શુભમન ગિલને 6 વર્ષના ક્રિકેટરનો વીડિયો કેમ બતાવતા હતા તેમના પિતા? ભારતીય કેપ્ટને કર્યો મોટો ખુલાસો- જુઓ Video

શુભમન ગિલે જ્યારથી ક્રિકેટની દુનિયામાં કદમ મૂક્યા છે, ત્યારથી સતત તેમણે નવી ઊંચાઈઓને સ્પર્શી છે. અંડર-16 થી લઈને અંડર-19 સુધી પોતાની બેટિંગથી તેમણે પોતાની ઓળખ બનાવી. ત્યારબાદ ટીમ ઈન્ડિયામાં આવ્યા પછી પણ તેઓ આગળ જ વધ્યા છે અને હવે કેપ્ટન પણ બની ગયા છે. આ સમગ્ર સફરમાં શુભમન ગિલના પિતા જ તેમના સૌથી પહેલા અને સૌથી મહત્વપૂર્ણ કોચ રહ્યા છે, જે અવારનવાર તેમની સાથે બેટિંગ અંગે ચર્ચા કરે છે. પરંતુ હવે ગિલે ખુલાસો કર્યો છે કે તેમના પિતા માત્ર ભારતીય કેપ્ટનના જ વીડિયો નથી બનાવતા, પરંતુ તેઓ નાના-નાના ક્રિકેટરોના વીડિયો પણ રેકોર્ડ કરીને તેમને બતાવે છે.

પંજાબ ક્રિકેટ એસોસિએશનની ટુર્નામેન્ટ શેર-એ-પંજાબ T20 લીગની નવી સીઝનના ઉદ્ઘાટન માટે શુભમન ગિલ રવિવારે 2 ઓગસ્ટે મોહાલીના પીસીએ (PCA) સ્ટેડિયમમાં પહોંચ્યા હતા. તેમને આ લીગના ઉદ્ઘાટન માટે ચીફ ગેસ્ટ તરીકે આમંત્રિત કરવામાં આવ્યા હતા. આ દરમિયાન ભારતીય કેપ્ટને પોતાની કરિયરમાં પિતાના યોગદાન અને ક્રિકેટ પ્રત્યેના તેમના ઝૂનૂન વિશે વાત કરી હતી.

શુભમન ગિલે કર્યો પિતા અંગે ખુલાસો

પ્રેસ કોન્ફરન્સમાં ગિલે પંજાબીમાં વાત કરતા પોતાના પિતાનો ઉલ્લેખ કર્યો, જેમણે ગામના પોતાના ખેતરમાં નાનકડા શુભમનને સૌથી પહેલા બેટિંગના પાઠ શીખવ્યા હતા. ભારતીય કેપ્ટને કહ્યું, “મારા પિતાનું હંમેશાં સપનું હતું કે હું ક્રિકેટ રમું. અમે અમારા ગામમાં એક એકેડેમી પણ ચલાવી રહ્યા છીએ, જેમાં આસપાસના બાળકો મફતમાં શીખે છે. જ્યારે પણ મારા પપ્પાને સમય મળે છે, તેઓ એકેડેમી જાય છે અને બાળકોને રમતા જુએ છે. ઘણી વાર તેઓ મને પણ વીડિયો બતાવે છે, ક્યારેક કોઈની બેટિંગનો તો ક્યારેક કોઈની ફીલ્ડિંગનો, ભલે તે બાળક 6-7 વર્ષનું જ કેમ ન હોય. ક્રિકેટ પ્રત્યેનો તેમનો આ જ પ્રેમ અને ઝૂનૂન છે, જેના કારણે હું અહીં બેઠો છું.”

શ્રીલંકા પ્રવાસનો પડકાર

શુભમન ગિલના પિતાના ઝૂનૂને તેમને અહીં સુધી પહોંચાડ્યા છે. પરંતુ હવે ભારતીય કેપ્ટને આ જ ઝૂનૂન સાથે નવા પડકારનો સામનો કરવાનો છે. ગિલની કપ્તાની હેઠળ ભારતીય ટીમ શ્રીલંકાના પ્રવાસે જવાની છે, જ્યાં બંને ટીમો વચ્ચે ટેસ્ટ સિરીઝ રમાશે. આ સિરીઝ 15 ઓગસ્ટથી શરૂ થઈ રહી છે, જેમાં જીત નોંધાવવી ભારતીય ટીમ માટે ખૂબ જ જરૂરી છે. પોતે કેપ્ટને સિરીઝ પહેલાં જ પોતાની તૈયારીઓ શરૂ કરી દીધી છે, હવે બસ તેને મેદાન પર ઉતારવાની રાહ જોવાઈ રહી છે.

જુઓ Video

VIDEO | Mohali, Punjab: At the launch of the Sher-e-Punjab T20 League, India captain Shubman Gill, says, “I think my father always had a dream of seeing me play cricket. We also run a free cricket academy in our village so that children from the nearby areas can come and play… pic.twitter.com/foU7s3pORi

— Press Trust of India (@PTI_News) August 2, 2026

25 છગ્ગા અને 15 ચોગ્ગા… અભિષેક શર્માએ 91 બોલમાં 233 રનની વિસ્ફોટક ઈનિંગ રમી, બેવડી સદી ફટકારીને બોલરોને બરાબરના ધોયા