ટીમ ઈન્ડિયાના સ્ટાર ખેલાડીએ લીધો સંન્યાસ, જન્મદિવસ પર નિવૃતિની કરી જાહેરાત
ટીમ ઈન્ડિયાના વિકેટકીપર બેટ્સમેન અને IPLમાં રોયલ ચેલેન્જર્સ બેંગલુરુ તરફથી રમતા સ્ટાર ભારતીય ખેલાડીએ પોતાના જન્મદિવસ પર એક ખાસ વિડીયો પોસ્ટ કરી પોતાની 20 વર્ષની કારકિર્દીનો અંત કરવાની જાહેરાત કરી હતી. નિવૃતિ અંગે વાત કરતા આ ખેલાડી ભાવુક થયો હતો. તેણે BCCI, તમામ કોચ, કેપ્ટન, સિલેક્ટર અને સાથી ખેલાડીઓનો આભાર માન્યો હતો.
ટીમ ઈન્ડિયાના સ્ટાર વિકેટકીપર અને બેટ્સમેન દિનેશ કાર્તિકે સંન્યાસ લઈ લીધો છે. દિનેશ કાર્તિકે ઈન્ટરનેશનલ ક્રિકેટની સાથે ડોમેસ્ટિક ક્રિકેટને પણ અલવિદા કહી દીધું છે. તાજેતરમાં, IPL 2024 માં એલિમિનેટર મેચમાં RCBની હાર સાથે, તેણે IPLમાંથી પણ નિવૃત્તિ લીધી હતી. દિનેશ કાર્તિકની આંતરરાષ્ટ્રીય કારકિર્દી 2004માં શરૂ થઈ હતી અને લગભગ 20 વર્ષ બાદ તેણે હવે રમતને અલવિદા કહી દીધું છે.
વીડિયો પોસ્ટ કરીને આપી માહિતી
દિનેશ કાર્તિકે સોશિયલ મીડિયા પર એક મિનિટનો વીડિયો પોસ્ટ કરીને નિવૃત્તિની જાહેરાત કરી અને તમામ ચાહકોનો આભાર માન્યો. દિનેશ કાર્તિકે તેમના બાળપણથી લઈને કારકિર્દીના અંત સુધીની તસવીરો વીડિયોમાં સામેલ કરી છે.
It’s official
Thanks DK pic.twitter.com/NGVnxAJMQ3
— DK (@DineshKarthik) June 1, 2024
દિનેશ કાર્તિક થયો ભાવુક
નિવૃત્તિની જાહેરાત કરતી વખતે દિનેશ કાર્તિક ખૂબ જ ભાવુક થઈ ગયો હતો અને તેણે પોતાના પ્રશંસકો અને કોચનો આભાર માન્યો હતો. તેણે લખ્યું કે આટલી મોટી સફરમાં તેને સાથ આપવા માટે તે તેના કોચ, કેપ્ટન, સિલેક્ટર અને સાથી ખેલાડીઓનો આભાર માને છે. કાર્તિકે કહ્યું કે તેના માતા-પિતાએ તેને હંમેશા શક્તિ આપી છે અને જો તે ન હોત તો તે ક્યારેય આ સ્થાને ન પહોંચી શક્યો હોત. દિનેશ કાર્તિકે તેની પત્ની દીપિકા પલ્લીકલનો પણ આભાર માન્યો જેણે આ ખેલાડીની કારકિર્દીને આગળ વધારવા માટે તેની કારકિર્દીને રોકી દીધી.
1⃣8⃣0⃣ intl. matches 3⃣4⃣6⃣3⃣ intl. runs 1⃣7⃣2⃣ dismissals ICC T20 World Cup Winner
And countless memories
Congratulations on an incredible career, @DineshKarthik #TeamIndia | #ThankYouDK pic.twitter.com/zjTAWS4pi2
— BCCI (@BCCI) June 1, 2024
દિનેશ કાર્તિકની કારકિર્દી
દિનેશ કાર્તિકે તેની કારકિર્દીમાં કુલ 26 ટેસ્ટ, 94 વનડે અને 60 T20 આંતરરાષ્ટ્રીય મેચ રમી હતી. આ સિવાય તેણે 167 ફર્સ્ટ ક્લાસ મેચ, 260 લિસ્ટ A અને 401 T20 મેચ રમી છે. કાર્તિકે ટેસ્ટમાં 1025 રન બનાવ્યા હતા. તેણે ODIમાં પોતાના બેટથી 1752 રન બનાવ્યા હતા. જ્યારે T20માં તેણે 686 રન બનાવ્યા હતા. આ ખેલાડીએ પોતાની ફર્સ્ટ ક્લાસ કારકિર્દીમાં 28 સદી અને લિસ્ટ Aમાં 12 સદી ફટકારી હતી. તે આંતરરાષ્ટ્રીય ક્રિકેટમાં માત્ર એક જ સદી ફટકારી શક્યો હતો.
આ પણ વાંચો : T20 World Cup 2024 : ભારત-પાકિસ્તાન મેચ પહેલા આવ્યા મોટા સમાચાર, ICCને કરોડો રૂપિયાનું થશે નુકસાન !