IND vs SA : જો ક્રિકેટ મેચ રદ થાય, તો શું દર્શકોને ટિકિટના પૈસા પાછા નહીં મળે? જાણો શું છે નિયમ
ધુમ્મસને કારણે મેચ રદ થવી એ આશ્ચર્યજનક ઘટના છે, અને લખનૌમાં ભારત-આફ્રિકા મેચમાં આવું થયું છે. મેચમાં ટોસ પણ નાં ઘયો અને એકપણ બોલ નાખ્યા વિના મેચ રદ થઈ, જે બાદ ચોક્કસથી ફેન્સ નિરાશ થયા, જોકે તેમના મનમાં મોટો પ્રશ્ન એ છે કે તેમને મેચ તો જોવા ના મળી, તો હવે તેમની ટિકિટના પૈસાનું શું થયું? શું એ તેમને પાછા મળશે કે પછી પૈસા વેડફાય ગયા? જાણો મેચ રદ થયા બાદ ટિકિટ રિફંડ અગે શું છે નિયમ.
લખનૌમાં રમાનારી ભારત અને દક્ષિણ આફ્રિકા વચ્ચેની ચોથી T20 મેચ ધુમ્મસને કારણે રદ કરવામાં આવી હતી. ધુમ્મસ એટલું ગાઢ હતું કે લખનૌના ભારત રત્ન શ્રી અટલ બિહારી વાજપેયી એકાના સ્ટેડિયમમાં ચોથી T20 મેચમાં એક પણ બોલ રમી શકાયો નહીં અને ટોસ પણ થઈ શક્યો નહીં. હવે મોટો પ્રશ્ન એ છે કે દર્શકોના પૈસાનું શું થયું?
ધુમ્મસના કારણે મેચ રદ કરવામાં આવી
શું તેમને પૈસા પાછા મળશે કે પછી એ પૈસા ડૂબી ગયા? આ અંગે BCCI ના નિયમો શું છે? લખનૌમાં મેચ શરૂ થાય તે માટે કોઈક રીતે ધુમ્મસ દૂર કરવાના પ્રયાસમાં 3 કલાક રાહ જોવી પડી. પરંતુ જ્યારે કોઈ ઉકેલ ન મળ્યો, ત્યારે આખરે મેચ રદ કરવામાં આવી, જેના પછી ચાહકો નિરાશ થઈને ઘરે પાછા ફર્યા.
મેચ રદ થાય તો ટિકિટ રિફંડનો શું છે નિયમ?
હવે પ્રશ્ન એ છે કે ટિકિટ રિફંડનું શું? શું ચાહકોને તેમના પૈસા પાછા મળશે? આ અંગે BCCI ના બે નિયમો છે. પહેલા નિયમમાં જણાવાયું છે કે જો એક પણ બોલ ફેંક્યા વિના મેચ રદ કરવામાં આવે છે, તો ટિકિટ બુકિંગ ફી કાપીને બાકીના પૈસા ક્રિકેટ ચાહકોને પરત કરવામાં આવશે. બીજા નિયમમાં જણાવાયું છે કે જો મેચ શરૂ થાય અને પછી હવામાનને કારણે રદ કરવામાં આવે, તો ટિકિટના પૈસા પાછા આપવામાં આવશે નહીં.
શું લોકોના પૈસા ડૂબી ગયા?
ટિકિટ રિફંડ અંગે BCCI ના નિયમો જાણ્યા પછી, લખનૌના ચાહકોએ નિરાશ થવાની જરૂર નથી. ભલે તેઓ મેચ ન જોઈ શકવાથી નિરાશ થઈ શકે, પરંતુ તેમના પૈસા સુરક્ષિત છે. તે ડૂબી ગયા નથી, કારણ કે લખનૌમાં T20 મેચ એક પણ બોલ ફેંક્યા વિના જ રદ કરવામાં આવી હતી. ક્રિકેટ ચાહકોને ટિકિટના પૈસા ક્યારે પાછા મળશે તેની વિગતો રાજ્ય ક્રિકેટ એસોસિએશન અને સત્તાવાર ટિકિટિંગ ભાગીદાર દ્વારા ટૂંક સમયમાં શેર કરવામાં આવશે.
T20 શ્રેણીમાં ટીમ ઈન્ડિયા 2-1 થી આગળ
ભારત દક્ષિણ આફ્રિકા વચ્ચેની પાંચ મેચની T20I શ્રેણીમાં પ્રથમ ચાર મેચ બાદ ટીમ ઈન્ડિયા 2-1 થી આગળ છે. ભારતે કટકમાં પહેલી T20 જીતી હતી, જ્યારે દક્ષિણ આફ્રિકાએ મુલ્લાનપુરમાં બીજી T20 જીતી હતી. ભારતે ધર્મશાળામાં ત્રીજી T20 ફરી જીતી હતી. ચોથી T20 રદ થયા પછી, હવે બંને ટીમો વચ્ચે પાંચમી અને અંતિમ T20 19 ડિસેમ્બરે અમદાવાદના નરેન્દ્ર મોદી સ્ટેડિયમ ખાતે રમાશે.
આ પણ વાંચો: Breaking News: ટેસ્ટ-ODI કેપ્ટન શુભમન ગિલ T20 ટીમમાંથી બહાર, ટીમ ઈન્ડિયાએ લીધો ચોંકાવનારો નિર્ણય
