વિરાટ કોહલીના મિત્રે 41 બોલમાં સદી ફટકારી રોહિત શર્માની ઈનિંગને ભુલાવી દીધી

SA20 માં, પ્રિટોરિયા કેપિટલ્સના બેટ્સમેન વિલ જેક્સે 42 બોલમાં 101 રન ફટકારીને બોલરો પર તબાહી મચાવી હતી. વિલ જેક્સે તેની ઈનિંગમાં 17 ચોગ્ગા અને છગ્ગા ફટકાર્યા અને તેના જ દમ પર પ્રિટોરિયાએ ડરબન સુપર જાયન્ટ્સને 17 રનથી હરાવ્યું. આ સાથે જ તેણે રોહિત શર્માની અફઘનિસ્તાન સામેની સદીને ઝાંખી પાડી દીધી હતી.

Rohit-Virat & Will Jacks

Smit Chauhan | Updated on: Jan 19, 2024 | 1:16 PM

રોહિત શર્માએ તાજેતરમાં અફઘાનિસ્તાન સામે તોફાની સદી ફટકારીને ચર્ચામાં છે. તેની ઈનિંગ્સ એટલી શાનદાર હતી કે બધા જોતા જ રહી ગયા. પરંતુ હવે વિરાટ કોહલીના મિત્રએ તેના કરતા પણ વધુ ખતરનાક ઈનિંગ રમી છે. અમે વિલ જેક્સ વિશે વાત કરી રહ્યા છીએ જેણે પ્રિટોરિયા કેપિટલ્સ માટે તોફાની સદી ફટકારી અને પોતાની ટીમને ડરબન સુપર જાયન્ટ્સ સામે શાનદાર જીત અપાવી.

વિલ જેક્સ IPL 2024માં RCB તરફથી રમે છે

તમને જણાવી દઈએ કે વિલ જેક્સ IPL 2024માં RCB તરફથી રમે છે. વિલ જેકસે આઈપીએલ પહેલા આ ટુર્નામેન્ટમાં માત્ર 42 બોલમાં 101 રન બનાવીને પોતાનું વલણ સ્પષ્ટ કરી દીધું છે.

Web Stories View more

પતિની હારથી નહિ આ કારણે ટેન્શનમાં જોવા મળી ધનશ્રી વર્મા

એક્સપાયરી ડેટ પછી ફેકી ન દેતા આ વસ્તુઓ, જાણો ક્યાં કરી શકો છો ઉપયોગ

Contact Number Recover : Mobile માંથી ડિલિટ થયેલા નંબરને આ રીતે પાછા મેળવો

શું નીતા અંબાણીથી વધારે અમીર છે સાસુ કોકિલાબેન? આટલા કરોડના છે માલિક

ઘરમાં પોતું મારતી વખતે પાણીમાં ઉમેરો આ વસ્તુ, માખી-મચ્છર રહેશે ઘરથી દૂર

વિલ જેક્સની વિસ્ફોટક બેટિંગ

સેન્ચુરિયનના સુપરસ્પોર્ટ પાર્કની પીચ બેટિંગ માટે સારી નહોતી પરંતુ વિલ જેક્સે શાનદાર બેટિંગ કરી હતી. આ ખેલાડીએ પોતાની આગવી શૈલીમાં ટીમને આક્રમક શરૂઆત અપાવી હતી. જેક્સના બેટમાંથી સતત છગ્ગા અને ચોગ્ગાનો વરસાદ થયો હતો. તેણે 9મી ઓવરમાં તેની અડધી સદી પૂરી કરી હતી અને પચાસ રન સુધીમાં તેણે 8 બાઉન્ડ્રી ફટકારી હતી. માત્ર 23 બોલમાં તેણે પોતાની અડધી સદી પૂરી કરી હતી. જેક્સે તેની અડધી સદી બાદ તેની બેટિંગ વધુ તીવ્ર બનાવી અને માત્ર 41 બોલમાં 9 સિક્સરની મદદથી પોતાની સદી પૂરી કરી.

Will Jacks is the King of Centurion #Betway #SA20 #WelcomeToIncredible #PCvDSG pic.twitter.com/TvhnZcI3DN

— Betway SA20 (@SA20_League) January 18, 2024

ડરબનની પહેલી હાર, પ્રિટોરિયાની પહેલી જીત

વિલ જેક્સના દમ પર પ્રિટોરિયાની ટીમ 204 રન સુધી પહોંચી અને જવાબમાં ડરબન 20 ઓવરમાં 187 રન જ બનાવી શકી. ડરબન પાસે ડી કોક, માયર્સ, હેનરિક ક્લાસેન, સ્ટોઈનીસ, જોન સ્મટ્સ જેવા વિસ્ફોટક બેટ્સમેન હતા પરંતુ તેઓ ટીમને લક્ષ્ય સુધી લઈ જઈ શક્યા ન હતા. તમને જણાવી દઈએ કે આ ટૂર્નામેન્ટમાં ડરબનની આ પહેલી હાર છે, જ્યારે પ્રિટોરિયાએ 3 મેચમાં પ્રથમ જીત નોંધાવી છે. પ્રિટોરિયા આશા રાખશે કે વિલ જેક્સ તેનું ફોર્મ ચાલુ રાખશે અને પોઈન્ટ ટેબલમાં ટીમની સ્થિતિ સુધારશે. પાર્લ રોયલ્સ ટીમ પોઈન્ટ ટેબલમાં પ્રથમ સ્થાન પર છે.

આ પણ વાંચો : અન્ડર-19 વર્લ્ડ કપમાં આ પાંચ ભારતીય ખેલાડીઓ પર ખાસ નજર રહેશે