce કાર ?

Desi Ghee : માથા પર દેશી ઘી લગાવવાથી શું થાય છે? નિષ્ણાત પાસેથી જાણો

15 ખેલાડીઓની પસંદગી

આ ટીમમાં કોઈ મોટો ફેરફાર કે આશ્ચર્યજનક નિર્ણય લેવામાં આવ્યો નથી. આ ટૂર્નામેન્ટમાં દક્ષિણ આફ્રિકા સામે રમાઈ રહેલી T20 શ્રેણીની ટીમને જ જગ્યા આપવામાં આવી છે. આ ટીમમાંથી માત્ર 2 ખેલાડીઓ અમનજોત કૌર અને શબનમ શકીલને એશિયા કપ માટે પસંદ કરવામાં આવ્યા નથી. જ્યારે 4 ખેલાડીઓને રિઝર્વમાં સામેલ કરવામાં આવ્યા છે.

NEWS #TeamIndia (Senior Women) squad for Women’s Asia Cup T20, 2024 announced.

Details #WomensAsiaCup2024 | #ACC https://t.co/Jx5QcVVFLd pic.twitter.com/QVf7wOuTvs

— BCCI Women (@BCCIWomen) July 6, 2024

એશિયા કપ 2024 માટે ટીમ ઈન્ડિયા:

હરમનપ્રીત કૌર (કેપ્ટન), સ્મૃતિ મંધાના, શેફાલી વર્મા, જેમિમાહ રોડ્રિગ્ઝ, દીપ્તિ શર્મા, રિચા ઘોષ (વિકેટકીપર), ઉમા છેત્રી (વિકેટકીપર), પૂજા વસ્ત્રાકર, અરુંધતી રેડ્ડી, રેણુકા સિંહ, દયાલન હેમલતા, આશા શોભના, રાધા યાદવ, શ્રેયંકા પાટિલ અને સંજના સંજીવન.

રિઝર્વ ખેલાડીઓ: શ્વેતા સેહરાવત, સાયકા ઈશાક, તનુજા કંવર, મેઘના સિંહ.

ભારતનું સમયપત્રક

ભારત ઉપરાંત અન્ય ગ્રુપમાં યજમાન શ્રીલંકા સાથે બાંગ્લાદેશ, થાઈલેન્ડ અને મલેશિયાનો સમાવેશ થાય છે. બંને ગ્રુપમાં પહેલું અને બીજું સ્થાન મેળવનારી ટીમો સેમીફાઈનલમાં સ્થાન મેળવશે. બંને સેમીફાઈનલ મેચ 26મી જુલાઈએ રમાશે, જ્યારે ટાઈટલ મેચ 28મી જુલાઈએ રમાશે. ગ્રુપ સ્ટેજમાં ટીમ ઈન્ડિયાનું શેડ્યૂલ આ પ્રકારે છે.