ટીમ ઈન્ડિયાએ સાઉથ આફ્રિકા સામે ODI સિરીઝ જીતી, સ્મૃતિ મંધાના-હરમનપ્રીત કૌર બાદ પૂજા વસ્ત્રાકરે કર્યો કમાલ
ટીમ ઈન્ડિયાએ સાઉથ આફ્રિકા સામે 3 મેચની વનડે સિરીઝ જીતી લીધી છે. બીજી વનડેમાં ટીમ ઈન્ડિયાએ માત્ર 4 રનથી જીત મેળવી હતી. સ્મૃતિ મંધાના, હરમનપ્રીત કૌરે શાનદાર સદી ફટકારી હતી પરંતુ પૂજા વસ્ત્રાકરે છેલ્લી ઓવરમાં ભારતીય ટીમને જીત અપાવી હતી.
જો કોઈ ટીમ વનડે મેચમાં 325 રનનો જંગી સ્કોર કરે છે તો માનવામાં આવે છે કે તે સરળતાથી જીતી જશે, પરંતુ ટીમ ઈન્ડિયા સાથે આવું થયું નથી. ટીમ ઈન્ડિયાએ સાઉથ આફ્રિકા સામે બીજી વનડે જીતી હતી, પરંતુ આ માટે તેમને ઘણી મહેનત કરવી પડી હતી. બેંગલુરુમાં રમાયેલી મેચમાં ટીમ ઈન્ડિયાનો માત્ર 4 રનથી વિજય થયો હતો. દક્ષિણ આફ્રિકાની ટીમે લક્ષ્યનો પીછો કરતા 321 રન બનાવ્યા હતા. એક સમય એવો હતો કે જ્યારે દક્ષિણ આફ્રિકા આસાનીથી જીતી જશે તેવું લાગતું હતું પરંતુ છેલ્લી ઓવરમાં પૂજા વસ્ત્રાકરે 2 વિકેટ લઈને ટીમ ઈન્ડિયા માટે મેચ જીતી લીધી હતી.
પૂજા વસ્ત્રાકરનો ચમત્કાર
પૂજા વસ્ત્રાકરને છેલ્લી ઓવરમાં માત્ર 11 રન બચાવવા પડ્યા હતા. ડી ક્લાર્કે પણ તેના બીજા બોલ પર ચોગ્ગો ફટકાર્યો હતો પરંતુ તેના પછીના બે બોલ પર વસ્ત્રાકરે કમાલ કરી હતી. વસ્ત્રાકરે ત્રીજા બોલ પર ડી ક્લાર્કને આઉટ કર્યા બાદ તેના પછીના જ બોલ પર શાંગાસેની વિકેટ પણ લીધી. વસ્ત્રાકરે છેલ્લા બે બોલ પર માત્ર એક રન આપ્યા અને ટીમ ઈન્ડિયાએ રોમાંચક રીતે મેચ અને શ્રેણી જીતી લીધી.
. . !
Absolute thriller in Bengaluru! @Vastrakarp25 & #TeamIndia hold their nerve to overcome the spirited South African side to take an unassailable lead in the ODI series!
Scorecard ▶️ https://t.co/j8UQuA5BhS
#INDvSA | @IDFCFIRSTBank pic.twitter.com/aIV3CkthU5
— BCCI Women (@BCCIWomen) June 19, 2024
મંધાના-હરમનપ્રીતે સદી ફટકારી
ટીમ ઈન્ડિયાની જીતમાં સ્મૃતિ મંધાના અને હરમનપ્રીત કૌરનું મહત્વનું યોગદાન હતું, બંનેએ શાનદાર સદી ફટકારી હતી. મંધાનાએ 120 બોલમાં 136 રન બનાવ્યા હતા. જ્યારે હરમનપ્રીત કૌરે 88 બોલમાં અણનમ 103 રન બનાવ્યા હતા. મંધાનાએ સતત બીજી ODI સદી ફટકારીને ઈતિહાસ રચ્યો હતો. આ સિદ્ધિ મેળવનારી તે પ્રથમ ભારતીય ખેલાડી બની હતી. હરમનપ્રીત કૌરે પણ પોતાની કારકિર્દીની છઠ્ઠી ODI સદી ફટકારી હતી.
#Teamindia WIN THE SERIES #INDvSA #IDFCFirstBankWomensODITrophy #JioCinemaSports pic.twitter.com/n2rfdAdbv0
— JioCinema (@JioCinema) June 19, 2024
એક મેચમાં 4 સદી
ભારત-દક્ષિણ આફ્રિકા મેચમાં કુલ 4 સદી ફટકારવામાં આવી હતી, જે એક વર્લ્ડ રેકોર્ડ છે. મહિલા વનડે ક્રિકેટમાં પ્રથમ વખત એક મેચમાં ચાર સદી ફટકારવામાં આવી છે. દક્ષિણ આફ્રિકા તરફથી કેપ્ટન લૌરા વૂલવર્થે 135 રનની ઈનિંગ રમી હતી. મેરિજેન કેપે પણ 114 રન બનાવ્યા હતા. જો કે આ સદીઓ છતાં તે પોતાની ટીમને હારથી ન બચાવી શક્યા.